writer1

Könül Cəfərli

Məqalə sayı

71
clock07:57 calendar-gray 09 May 2018 view-gray487 dəfə oxunub
view-gray487 dəfə oxunub

Maral Tahirqızına yengəlik edən aparıcılar

Səhər-axşam videolarını paylaşıb, ələ saldığınız xanım var ha, Maral Tahirqızı, elə bilirsiniz o təkdir? Sizə o qədər “Maral” sayaram ki, dastan olar. Guya özünüz tanımırsınız? Sadəcə o yazığı yiyəsiz görüb, üstünə çımxırırsınız. O gün də bir verilişə çağırıb, “biabır” ediblər. Mən də izlədim, aparıcı qəzəblə “Azərbaycan musiqisinin qara nöqtəsi, utanc yerisən”- dedi.

Düzü, Mətanətin şpaqatından, Zaurun hamam xalatından sonra fikirləşirdim ki, daha məni yerli kanallarda təəccübləndirən nəsə olmayacaq. Amma yanılmışam. Çağırdığı qonağı bu şəkildə aşağılayan aparıcıya hələ rast gəlməmişdim, bu da oldu. Tahirqızının musiqidə “törət”diyini aparıcı efirdə elədi. Peşəkar musiqiyə görə Maralın ifası nədirsə, televiziya standartlarına görə aparıcının öz qonağını təhqir etməsi odur.

BBC-dən Naomi Qoldsmit adlı müəllimim vardı. Hətta bir narkomandan, fahişədən müsahibə alan zaman elə təqdim edin, münasibət qurun ki, şərəf və ləyaqətinə toxunmasın, mənliyi alçalmasın, qüruru inciməsin deyirdi. Çünki aparıcı açdığı müzakirədə tərəf olmamalı, münasibət bildirməməli, əgər mübahisəli mövzudursa, əks mövqelərin birgə iştirakını təmin etməli və hər kəsə fikrini ifadə edə bilməyi üçün bərabər şərait yaratmalıdır. Əgər qüsur, problem varsa, aparıcı bunu ekspertlərin dili ilə gündəmə gətirməlidir. Bəzi istisnalar var, amma bunun bəhs etdiyimiz “Maral” söhbətinə aidiyyatı yoxdur. Odur ki, qınamaq, barmaq silkələmək, ağsaqqallıq və yengəlik etmək kimi cəhdlər aparıcılıq missiyasına daxil deyil. Mən qeyd etdiyim beynəlxalq TV standartlarıdır. Yəni peşəkarlıq şərtləri və tələbləridir. Bu qədər həssas və tələbkar bir jurnalistika məktəbi üçün bir aparıcının qonağı aşağılaması televiziyanın qara nöqtəsi, utanc yeridir. Gördüyünüz kimi musiqimizin olduğu kimi televiziyalarımızın da öz “Maral”ları var!

M.Tahirqızına gəlincə isə, nə səsi var, nə də sənəti. Paylaşdığı videolarla özünü lağlağı hədəfinə çevirir. Bəs niyə verilişlərə dəvət edirlər? Məgər ondan başqa oxumağı bacarmayan yoxdur? Əlbət ki, var. O zaman nə üçün məhz Maral? Çünki adam ciddi qəbul olunmasa da populyar biridir. Sosial şəbəkələrdə yerləşdirdiyi videolar yaxşı izlənir, xeyli rəy yazılır, bir aləm adam paylaşır. Verilişə gələndə də tamaşaçı toplaya bilir, baxılır, reytinq gətirir. İnsanlar onun oxumasına, danışığına gülsələr də həvəslə izləyirlər.

O da başqa bir mövzudur ki, niyə bir professorun ciddi çıxışı az, Maralın, Telli Borçalının söhbəti çox baxılır? Səbəbi çox uzun-uzadı olsa da, qısa nəticəsi budur ki, tamaşaçı kimə baxmaq istəyirsə, aparıcı onu dəvət edir. Yəni siz efirdə nə görmək istəyirsinizsə, onu da göstərirlər. Neçə layihə bilirəm ki, baxmadığınız üçün bağlandı. Hamısı da faydalı, maarifləndirici verilişlər idi. İntəhası o idi ki, qalmaqal, şou, musiqi, bədbəxt talelər yox idi. Di gəl, falçı Bayramın çığırtısı bir alimin nitqindən çox baxış toplayır. Yazıq aparıcılar da verilişlərinin davam etməsi üçün efirdə sizi maraqlandıran cürbəcür zadlar edirlər. Kimi sağlam adamı studiyaya xərəkdə gətirir, kimisi Bayramı çığırdır, bir başqası xələt geyinir. Hamısı siz tamaşaçılar üçündür. Baxmayın, onlar da məcbur qalıb ağıllı veriliş çəksinlər. Bəlkə özləri də bezib gündə bir hoqqa çıxarıb, sizi ekrana cəlb etməkdən. Belə davam etməyin, özünüz də yazıqsınız, elə o aparıcılar da...

REKLAM

Yazarın digər yazıları

Xəbər lenti

Kamal Abdullanın romanı Almaniyada çap olunub
17:38 23 Yanvar 2021
Xudu Məmmədov Zəlimxan Yaquba onunla bağlı hansı sirri açdı? – Xatirə
16:30 23 Yanvar 2021
Aydın Kazımzadənin yeni kitabı işıq üzü gördü
15:30 23 Yanvar 2021
"Qaltan dərəsi" adlanan ərazidən tunc dövrünə aid tarixi abidələr tapılıb - Fotolar
14:20 23 Yanvar 2021
Yağışın xatırlatdığı qız – Eyvaz Əlləzoğlunun hekayəsi
13:31 23 Yanvar 2021
Cangüdəni və köməkçisi əfsanəvi modelyer haqqında kitab yazdı
12:23 23 Yanvar 2021
Pərakəndəlik Nizami ilinə heç nə verməyəcək - Filoloq yazır
11:01 23 Yanvar 2021
Xalq artisti TƏBİB-ə müraciət etdi: "Bu vəziyyət peşəkarların itkisinə aparır"
10:36 23 Yanvar 2021
Nazirlik qələbəmizlə bağlı film müsabiqəsi elan etdi
10:17 23 Yanvar 2021
Fuad Poladov: “Başımı qırxıb məni Sumqayıta göndərdilər” – Müsahibə
09:00 23 Yanvar 2021
“Qətibə İnanc” tamaşası nümayiş olunacaq
18:55 22 Yanvar 2021
Məşhur aparıcılar AzTV-də "ər-arvad" oldu - Foto
18:16 22 Yanvar 2021
Nizami Gəncəviyə həsr olunmuş sərgi açılıb
17:35 22 Yanvar 2021
Hayl Hitler! - Qısa hekayə
16:55 22 Yanvar 2021
Zəfər Muzeyi harda olacaq? - Rəsmi açıqlama
16:23 22 Yanvar 2021
Bakıda Fransa filmləri festivalı başladı
15:55 22 Yanvar 2021
Birinci yerə layiq görülən yazar: “Bizdə müsabiqələr hamının könlünü almağa hesablanır” – Müsahibə
15:18 22 Yanvar 2021
Məşhur aktrisa vəfat etdi
14:37 22 Yanvar 2021
Bağırov onu Müdafiə naziri təyin etdi, erməni general sui-qəsd törətdi, vəzifəyə gəlməyinə bir gün qalmış qətlə yetirdilər – Həzi Aslanovun müəmmalı ölümü
14:02 22 Yanvar 2021
Ceyms Bond silsiləsindən yeni filmin premyerası yenə təxirə salındı
13:29 22 Yanvar 2021