news-inner
clock11:23 calendar-gray 10 Noyabr 2017 view-gray87 dəfə oxunub
view-gray87 dəfə oxunub

Xaql artisti Səfurə İbrahimova: “Həkimlər demişdi övladın olmayacaq” - MÜSAHİBƏ

Kulis.az Xalq artisti Səfurə İbrahimovanın Milli.Az-a müsahibəsini təqdim edir.

- Səfurə xanım, uzun zamandır hamıdan uzaqlaşmısınız. Cəmiyyətdən uzaqlaşmağınıza səbəb nədir?

- Uzaqlaşmısan deyəndə ki, mən həmişə belə olmuşam. Təkliyə alışmışam, təklikdən qorxmuram. Nə qədər desəm də qorxmuram, amma qorxduğum məqamlar da olur. Bəzən gecələr gözümün önünə kimsə gəlir. Hiss edirəm ki, məni qara basır. İşığı yandırıb, səhərə kimi oyaq qalıram. Səhərə yaxın yatıram, ona görə də yuxudan gec oyanıram. Uzun illərdir ki, bu rejimlə yaşayıram.

- Tək darıxmırsınız?

- Xeyr, artıq alışmışam. Mən teatrda işləyən vaxtı da tək idim. Həyat yoldaşım Ukraynaya getdi, gəlmədi. O vaxtdan bu vaxta kimi tək yaşayıram.

- Maraqlıdır, Səfurə xanım hansı verilişləri izləyir?

- Mənim evimdə cəmi 3 telekanal - AZTV, İctimai və Mədəniyyət kanalı göstərir. Nədənsə digər telekanallar proqramdan silinib. Buna görə də bu kanalların verilişlərinə baxıram.

- Öz çəkildiyiniz filmlərə baxa bilirsiniz?

- Filmlərimə baxanda özüm özümü tənqid edirəm. İnanın Allaha, elə filmlərim var baxanda əsəbləşirəm ki, kaş təzədən oynayardım. Amma bu səhvləri tamaşaçı hiss etmir. Yalnız biz görürük.

- Həyatınızda yaşadığınız hansı illəri unuda bilmirsiniz?

- Tələbəlik və məktəb illərim üçün çox darıxıram. Bizim kursumuzdan Tariyel Qasımov, Şahmar Ələkbərov, Nurəngiz Gün kimi sənətkarlar çıxıb. Tariyel mənim xətrini çox istədiyim tələbə yoldaşım olub. Heç vaxt ondan artıq-əskik hərəkət görməmişəm. Bu onun təbiətindən, xarakterindən irəli gəlir. Mən səhnəyə ayaq basanda ilk təbriki ondan almışam. Hərçənd ki, biz bir neçə ildir ki, danışmırıq, amma bütün yazıları saxlamışam. Onlar mənim üçün böyük sənəddir.

- Sonuncu dəfə hansı sənət yoldaşınız ziyarətinizə gəlib?

- Kurs yoldaşım, aktrisa Sona Babayeva oğluyla yanıma gəlmişdi. Elə qapı arxasından onu yola saldım. Çünki bərk xəstələnmişdim. Dedim ki, Sona başqa vaxt görüşərik. Sözün düzü, teatra gedəcəkdim, qış idi deyə gec sağaldım. Həm də qorxurdum ki, yıxılaram. Çünki bir dəfə teatra gedəndə maşın yolunda yıxılmışdım. Elə oldu ki, ayağım sındı. Yolun ortasında çarəsiz qalmışdım. Yoldan keçən biri telefonu götürüb təcili yardıma zəng etdi. Nədənsə təcili yardım gəlmədi. O biri oğlan telefonu götürüb dedi ki, "Xalq artistidir, tez gəlin". Üstündən 5 dəqiqə keçmədi ki, özlərini çatdırdılar.

- Teatrı vaxtından əvvəl tərk etdiyinizə görə peşmansınız?

- Xeyr, həyatımda heç nəyə görə peşman deyiləm. Vaxtında mənə qarşı bu teatrda çox haqsızlıqlar olub. Həm rəhbərlik tərəfindən, həm də həmkarlarımdan. Səhnəyə çıxırdım, az qalırdılar ki, qaranlıqda itələyib məni yıxsınlar. Amma mənim həmişə həmkarlarıma münasibətim yaxşı olub. Səməndər Rzayev yeni ailə həyatı qurmuşdu, qalmağa yeri yox idi. Öz evimi ona verib anamın yanına köçdüm. Bu cür yaxşılıqlar çox etmişəm. Bütün bu haqsızlıqlardan bezib ərizəmi yazıb özüm teatrı tərk etdim. Heç kimin yerini dar etmək istəmədim.

- Gənc sənətçiləri bəyənirsiniz?

- Bəli, sənətimiz əmin əllərdədir. Bu günlərdə gənclərin iştirakı ilə baxdığım bir film mənim fikrimi daha da qətiləşdirdi. Mən teatrda çox gənclərə dəstək olmuşam, insan gərək yaxşıya hər zaman qiymət versin.

- Davamçınız olaraq kimləri görürsünüz?

- Vallah, hamısı çox yaxşı oynayır. Münəvvər Əliyevanın oyun tərzini çox bəyənirəm. Vaxtilə onu mən Həsən Turabova tərifləmişdim.

- Bu gün hansı rolu oynamaq istəyirsiniz?

- Mən düz danışan insanam. Bilirəm ki, oynamayacağam yalandan niyə deyim ki, oynamaq istəyirəm?

- Heç dəvətlər olubmu?

- Xeyr, çünki mən həmişə rolu alanda ciddiləşirəm. Bütün fikrimi rol ətrafında toplayıram. Hal-hazırda o halda deyiləm.

- Səfurə xanım, bacınızın oğlunu götürüb saxladığınız haqda şayələr yayılmışdı. Həqiqətənmi bacınızın oğluna analıq etmisiniz?

- Xeyr, belə bir şey olmayıb. Bacımın bir oğlu var, o da özü üçün. Mən xalayam, o məni xala kimi qəbul edir.

- Niyə övlad götürüb saxlamadınız?

- Həkimlər mənə demişdi ki, sənin heç vaxt övladın olmayacaq. İstəmədim ki, başqasının övladına analıq edim. İnsan götürüb saxladığı uşağı öz əzizi kimi çox istəmir.

- Qohumlardan kimlər gəlir yanınıza?

- Vaxtları olanda gəlirlər.

- Məncə bu vaxtla bağlı problem deyil. Deyirlər ki, heç kimə qapı açmırsınız.

- Xeyr, bu yalan sözdür. Sözsüz ki, mən hər insana qapı aça bilmərəm. Amma təmiz niyyətlə gələn insanlara qapım həmişə açıqdır.

- Ən böyük arzunuz nədir?

- Ən böyük arzum can sağlığıdır. Özümə və tamaşaçılarıma. Başa düşən tamaşaçılara.

news-inner-user

13196 məqalə

Paylaş

Oxşar xəbərlər

Xəbər lenti

Mübariz Örənin Fransada romanı çıxır
14:32 17 Noyabr 2019
Fikrət Sadıqın oğlu: “Atama görə davalara düşürdüm” – Müsahibə
17:30 16 Noyabr 2019
Rusiyada rəssamımızın sərgisi açılıb
16:12 16 Noyabr 2019
Mikayıl Müşfiqin xatirəsinə həsr olunan tamaşa
15:11 16 Noyabr 2019
Oğluna bacısı qızını alan ananın faciəsi - Hekayə
14:00 16 Noyabr 2019
TEAS Press Nəşriyyat Evinin 5 yaşı tamam olur
13:29 16 Noyabr 2019
Bizdə seks inqilabı olarsa...
12:25 16 Noyabr 2019
Azərbaycanlı ilahiyyatçı: "Quranda baş örtüyü yoxdur"
11:32 16 Noyabr 2019
Elçin Əlibəyli TV-dən getdi
10:47 16 Noyabr 2019
Noyabr ayı üçün ən çox gözlənilən filmlər
10:12 16 Noyabr 2019
Siyasətə görə atası ilə düşmən olan jurnalist - Sevda Sultanova yazır...
09:00 16 Noyabr 2019
Salam Qədirzadənin oğlu: “Atamın adından istifadə eləməyi xoşlamıram” – Müsahibə
21:00 15 Noyabr 2019
Pantomima teatrı dekabrda - Afişa
18:40 15 Noyabr 2019
Məşhur ifaçı Bakıda konsert verəcək
18:01 15 Noyabr 2019
Dünya şöhrətli musiqiçi: “Vikinqlərin vətəni Azərbaycandır”
17:30 15 Noyabr 2019
Bakıda Milli Qəhrəmanın heykəlinin açılışı olub
16:51 15 Noyabr 2019
Müğənnilər deputata cavab verdi: “Getsin, kasıb-kusuba əl tutsun”
16:20 15 Noyabr 2019
Mir Cəlal adına hekayə müsabiqəsinə start verildi
15:38 15 Noyabr 2019
Üzü günə qalan evlər - Tanımadığımız şairdən seçmə şeirlər
15:01 15 Noyabr 2019
Rəfael və Coşqun "Şabaş"a görə qadın paltarı geyindi
14:20 15 Noyabr 2019