news-inner
clock13:01 calendar-gray 03 May 2018 view-gray563 dəfə oxunub
view-gray563 dəfə oxunub

Qadınla qəmli-qəmli görüşmək - Mollalardan 11 LƏTİFƏ

Kulis.az molla mövzusunun aktual olduğunu nəzərə alaraq xalq arasında məşhur olan bir neçə molla lətifəsini təqdim edir.

Yas məclislərinin birində molla Əzrayıldan danışırmış. Bu vaxt cavanlardan biri molla ilə zarafatlaşmaq istəyir:

- Ay molla, Əzrayıl kişidir, ya qadın?

Mollanın cavabı gecikmir:

- Gəlib sinənə çökəndə əlinlə yoxlayarsan.

***

Məclisdə molla qəfil yerindən sıçrayıb qışqırır:

- Ay aman, qiyamət yaxınlaşır! Allahın evini murdarladılar!

Məclisdəkilər mollanın bu hərəkətindən narahat olub soruşurlar ki, qəfildən sənə nə oldu axı?

Molla cavab verir:

- Məndə qeybi görürəm. Gördüm ki, bu dəqiqlərdə Kəbəyə bir it yaxınlaşdı, divarını murdarladı.

Hamı mollanın bu sözündən qorxuya düşür.

Bir az sonra ehsan verilir. Məclisə xidmət edən lotu cavanlardan biri mollanın qabağına gedən plovun qarasını düyünün altında gizlədir. Plovunu qarasız görən molla dillənir:

- Bunu qarası hanı?

Cavan oğlan qaşıqla düyünün altındakı qaranı göstərib deyir:

- Kəbədə iti görürsən, düyünün altında qaranı görmürsən?

***

Məclisdə molla söhbət edir:

- Namaz qılmayanlar, içki içənlər, pis əməl törədənlər sirat körpüsünü keçə bilməyəcəklər.

Bu vaxt nadinc bir adam mollanı çətinə salmaq fikrinə düşür:

- Olar körpüyə çatanda sənin ətəyindən tutub mən də keçim?

Molla:

- Bala, orda hamı lüt-üryan olacaq. Amma yenə də bax, məncə nəsə tapıb tuta bilərsən.

***

Küçədə iki nəfər dalaşırmış. Yaxınlıqdan keçən polis onları ayırmaq üçün gedəndə qarşısına bir molla çıxır və onu saxlayır:

- Nəçənnik, tələsmə!

Polis:

- Axı bir-birinə hücum edirlər?

Molla:

- Dedim ki, tələsmə.

Bu vaxt dava edənlərin biri bıçaqla vurub o birini öldürür. Molla gülümsünür:

- İndi buyur get. Sən özününkünü apar, mən özümünkünü.

***

Molla qəbir üstündə kasıb bir adamın atasına “Yasin” oxuyurmuş. Bu vaxt qəbiristana yekə bir “Cip” yaxınlaşır. İçindən kostyumlu-qalstuklu bir neçə adam düşür. Molla görür ki, gələn imkanlı adamdı “Yasin”i tez-bazar bitirib onlara yaxınlaşır. Və həmin imkanlı adamın atasının qəbrinin üstündə uzun bir “Yasin” oxuyur.

“Cip” gedəndən sonra kasıb adam mollaya yaxınlaşıb deyir:

- Onun pulu çoxdu deyə, fərq qoyursan? Bəs hanı ilahi ədalət?

Mollanın əlini saqqalını çəkib təmkinlə deyir:

- Ay oğul, sənin atan arif adamdır, iki kəlmə dedim, başa düşdü. Bunun atası zırramanın biridir, başa sala bilmirdim.

***

Dəfn mərasimi keçirilirmiş. Hava da soyuq, qar yağır. Molla da “Yasin”i bitirmək bilmir. Bu vaxt qəbrin ətrafına yığılanlardan biri deyir:

- Molla, “zimni” elə, soyuqdan qırıldıq.

***

Gecə vaxtı məscidə namaza gələn bir mömin görür ki, molla minbərin arxasında bir qadınla mazaqlaşır. Necə hirslənirsə, özündən çıxır, “Tfu, sənin imanına!!!” deyib, məscidin döşəməsinə tüpürür.

Molla tövrünü pozmadan deyir:

- Qoy əlimdəki bu mübarək işi bitirim, Allahın evini murdarlamağın nə demək olduğunu sənə göstərəcəm!

***

Məhərrəmlik vaxtı mollaya sual verirlər ki, içmək olar. Molla deyir:

- Yox.

Daha bir sual:

- Bəs qadınla görüşmək necə?

Molla:

- Olar, amma qəmli-qəmli.

***

Mollayla polisin sözü çəp gəlir. Polis acıqlanır:

- Sən öl, səni “srok”a göndərərəm.

Molla təmkinlə cavab verir:

- Sən göndərdiyin uzağı on beş ilə qayıdır, mən göndərdiyim biryolluq gedir.

***

Molladan soruşurlar:

- Naməhrəmə baxmaq olar?

Mollanın cavabı:

- “Svarka”dan başqa hər şeyə baxmaq olar.

***

Avqust ayı. İsti. Dəfn mərasimi. Bir kişi qəbrə girib atasının meyitini torpağa qoyur. Başının üstündə dayanan molla:

- Bir az sağa, bir az sola, olmadı, başını azca qaldır, bir az belə çöndər, çox oldu, indi ayaqlarını bir az sola çək...

Mərhumun oğlu dözməyib başını qəbirdən qaldırır:

- A kişi, “krosnu” quraşdırmırıq e, adam basdırırıq.

news-inner-user

15791 məqalə

Oxşar xəbərlər

Xəbər lenti

Azərbaycanlı alimin kitabı Avropa dillərində nəşr olunacaq
18:37 09 İyul 2020
Uşaqlar üçün tamaşa
17:56 09 İyul 2020
Təranə Vahidin Türkiyədə çap olunan hekayəsi: "Durna adam"
17:15 09 İyul 2020
Qızını ərə verən atanın ölümü
16:26 09 İyul 2020
İspaniyada Haqverdiyevə həsr olunmuş poçt markaları buraxıldı
15:47 09 İyul 2020
Mikayıl Müşfiq qadına görə öldürülüb - İddia
15:08 09 İyul 2020
Məşhur sənətçi prezidentliyə namizəd olacaq
14:19 09 İyul 2020
Yaltaqlıq ən perspektivli valyutadır - Qorxmaz Quliyev yazır...
13:30 09 İyul 2020
Uşaq təbəssümü
12:53 09 İyul 2020
Qorxu və təşviş insanı necə formalaşdırır? – Nazlı Əmirova ekzistensializmdən yazır...
12:30 09 İyul 2020
Bəhram Bağırzadənin həyat yoldaşı: "Hələ danışa bilmir"
11:48 09 İyul 2020
Cinsi yanğısını Facebookda söyüşlə soyudanlar
11:19 09 İyul 2020
Son 200 ilin ən yaxşı qəzəli – Mətn
10:46 09 İyul 2020
Elton Conun şərəfinə sikkə hazırlandı
10:09 09 İyul 2020
Sovet ordusunda üsyan edib almanlar tərəfə keçən azərbaycanlı - Amerikadan yazırlar...
09:01 09 İyul 2020
Moskvada teatrlar avqustun 1-dən açılır
18:54 08 İyul 2020
Uşaq tabutunda basdırılan kişi - Günel Natiqdən yeni hekayə
18:22 08 İyul 2020
Son 10 ilin ən yaxşı qorxu filmləri - Siyahı
17:49 08 İyul 2020
Venesiya Film Festivalı əvvəlki qaydada keçiriləcək
17:10 08 İyul 2020
Qarabağda “iki” alıb, sinifdə qaldığım Vətən - Ramiz Qusarçaylıdan şeirlər...
16:23 08 İyul 2020