news-inner
clock11:00 calendar-gray 05 İyul 2017 view-gray250 dəfə oxunub
view-gray250 dəfə oxunub

“Onlardan ötrü darıxmıram” – Vaqif Bayatlıdan müsahibə və yeni şeirlər

Çoxdandır dəyərli şairimiz Vaqif Bayatlı ilə görüşüb söhbətləşmək istəyirdik. Alınmırdı. Ona qucaq dolusu suallarımız vardı.

Sonra elə oldu ki, səhhətində problemlər yarandı, bir neçə dəfə müayinə və müalicə üçün Türkiyəyə gedib gəldi. Həyat yoldaşı Tamam Bayatlı vasitəsi ilə mütəmadi əlaqə saxlasaq və haqqında xəbərlər versək də özüylə görüşmək yenə mümkün olmadı. Şair heç kimlə görüşmək və hətta telefonla danışmaq istəmirdi. İndi də belədir. O, kiməsə görünmək, nəsə danışmaq istəmir. Hətta dostları ilə görüşdən də imtina edir. Biz onunla yenə Tamam xanım vasitəsi ilə əlaqə saxlamalı olduq və suallarımızı yolladıq. Sağ olsun, cavablandırıb göndərib. Sadəcə şairin səhhətinə görə, onu yormamaq üçün həmin o qucaq dolu suallardan imtina eləməyə məcbur qaldıq.

Beləliklə, uzun fasilədən sonra Vaqif Bayatlı ilə yığcam söhbəti və iki yeni şeirini təqdim edirik.

- Vaqif müəllim, necəsiz? Özünüzü necə hiss edirsiniz?

- Məni, şeirlərimi yada saldığınız üçün hamınızın qarşısında şeirlərimlə birgə baş əyirik.

- Çox cəhd elədik görüşməyə, dedilər, heç kimlə görüşmürsünüz... Ancaq təsadüfən bir fotonuz yayıldı, yaxşısınız maşallah...

- Dünyanın bütün ağıllı saytlarında, qəzetlərində gözəl və ağıllı şəkilləriniz çıxsın. Hər biri bir sevgi dəliliyi, sevgi romanı, sevgi nəğməsitək baxılsın, oxunsun.

- Sizin bu guşənişinliyiniz Selinceri yada salır...

- Selincerin xətrinə dəyməsin, mən Selincer kimi yox, böyük sözün rəngini dəyişdirən Sultan Füzuli Fateh və dünyanın rəngini dəyişdirən Sultan Mehmet Fateh kimi guşənişin olmaq istərdim.

- Axşamlar havada gəzirsiniz?

- Gəzə biləndə - mən addımlara yox, addımlar mənə tabe olanda, hərdən səkkizi ayağımla yox, əlimlə də yazıram.

- Yazmaq, oxumaq nə yerdədir? Ədəbi mühiti izləyə bilirsiniz?

- Mən ancaq Füzuli “Leyli və Məcnun”unu və Servantesin “Leyli və Məcnun”unu - “Don Kixot”u izləyirəm. Servantes Füzulinin yarısı səviyyəsinə qalxa bilməsə də, hər halda nəsə edib.

- Bob Dilanın Nobel almasını necə qarşıladınız?

- O, əvvəl mükafatı almaq istəmirdi. Sonra mükafata da, Nobelə də, bu dünyaya da məğlub oldu. Ümumiyyətlə, Nobel alanların əksəriyyəti müxtəlif ölkələrdə yaşayan yəhudilərdir. Hərdən bir-iki nəfərə də “xala xətri qalmasın” Nobeli verirlər.

- Sizdən ötrü darıxan həmkarlarınıza və oxucularınıza nə deyirsiniz?

Mən onlardan ötrü darıxmıram, çünki cismani yaxınlıq ruhi yaxınlığın yanında heç nədir. Mənim ruhum hər an hamıyladır. Mən hər iki dünyada hamını sevən, ən əsası isə hamını hamıya Sevdirən varlığam. Sevmək əslində ən uca halında hər iki dünyada da hamını hamıya sevdirməyə çevrilir. Siz də sevməyə, sevdirməyə çevrilin, sevgililər!

Sözlərin seçdiyi şeirlər

Qəhrəmanlıq - Tanrının bir anlıq qəlbi

Qəhrəmanlıq şeirlərini

Bəndələrə badə şairlər,

Qəhrəman şeirləriysə,

Allaha əbədi canlar,

göyə göy atlı,

göy qanadlı qılınclar,

xan, sultan, əmir bayraqlar,

yerə günəş dabanlar,

günəş ayaqlar yazar.

Sözlər də şairi seçəndə

Adam nə zaman Şair olur?

O vaxt artıq şair sözləri yox,

sözlər şairi sevir, seçir,

şairlə bir nəfəs alır,

şair Söz olur, Söz şair,

həm də, həm də o anlar

hər sevinən sözlə bir-bir,

təkcə Allah şairi yox,

şair də Allahı sevindirir.

news-inner-user

19996 məqalə

Oxşar xəbərlər

Xəbər lenti

Bu millətə zaval yoxdur – Zamin Hacı yazır...
09:01 23 Sentyabr 2021
"Aysel adını Azərbaycanda ilk dəfə mən qızıma qoymuşam" - Zahid Xəlillə müsahibə
21:01 22 Sentyabr 2021
Kitab və film eyni anda: “Rəngləri danışdıran adam”
18:59 22 Sentyabr 2021
Dünya şöhrətli rejissor komadan çıxdı
18:28 22 Sentyabr 2021
“Soyuq Günəş”in ssenaristi: “Yeni filmin çəkilişini başa çatdırdıq”
17:52 22 Sentyabr 2021
Fırlanmalısan - Hekayə-esse
17:22 22 Sentyabr 2021
İlk dərs günü məktəbdə necə biabır oldum?
16:36 22 Sentyabr 2021
Kiçik mətnə "böyük hesabla" uduzmaq - Kəramətin yeni romanını tənqid etdilər
16:01 22 Sentyabr 2021
Seymur Baycandan zəif olan gürcü yazarın dünya şöhrəti
15:10 22 Sentyabr 2021
Yeni poeziya almanaxı çap ediləcək - Əsər qəbulu başladı
14:25 22 Sentyabr 2021
Anamı ağlatdığım gün – Sərdar Amin yazır...
13:30 22 Sentyabr 2021
Məktəbə gəlməyə peşman olan əkiztayı, müəllimləri üçün darıxmayan uşaq, nəvəsindən bezmiş nənə – İlk dərs günündən reportaj
12:40 22 Sentyabr 2021
“Son günlər işdən qanıqara gəlirdi” - Qızı Fikrət Qocanın ölüm səbəbindən danışdı
11:49 22 Sentyabr 2021
Oğul, oğul, amandır! - Günün şeiri
11:14 22 Sentyabr 2021
Dərsin ortasında fıştırıq çalan şagird: Distant təhsildən reallığa
10:38 22 Sentyabr 2021
Məşhur aktyor vəfat etdi
10:18 22 Sentyabr 2021
Aktyor Elcan Rəsulov: “Afaq Bəşirqızı mənə dedi, çıx get burdan” – Müsahibə
09:00 22 Sentyabr 2021
Özündən 25 yaş kiçik qadınla evləndi, yoldaşının ikinci əri bütün şəkillərini yandırdı, məzarı hələ də bilinmir – Nəsibə Zeynalovanın atasının dramatik həyatı
21:00 21 Sentyabr 2021
Pekində beynəlxalq film festivalı başlayıb
18:55 21 Sentyabr 2021
Gənc yazarın ilk şeirlər kitabı nəşr edildi
18:15 21 Sentyabr 2021