news-inner
clock16:20 calendar-gray 10 İyul 2018 view-gray263 dəfə oxunub
view-gray263 dəfə oxunub

Onda bizim toplanımız var idi – Yeni Şeirlər

Kulis.az Ruzbeh Məmmədin yeni yazdığı “Klassika şeirləri”ni təqdim edir.

Vaxt var idi, qoyun-quzu güdərdik

Onda bizim toplanımız var idi

Qucaqlardıq dizimizi yağışda

Saatımız günəş, buludlar idi...

Nənəm bizə yağ qoyardı yeməkçün

Tez qaçardıq anamıza deməkçün

Səhər-səhər pendir üçün, çörəkçün

Gözlərimiz ağlar idi, zar idi...

Bayram oldu, pay gələrdi uzaqdan

Qızlar məktub göndərərdi uşaqdan

Əllərimiz balacaydı qaşıqdan

Xəstələnsək dərmanımız nar idi...

Sirrimizi anamıza deyərdik

Atamızı harda gəldi öyərdik

Nə versələr sevinərək geyərdik

Şalvar böyük, köynək bir az dar idi

Kənd-kəsəyin yolu bizi üzərdi

Xəstələnsək bibim deyər: Nəzərdi

Gəlin gedən hər əzaba dözərdi

Çıxıb gəlmək qadın üçün ar idi...

Vaxt var idi qoyun-quzu güdərdik

Onda bizim hər şeyimiz var idi...

***

Nə sən deyən, nə mən deyən olmadı

Neçə-neçə arzu durub qaldı ha...

İndən belə nə dəyişər, bilmirəm

Ürəyimiz ləkə-ləkə xaldı ha...

Təsəllilər göz yaşını qurutdu

Çatan bizi yalan-doğru ovutdu

Qalanlar da gedənləri unutdu

Bizi də ki, ölüm yada saldı ha...

Sən demə ki, həsrətimiz car imiş

Yaşanan da ömür yox e... xar imiş

Nə yaxşı ki, xatirələr var imiş

Nə yaxşı ki, xatirələr qaldı ha...

***

Üzünü yan tutan xanım

Örpəyini yel aparır

Həsrətin yandırdı məni

Gözlərimi sel aparır

Ürək yandı, yaman yandı

Ömür keçir - ömür andı...

Bağrım başı alovlandı

Bədənini tül aparır...

Elə bildim ki, ölmüşəm

Ölmüşəm də, nə ölmüşəm

Axşam yuxuda görmüşəm

Ağ əllərin gül aparır...

news-inner-user

17090 məqalə

Oxşar xəbərlər

Xəbər lenti

Tank lüləsində striptiz- Dahiyanə filmlər
21:00 24 Noyabr 2020
“Zorla erməniləşdirmə” sənədli filmi təqdim olunub
19:40 24 Noyabr 2020
Bakı Kitab Mərkəzinə 100-dən çox ərəb dilində kitab hədiyyə olunub
19:37 24 Noyabr 2020
Xalq artisti Əjdər Həmidov vəfat etdi
18:50 24 Noyabr 2020
Xocalı haqda film Tehran festivalının əsas müsabiqəsində
18:21 24 Noyabr 2020
Azərbaycandakı dini rəhbərlər dağıdılan abidələrimizlə bağlı bəyanat verib
17:33 24 Noyabr 2020
Ermənilərin "əl gəzdirdiyi" Əsgəran qalası
17:05 24 Noyabr 2020
48-ci Beynəlxalq "Emmi" mükafatının qalibləri açıqlandı
16:23 24 Noyabr 2020
İbrahim İlyaslının yeni kitabı nəşr edildi - Foto
15:57 24 Noyabr 2020
Rəssamlar İttifaqı beynəlxalq müsabiqə elan etdi
15:21 24 Noyabr 2020
Rus qadınla gizlin evləndi, anasının ölümünə səbəb oldu, otel otağında huşsuz tapıldı– Kinomuzun Əhmədinin faciəvi həyatı
14:42 24 Noyabr 2020
Ağam şəhərim! Adam şəhərim! - Qulu Ağsəsdən Ağdam şeiri
14:01 24 Noyabr 2020
Məsciddə çəkilən fotoda ən incə məqam
13:16 24 Noyabr 2020
Sosial media mütəxəssisi: “Laykdan asılı vəziyyətə düşmək xəstəlikdir” – Müsahibə
12:40 24 Noyabr 2020
Muğam Mərkəzindən növbəti təqdimat
12:05 24 Noyabr 2020
Tanınmış həkimdən koronavirus xəbərdarlığı: “Vəziyyət çətindir”
11:35 24 Noyabr 2020
Boşana bilmirəm, nə edim? – Fəridə yazır...
11:04 24 Noyabr 2020
Serbiyada Üzeyir bəyin xatirəsi anıldı - Foto
10:30 24 Noyabr 2020
Xanımını əmisi oğlu ilə tutdu, baltalamaq istədi – Şukşinin hekayəsi – Dilimizdə ilk dəfə
09:01 24 Noyabr 2020
Fikircil – Rafiq Tağıdan hekayə
21:00 23 Noyabr 2020