writer1

Mirmehdi Ağaoğlu

Məqalə sayı

574
clock12:06 calendar-gray 06 Aprel 2018 view-gray397 dəfə oxunub
view-gray397 dəfə oxunub

İşıqlıdır süpürgəçiləri ölkəmin

Mirmehdi Ağaoğlu

Şad xəbər: Dünən Bakı Şəhər Baş Polis İdarəsi olduqca sevindirici bir xəbər yaydı. Bakı şəhərində təmizlik aparan işçilər üçün yeni geyimlər hazırlanıb. Geyimlərin üstünlüyü ondadır ki, xüsusi işıqqaytarıcıları var. Bu işıqqaytarıcılar süpürgəçi qadınları məhdud görünmə şəraitində təhlükədən qoruyacaq.

Yəqin dünyada belə nümunə yoxdur. Analoqsuz inkişafın bir nümunəsi kimi süpürgəçilik sahəsində ilk işdir. Yüksək sürətli magistral yolları süpürmək üçün xüsusi texnikadan istifadə etmək çeynənmiş vasitədir. İndi dünyanın hər yerində texnikiləşdirməyə can atırlar, insan əməyinə hörmət etmirlər. Biz isə insan əməyinə hörmətlə yanaşırıq. Ona görə də imkansız qadınları bu işə cəlb edirik ki, onlar da evlərinə çörəkpulu aparsınlar. Düzdür, kimsə irad tuta bilər ki, bəyənmədiyimiz İranda belə qadınlar küçə süpürmür, süpürgəçiliyi onlara layiq bilmirlər. Nə olsun, əvəzində qadınları qara çadraya bürüyürlər. Bizsə qadınlarımızın geyimlərini işıqlandırırıq. İşıqlı həyatları olmasa da olar, işıqlı geyimləri olsun.

Bakı şəhərində çalışan 500 süpürgəçi üçün hazırlanmış bu işıqqaytarıcılı geyimlərin başqa bir üstünlüyü də var: Üç pozisiyada işləyirlər. Süpürməkdən yoruldun, bir az başını qatmaq istəyirsən, düyməni bas və lampoçkalarının yanma funksiyasını dəyiş, əylən.

Bəs bu mütərəqqi addımı hansı səbəbdən atılıb?

Əgər unutmamısınızsa ötən həftə bədbəxt bir xəbər yayılmışdı. “Kamaz” maşını aeroport yolunu süpürən süpürgəçini vurmuş, qadının başından axan qan gölməçəsi təzəcə süpürdüyü yerə yayılmışdı. Hadisə yerindən çəkilən rəsm görənlərin ürəyini parçalayırdı.

Belə faciəvi hadisələrin qarşısını almaq üçün bu addım atılıb. Çıxış yolunu işçilərin geyimlərini işıqlandırmaqda görüblər. Analoqu olmayan tapıntı. Yol təmizləyən texnika tıxac yaradardı, lazım deyil.

İnanıram ki, şanlı yol polisimiz bu cür mütərəqqi ideyaları təkmilləşdirməkdə davam edəcək. Yəqin görmüsünüz, süpürgəçilər üzlərini adətən şalla gizlədirlər. Bakı Şəhər Baş Polis İdarəsi onlar üçün Çindən ninza paltarları sifariş verə bilər, həm süpürgəçilərimiz daha estetik görünərlər, həm də yaramaz şoferlərə qorxu aşılayarlar. Yol pozuntularının da sayı azalar.

Başqa bir təklif: Süpürgəçilər adətən yanlarınca bir ləyən də sürüyürlər. Polislərimiz növbəti mərhələdə bu ləyənlərə təkər də qoşa bilərlər ki, süpürgəçilərin işi asanlaşsın.

Bir az fikirləşsək başqa mütərəqqi ideyalar da tapmaq olar.

Məndən bu qədər, qalanını sizin öhdənizəburaxıram.

Daha heç nə demirəm. Sabaha olan son ümidlərimi də süpürüb gedirəm.

REKLAM

Yazarın digər yazıları

Xəbər lenti

Dayısı oğlu onu zorladı, bacısı ilə sevgili oldu, özünü göldə boğdu...
21:00 25 Yanvar 2021
Venesiya karnavalı ilk dəfə onlayn formatda keçiriləcək
19:03 25 Yanvar 2021
Şuşa Teatrı haqqında film çəkildi
18:38 25 Yanvar 2021
Brilliant, Faiq, Aygün, Röya... - Onları belə görmədiniz
17:47 25 Yanvar 2021
Gecə qəfil evimə gələn qaradərili oğlan – Azər Əhmədovun qısa hekayələri
17:11 25 Yanvar 2021
Afaq Məsud Meksika səfiri ilə görüşdü
16:47 25 Yanvar 2021
Azərbaycanlı bəstəkar haqqında kitab çap edildi
16:33 25 Yanvar 2021
Dövlət varidatı elan olunmuş əsərlərdən istifadəyə görə qonorardan istifadə qaydası
15:55 25 Yanvar 2021
Atamın Qarabağda qalan əlləri – Hekayə
15:17 25 Yanvar 2021
Aygün Kazımovanı arxada qoydu, vərəmə tutuldu, 31 yaşında Amerikada güllələndi – Azərbaycanlı müğənninin faciəvi həyatı
14:37 25 Yanvar 2021
Beynəlxalq ədəbiyyat mükafatının qalibi bəlli oldu
13:58 25 Yanvar 2021
Türk aktyor evində ölü tapıldı
13:15 25 Yanvar 2021
2020-ci ildə Azərbaycanda ən çox satılan 10 kitab - Siyahı
12:34 25 Yanvar 2021
“Netflix”də çəkilən ilk aktrisamız: “Çox yaxşı qonorar verdilər” – Müsahibə
12:05 25 Yanvar 2021
Peyvənd qorxusu, toy dərdi və öldürülən yeganə azərbaycanlı
11:14 25 Yanvar 2021
Tanınmış ssenarist vəfat etdi
10:44 25 Yanvar 2021
Ağalar Qut Sabiri tənqid erəkən... - Təbrizdən yazırlar
10:15 25 Yanvar 2021
Muzeylər açıldı
09:35 25 Yanvar 2021
Günel Mövludun ən böyük nöqsanı – Cavid Ramazanov “Düşərgə”dən yazır...
09:03 25 Yanvar 2021
Eldar Quliyev "İstiqlal" ordeni ilə təltif olunub
15:16 24 Yanvar 2021