Tanınmış dinlər tarixçisi Karen Armstronq "Mifin qısa tarixi" kitabı Azərbaycan dilində nəşr olunub.
Kulis.azın verdiyi xəbərə görə, miflərin paleolit dövründən müasir dövrə qədər məruz qaldığı dəyişiklikləri tədqiq edən bu yığcam əsəri dilimizə tanınmış tədqiqatçı-alim Yalçın İslamzadə çevirib.
“TEAS Press” nəşriyyatında işıq üzü görən kitabın redaktoru Famil Cəfərlidir.
Miflərə hazırkı yadlaşmamızın tarixdə analoqunun olmadığını düşünən K.Armstronq "mythos" ilə "logos"un düşmən qütblərə ayrılması nəticəsində XX əsrin dağıdıcı miflərinə meydan verildiyini yazır. Mifin bir sənət növü olduğunu vurğulayan müəllif dünyanı şər miflərdən qorumaq üçün sənət adamlarının gətirəcəyi təzə nəfəsə ehtiyacın olduğunu qeyd edir.
Bu əsər mifik təfəkkürün tarixi inkişafının xülasəsi olmaqla bərabər, "logos" və "mythos" tərəfdarlarının antaqonist münasibətləri bir kənara atıb qarşılıqlı anlayış zəminində dialoq qurması istiqamətində təşəbbüs də sayıla bilər.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər