news-inner
clock15:30 calendar-gray 01 Avqust 2017 view-gray326 dəfə oxunub
view-gray326 dəfə oxunub

Pulla elmi iş yazan dahi dostum – Murad Köhnəqala yazır...

Kulis.az Murad Köhnəqalanın “Bizim Fişer” hekayətini təqdim edir.

Yaxşı şahmat oynadığına görə dostlar onu məşhur şahmat ustası Fişerin adı ilə çağırırdılar. Fişeri mən 80-ci illərdən tanıyırdım. O vaxtlar mən sevimli şairimiz Məmməd İsmayılın rəhbərlik elədiyi şeir dərnəyinə, Vurğun Əyyubun “Çənlibel” yığıncaqlarına gedirdim.

Fişerlə bulvarda yığışdığımız çayxanada tanış olmuşdum. O, ətrafdakılardan fərqli olaraq çox mütaliəli bir aspirant idi. Rus dilini təmiz bilir, ingiliscə bədii kitab oxuyurdu. Mənimlə tanış olanda dedi ki, dərnəkdə oxuduğun şeirlər xoşuma gəldi.

Az müddət ərzində onunla çox yaxın dost olduq. Həmişə oxuduğu əsərlərdən danışar, oxumaq üçün mənə kitab verərdi.

İlk dəfə Dostoyevskinin “Cinayət və cəza” əsərini gətirib oxumağımı tövsiyə elədi. Yapon haykularını və tanqalarını çox sevirdi. Hərdən yapon şeirlərini ruscadan oxuyub mənə tərcümə eləyirdi. Sonralar haykuları tərcümə eləyib qalın bir dəftərdən əlyazma kitabı düzəltmişdi.

Yadımdadı, Kobe Abenin “Qumluqda qadın” əsərini bir neçə dəfəyə mənə tam danışmışdı. Sonralar bu əsəri ruscadan özüm oxuduqca Fişerin gülər üzü gözlərim önünə gəlirdi.

Bir dəfə ultra sərbəst şeirlər yazan yunan şairi Yanis Ritsosun rusca şeirlər kitabını mənə bağışladı və dedi ki, başa düşməsən mütləq lüğətlə oxu. Tamam yeni duyğular aşılayan bu şairin şeirləri mənim ədəbiyyat haqda təfəkkürümü tamamilə dəyişdi.

Sonralar mən M.Qorki adına Ədəbiyyat İnstitutuna qəbul oldum və Fişeri uzun müddət görə bilmədim.

Yenidənqurma, respublikalarda inqilablar, milli dirçəlişlər başladı. Azərbaycanda da milli hakimiyyət bərqərar oldu.

Elçibəy dönəmində eşitdim ki, Fişer,hansısa məsul vəzifəyə aparılıb. O, bütün mütaliəsi və savadı ilə yanaşı həm də millətini sevən bir türkçü idi...

90-cı illərin sonları olardı. Avtobusda gedərkən onu qoltuğunda papka, Axundov kitabxanasından aşağı enən gördüm. Gördüm deyəndə ki, ona oxşatdım. Bu, Fişerdi, yoxsa yox? Avtobusdan düşüb arxası ilə qaçdım. Öz adəti üzrə iti addımlarla harasa tələsirdi. Mən onu (görəsən bu, Fişerdimi, tərəddüdü ilə) arxadan səslədim. Getdiyi yerdə dayanıb ətrafa boylandı.

Gəlib ona çatdım, görüşüb qucaqlaşdıq. İlk görünüşdən qocaldığı və əyin-başının kasıbyana olduğu gözə çarpırdı. Ondan yuyunmayan, paltarlı yatan adamın iyi gəlirdi. Hal-əhval tutduqdan sonra Gənc Tamaşaçılar Teatrının qarşısındakı çayxanaya getdik.

“Eşitdim, ailə qurmusan,” – deyib, güldü. Başımla sözünü təsdiqlədim.

Bəs sən? Evlənmisənmi?” – soruşdum.

Danışdı ki, bir uzaq qohumu ilə ailə qurubmuş, sonradan ayrılıblar. Xasiyyətimiz tutmurdu, dedi.

Belə baxanda, mənim ailəmi kasıbçılıq dağıtdı. Ucuz zirzəmi kirayələrdə qalmaqdan yoldaşım bezmişdi. Rusiyada alver eləyən qardaşı azyaşlı oğlumla yoldaşımı götürüb kəndə apardı. Kənddə ona torpaq sahəsi alıb ev tikdirdilər. Sonra bir kəndçilərinə ərə verdilər. Onlar mənə heç nəyə yaramayan, əyyaş kimi baxırdılar. Axır ki, arzularına çatdılar. İndi heç uşağı görməyə də qoymurlar. Eşitmişəm, pis yaşamırlar, ona görə heç uşaqdan nigaran deyiləm. Hərdən içəndə yadıma düşür, şəkillərinə baxıb ağlayıram...

Onun həyat hekayəti məni xeyli təsirləndirmişdi. Soruşdum ki, bəs indi harda yaşayırsan? Dedi, Sulutəpədə ev tikdirmiş bir qaçqın tanışımın Bakıda adına olan birotaqlı yataqxana mənzilində qalıram, şəraiti çox bərbaddır.

Dedim, bəs, namizədliyini müdafiə eləyə bildinmi? Dedi, namizədlik nədi, kim idi məni elə yerlərə buraxan? Heç kim məni özünə yaxın qoymadı.

Soruşdum, bəs harda işləyirsən, nəylə dolanırsan? Dedi, ona-buna elmi iş yazıb satıram.

Tələbələrə referat-zad qaralayıb başımı girələyirəm. Çox vaxt heç haqq da vermirlər, tələbədən pul istəməyə üzüm gəlmir.

Dedim, bəs, sən əqidəli adam idin, niyə belə şeylər eləyirsən?

Dedi, nə fərqi var, mən yazmasam da birinə yazdıracaqlar. Heç olmasa, yazdıqlarımı tələbələrə və “gələcəyin alimləri”nə bu yolla oxuduram.

Oxşar xəbərlər

Xəbər lenti

Musiqili Teatr Xocalı haqqında film çəkdi - Video
18:56 24 Fevral 2021
Onu repressiyadan Mirzə İbrahimov xilas etdi – Abdulla Şaiq haqqında maraqlı faktlar
18:12 24 Fevral 2021
Yeni iddia: Kennedini Xruşşov öldürdüb
17:35 24 Fevral 2021
Qar yağanda ortaya çıxan 10 azərbaycanlı tipi
16:50 24 Fevral 2021
Azərbaycanda yeni teatr yaradıldı
16:02 24 Fevral 2021
Puşkin və 44 günlük Vətən müharibəsi – Cavid yazır...
15:13 24 Fevral 2021
Jerar Depardye təcavüzdə günahlandırıldı
14:22 24 Fevral 2021
101 yaşlı şair vəfat etdi
13:38 24 Fevral 2021
Sonuncu qar - Gənc şairin yeni şeiri
12:51 24 Fevral 2021
Ona Bakının Alen Delonu deyirdilər, son filmini çəkib Azərbaycandan getdi... - “Dədə-Qorqud”un Turalı necə Mark Jozef oldu?
12:10 24 Fevral 2021
Hamı bir-birini didməyə hazırdır - Sevda yazır...
11:30 24 Fevral 2021
Xalq artisti Nuranə Nurun sözlərinə mahnı oxuyub - Video
11:01 24 Fevral 2021
Əhmədiyyə Cəbrayılov haqqında sənədli film çəkilir
10:30 24 Fevral 2021
Öz ayaqlarına yıxılır adamlar – Aqşin Yeniseydən Günün şeiri
10:01 24 Fevral 2021
Gənc şair: “Davamlı olaraq qız aldadıram” – Müsahibə
09:02 24 Fevral 2021
Həsən Turabovun qızı: “Ona dedim, atamı sən öldürmüsən” – Müsahibə
21:00 23 Fevral 2021
"Yeni alınma sözlər lüğəti" nəşr olundu
19:35 23 Fevral 2021
"Tıq-tıq xanım" ingilis dilinə tərcümə edildi
18:42 23 Fevral 2021
"Çığırtı" əsərinin daha bir sirri açıldı
17:50 23 Fevral 2021
Xalq artisti Yalçın Rzazadə Lənkəranda dəfn edilib – FOTO
17:30 23 Fevral 2021