Onu “Xanım Manhetten” çağırırdılar...
Ya da ki, Amerikanın Venerası...
Söhbət dünyanın ilk super modelindən gedir...
1910-cu ildə Odri Menson dünyanın diqqətində olan model idi.
Dünyanın ilk super modeli 1891-ci ildə anadan oldu və çox uzun yaşadı.
Düz 104 il.
Ancaq bu 104 ilin 65-ni psixi müalicədə keçirdi...
Çətin həyat yaşadı...
Uşaqlığı yoxsulluqla qucaq-qucağa keçdi.
Nyu-Yorkun ən uzun küçəsi Brodveydə gəzərkən üzünə gülüş qondu.
O zaman Odri Menson məşhur bir fotoqrafla qarşılaşmışdı.
Onda Odrinin 15 yaşı vardı.
Modellik karyerası başladı. Yaxşı da pul qazandı.
Həyatının “qara pişiyi” ilə 1919-cu ildə rastlaşdı.
Odri kirayə mənzil götürdüyü adama vuruldu. Modellə evlənmək istəyən adam da buna görə öz arvadını öldürdü. Odrinin sevdiyi tutuldu, ölümə məhkum olundu və elektrik stuluna oturduldu.
Bu hadisə Odrini gözdən salmışdı. Halbuki modelin bunda heç bir günahı yox idi. Puritanlar (XVI və XVII əsrlərdə Böyük Britaniyada baş vermiş dini hərəkat – red.) onu görmək belə istəmirdi.
Artıq model heç kimin marağında deyildi.
İstənməmək o qədər uzandı ki...
Axırda Odri qabyuyan kimi çalışmağa başladı...
Bir zaman gəldi, Odri boğaza yığıldı və özünü öldürmək istədi.
Onu intihardan xilas elədilər.
Ancaq bu intihar cəhdi onun psixikasını zədələdi.
Daha sonrakı həyatı xəstəxana divarları arasında keçəcəkdi...
Unudulmuş, parlaqlığı sönmüş ulduzu xəstəxanada ziyarət edən atası oldu.
Odri atasını tanımadı.
Ölümünə qədər psixi xəstəxanada qaldı...
Atası ilə birlikdə dəfn olundu.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər