writer1

Təranə Fazilqızı

Məqalə sayı

20
clock14:00 calendar-gray 01 İyul 2017 view-gray466 dəfə oxunub
view-gray466 dəfə oxunub

Oğurlanmış palto

Təranə Fazilqızı

Qohumlarıma baş çəkmək üçün kəndimizə getmişdim. Yerlibazlıq kimi yozmasınlar deyə, Abşeronun bu qədim kəndinin adını yazmıram. Şəhərdə doğulub böyüsəm də, adət-ənənəyə bağlılığı, doğmalığı ilə hər zaman kəndimiz məni özünə çəkib.

Avtobusun orta sırasında, tək adamlıq yerdə oturmuşdum. Nəzərimi üzü tüklü, nimdaş gödəkcəli bir oğlan cəlb etdi. O, nə isə axtarırmış kimi ciblərini eşir, qəribə bir tərzdə dırnaqlarını gəmirirdi. Gözləri civə kimi oynayırdı. Asta səslə kiminsə qarasına donquldanır, arada gizlin-gizlin ətrafa baxırdı. Ani olaraq baxışlarımız toqquşdu. Dəvədodaq ağzının iki tərəfindən selik axırdı. Birdən o, sakit addımlarla mənə tərəf gəlməyə başladı. Düzü, qorxdum, istər-istəməz yerimdə büzüşdüm. Oğlanda açıq-aydın dəliliyin əlamətləri vardı. Özümü qınadım: “Axı sənə deyən vardı ona baxasan?” Avtobusda seyrəklik idi. İki-üç gənc ortada ayaq üstdə dayanmışdı. Oğlanın fikrini yayındırmaq üçün tez üzümü pəncərəyə sarı çevirdim.

- Ey, ey, səninlə deyiləm”, - qolumdan tutub dartmağa başladı. Qorxudan ürəyim düşsə də, özümü əla alıb, sakit səslə:

- Nə lazımdı?- deyə soruşdum.

- Çıxart anamın paltosunu, ver, ver bura. Bu sənin deyil, onu oğurlamısan, anamındı, ver! Anama soyuqduye eşidirsən, soyuqdu. Səninləyəm, tez ol də, çıxart, çıxart!

O, ayaqlarını dəcəl uşaqlar kimi yerə döyür, paltomun qolundan tutub özünə tərəf dartırdı. Təlaşla ətrafa baxıb kömək istədim. Gözlərim “məni bunun əlindən xilas edin” deyirdi. Arxadan ona yaxınlaşan orta yaşlı kişi, oğlanı geri çəkmək istəyəndə, o bir andaca qəzəbli pələngə döndü. Kişinin boğazından yapışıb onu boğmağa başladı. Oğlanın yekəpər əllərindən az qala boğulacaq kişi bunu gözləmədiyindən özünü itirmiş halda onu təpikləyir, xilas olmağa çalışırdı.

Qışqıran, araya girən, gülən, aləm bir-birinə dəydi. Avtobus magistral şoselə getdiyindən sürücü saxlamağa məqam axtarır, daha sürətlə, sağa-sola şütüyürdü. Kişini oğlanın əlindən alsalar da, o hələ də qəzəbli idi. Bu zaman adamlara ərklə “yol verin” deyərək, qara çarşablı dolu qadın oğlana yaxınlaşdı. O, avazla Qurandan ayə oxuyur, arada “Bisimillah” deyərək oğlanın başına, kürəyinə sığal çəkirdi. Gəncin qorxulu siması bir neçə dəqiqədən sonra məzlum, fağır bir görkəm almışdı. Məni qoruyan kişinin üzünə pərtlikdən baxa bilmirdim. Yazığı heç nədən qana salacaqdım. Üst-başı pis gündə, köynəyinin yuxarı düymələri qırılmış, pencəyi qoltuq tərəfdən sökülmüşdü. Hər kəs yerini almış, sakitləşmişdi. Hamı bir-biriylə söhbət edir, yüz ilin doğmaları kimi danışıb gülürdülər. Çarşablı qadın müharibədən qalib çıxan əsgərə bənzəyirdi. O, hamının eşidəcəyi bir səslə yanında əyləşən gəlinə oğlan haqda danışırdı.

“Bu oğlanın beləliginə baxma, əvvəllər ağlı başında olan cuvanəzan idi. Yaxçi da ata-anası vardı. Rəhmətlik atası dəmiryolunda gözətçi işdiyirdi. Necə olursa simendən çıxıb evə gələndə bədbəxti maşın vurub qaçır. Elə yerindəcə keçinir. Yoldaşı bu dərdə dözməyib bir neçə ilin içində xəstəlikdən öldü. Ondan sonra, bu qaragünün pis günləri başdiyir. Dəli dögül, arada belə tutmaları olur. “Koroğlu” metrosun yanında ştuçnu siqaret satır. Heç kimi yoxdu deyə, qonum-qonşu dolandırır.”

Oğlan isə, deyilənləri eşitmir, arxa oturacaqda yer tapıb, sakit halda pəncərədən çölə baxırdı...

REKLAM

Yazarın digər yazıları

Xəbər lenti

Məşhur Amerika filmi yenidən çəkiləcək
18:51 16 Sentyabr 2021
Azərbaycanlı professor vəfat etdi
18:15 16 Sentyabr 2021
Azərbaycanlı şair: “Hər ay ABŞ-dan mənə pul gəlir” – Müsahibə
17:31 16 Sentyabr 2021
Mədəniyyət Nazirliyi məlumat yaydı - Mətn
17:05 16 Sentyabr 2021
Çingiz Abdullayev şeir oxudu – Fotolar
16:15 16 Sentyabr 2021
Əri qorxusundan onu boşadı, çadrasını Cəfər Cabbarlı açdı, anası qızına görə dinə qarşı üsyan elədi - İlk kinoaktrisamızın ağlagəlməz həyatı
15:28 16 Sentyabr 2021
Millət vəkili Salam Sarvanı təbrik etdi - Foto
14:56 16 Sentyabr 2021
Özbəkistanla müştərək film çəkəcəyik
14:00 16 Sentyabr 2021
Benzinin bahalaşmasına haqq qazandıran millət vəkilləri – Sərdar yazır...
13:15 16 Sentyabr 2021
Səyavuş Aslanın küçədə qalan oğlu ilə bağlı rəsmi açıqlama - Foto
12:24 16 Sentyabr 2021
Acun azərbaycanlı olduğunu açıqladı – Video
12:18 16 Sentyabr 2021
Mübariz İbrahimovun yaxın dostu olmuş taksi sürücüsü: “Hər gün bizim idman zalına gəlirdi” - Maşından reportaj
12:06 16 Sentyabr 2021
Bukerin qısa siyahısına düşən əsərlər nədən bəhs edir?
11:35 16 Sentyabr 2021
Ölkəmizdə yeni layihə: Uşaqlar nağıl yazacaq
11:01 16 Sentyabr 2021
Səyyad Əlizadənin vəziyyəti daha da ağırlaşdı - Açıqlama
10:25 16 Sentyabr 2021
Əməkdar artistimiz dünyasını dəyişdi
10:15 16 Sentyabr 2021
Xarkovda Nizami Gəncəvinin abidəsinin açılış olub - Foto
09:57 16 Sentyabr 2021
Üzü örtülü qadınla necə evlənməli? – Zamin Hacı yazır
09:00 16 Sentyabr 2021
Nuru Paşa Cəfər Cabbarlıya nə hədiyyə etdi? - Tarixi fakt
21:00 15 Sentyabr 2021
"Amerika" adlı qızıl unitazı oğurlayan şəxs tapılmır - Foto
18:43 15 Sentyabr 2021