Professor Qorxmaz Quliyev Hikmət Hacızadənin Kulis.az verdiyi müsahibədə Səməd Vurğun haqqında dediyi fikirlərə və bu fikirərə görə ona olan hücumlara müsnasibət bildirib. Kulis.az Qorxmaz müəllimin Facebook profilinə istinadən həmin fikirləri təqdim edir.

“Əlbəttə ki, Hikmət Hacızadənin dedikləri ilə razılaşmıram: total cinayətkar quruluşun bütün günahlarını ayrı-ayrı fərdlərin, özü də epataj vasitələrdən və üsullardan istifadə etməklə, məsələn, Səməd Vurğunun boynuna yıxmaq əlbəttə ki, problemin çözülməsi deyildir.

Məsələni köklü şəkildə həll etmək üçün ağına-bozuna baxmadan bütün arxivləri açmaq (başa düşürəm, təmiz utopiyadır!), zərgər dəqiqliyi ilə bütün faktlara aydınlıq gətirmək lazımdır. Əks təqdirdə insanların heysiyyətinə toxunmaq olar. Ölülərin isə heysiyyətinə qətiyyən toxunmaq olmaz. Ən azı ona görə onlar bizə cavab verə bilmirlər.

Hikmət Hacızadənin sərbəst şəkildə öz fikirlərini ifadə etməsinə gəldikdə, bu toplumun həyatında geriyədönməz proseslərin başlanmasından xəbər verir.

H.Hacızadəyə edilən hücumlara gəldikdə, mən bunu xarici senzuranı "əfkari-ümumiyyə" adı altında bərpa etmək cəhdi kimi dəyərləndirirəm. Fikrimcə senzuranın bircə forması -daxili götür-qoya söykənən iç senzura məqbuldur.

H.Hacızadənin qətiyyən razılaşmadığım fikirlərinə gəldikdə, onları sərbəst şəkildə ifadə edə bilməsi üçün canımdan keçməyə hazıram!

• Məşhur aktrisa "F1: The Movie" filmindən niyə çıxarıldı?
• Parisdə “Gizli ölüm toxumları” kitabı təqdim edildi
• Ədəbiyyatın xilası yalnız yazıçıların deyil, həm də...