news-inner
clock11:57 calendar-gray 09 Oktyabr 2017 view-gray501 dəfə oxunub
view-gray501 dəfə oxunub

Həmin oğlanın dalınca qaçdım...

Dilarə Zamanova

Bu dəfə məsələni çox uzatmayacam, birbaşa mətləbə keçəcəyəm. Onsuz da hər şeyi nə qədər dolandırsaq da ağrısını birbaşa yaşamırıqmı? Bir gün parfüm mağazasında işləyən dostumla danışırdım. Dedi ki, Dilarə, işdə idim, mağazadan içəri balaca, üzü soyuqdan qıpqırmızı olan bir qız girdi. İçəri girəndə dodağının altında pıçıldadı: “Allahım, nə olar yadıma düşsün.” “Buyurun, nə istəyirsiniz?” dedim. Əvvəlcə udqundu, sonra başladı danışmağa: “Mən bir parfüm axtarıram, amma adını bilmirəm. Bir-iki dənəsini iyləyib baxa bilərəm?”.

“Əlbəttə, necə iyi idi? Şirin, Acı, ağır?” – soruşdum. Qız dayandı, bir az gözləri doldu, “Yadımdan çıxıb”, - dedi. Axtarmağa başladıq, sonra bir-bir bütün kişi parfümlərini qoxladı. Sonra bir parfümü iyləməyi ilə ağlamağı bir oldu. “O... Onun qoxusudur”, - deyib ağlamağa davam etdi. “İyi yadımdan çıxarmışdım, amma tapdım. Onun iyi budur”, - dedi. - “Boynunu nə vaxt qoxulasam, belə qoxuyurdu. Çox axtardım, tapa bilmədim. Onu da qoxusunu da tapa bilmədim... Bilmirəm nə qədər xatırladar mənə onu bütün dünyaya bu parfümdən sıxsam yenə də onu geri qaytarmaz, amma əlimdə qalan tək təsəlli budur”. Əllərinə vurdu parfümü. Əllərini iyləyə-iyləyə getdi mağazadan. O vaxt bu sözlər mənə elə də qeyri-adi gəlməmişdi, açığı. Düşünürdüm ki, mən olsaydım gedib o oğlanı tapardım, görərdim. Qız qorxaqlıq edib. Ya da ki, ümumiyyətlə bir insanın özü üçün darıxmaq olar da. Onun iyi üçün darıxmaq nə deməkdir?! Sən demə, olurmuş... Sən demə, bir insan başqa birinin baxışına, qoxusuna, səsinə, gözlərinə, lap elə kirpiklərinə belə möhtac qala bilirmiş. Mən sırf onun parfümünün qoxusudur deyə bir oğlanın arxasınca metroya qaçanda bunu başa düşdüm. Həmin oğlanı saxlayıb parfümün adını soruşmuşdum. Mənə dəli kimi baxaraq parfümün adını dedi.

Deyə bilərsiniz ki, bunları mənə niyə deyirsən. Ona görə deyirəm ki, etməyin, bir insanı öz qoxunuza həsrət qoyacaq qədər ondan uzaqlaşmayın. Çünki bir qoxu insanın bütün ömrünü ağrıda bilər. Şairimizin dediyi kimi, “Burnunun ucu göynəyər tanış qoxudan ötrü...”

news-inner-user
Kulis+

627 məqalə

Oxşar xəbərlər

Xəbər lenti

II Nikolayın qızı onun şəklini istədi, çar öz sarayına qonaqlığa çağırdı - Azərbaycanlı qaçağın film kimi həyatı
09:00 11 May 2021
Berlin Film Festivalı açıq havada keçiriləcək
17:35 10 May 2021
Musa Dədə əbədiyyət yaşında - Fərid Hüseyn yazır...
15:51 10 May 2021
Çingiz Qənizadə: “Kəramət Böyükçölü maliyyələşdirib üstümə göndərənləri yaxşı tanıyıram” – Müsahibə
14:30 10 May 2021
Leonardo da Vinçinin çəkdiyi rəsm hərraca çıxarılacaq
13:45 10 May 2021
Məşhur yazıçı vəfat etdi
12:30 10 May 2021
Allah üçün bənna kimdir? - Şəhriyar Del Gerani yazır...
11:30 10 May 2021
Türkiyəli bəstəkar Qarabağ Zəfərinə mahnı bəstələdi - Video
10:20 10 May 2021
Kimi Kreml xəstəxanasına müalicəyə göndərdi, kimi "KQB"-nin qəzəbindən qorudu? – Heydər Əliyevin ədəbiyyatımıza verdiyi töhfələr
09:30 10 May 2021
Zöhrə Abdullayeva xəstəxanaya yerləşdirildi
19:45 09 May 2021
Ədəbiyyatımızın ən gözəl müharibə şeirləri - Mətnlər
14:28 09 May 2021
9 May qələbəsində rus arağının rolu - “Tamamilə məxfi” sənədlər
10:30 09 May 2021
Paşinyan Cıdır düzündə “Yallı” gedəndə – Bircə yazır...
09:01 09 May 2021
Şuşa haqda məşhur şeirin müəllifindən Qələbə Şeiri
08:01 09 May 2021
Yeni filmin nümayişi təşkil olunub
18:01 08 May 2021
Ədəbiyyat tariximizə qızıl hərflərlə yazılan misralar: 5 seçmə şeir
17:20 08 May 2021
Azərbaycanlı musiqiçi vəfat etdi
16:20 08 May 2021
Gənc yazardan yeni hekayə: Şlaqbaum
15:39 08 May 2021
Aktyor kitabxananın qonağı oldu
15:01 08 May 2021
Musa Yaquba sevgi və iztirabla
14:20 08 May 2021