news-inner
clock16:12 calendar-gray 29 İyun 2017 view-gray307 dəfə oxunub
view-gray307 dəfə oxunub

İşartı göz çəkəndi....

Həmzəli İlyas

Köz işartısı...

İşartısı olan köz yanacaq, ocaq olacaq. Ocaq kəlməsi həm də müqəddəsliyə işarədi...

“Göylərin gözlərindən leysan axsa da” (“Göylərin yerə üsyanı”), “dünya arzulardan çatlasa da” (“Hegemon arzular”), “köhnə arxa su gəlməsə də” (“Üzə güldü, mələyə döndü”), “saxta qürurlar qismətin yoluna daş dığırlasa da” (“Saxta qürurum”)... o köz ocaq olacaq. Əgər köz közdürsə...

Oxuduğum “Bir ocaq işartısı” şeirlər kitabı müqəddəs niyyətlərin “coğrafiyası”nı da xatırladır. Həm də düşündürməklə xatırladır.

Şeirlərdə poetik ifadələr seziləndir. Təbii ki, sezilən, hiss edilən, duyulan poetik məqamlar diqqəti çəkir. Etibar Qəribin “Bir ocaq işartısı” kitabını bu duyğularla oxudum. Nostalji duyğular könlümü telləndirdi: oxuduğum şeirlərin bəzilərinin mahiyyətini zamanında yaşamışam. Şeirlərin mövzusu da diqqəti çəkir, bədii “yükü” də, poetexnikası da. Bənzətmələrin, təşbehlərin təravəti aydınlığıyla hiss olunur. Misralarda bədii sözün, bəndlərdə bədii sözə söykənmiş misraların boyu görünəndi.

Səmimi deyilən söz (yazılan şeir) səmimi eşidilir, dinlənilir (oxunur, dərk edilir). Bu baxımdan qətiyyətlə “Etibar Qərib səmimi şairdi” – deyə bilərik (deyirik).

Dağların dağ görkəmindən gileyli qalan, gördüklərindən “bədəni ürpəşən, gözləri yaşaran” (“Dağlar”) bədii “mən” Etibar Qərib.

Bir şübhə min sağlam sözü öldürür,

Min inam bir şəri öldürə bilmir. (“El sözü deyilən tərəzi vardı”) – gileyinin ağrılarını yaşayır. Bu ağrının bir adı var: torpaqlarımızın işğalı – Şuşa, Laçın, Kəlbəcər, Ağdam, Füzuli, Cəbrayıl, Zəngilan, Qubadlı. Bu işğalın sızıltıları məmləkətin canından üzülməyincə Etibarın sözü döyüşənlərin sırasında olacaq.

“Bildiyi (tanıdığı) dərdə düşən” (“Bildiyim də dərddi...”) bədii “mən”in qənaətinə görə, “tarix bir qələmin yazısı deyil” (“Vətən ağrıların odası deyil”). Bu tarixi Vətən sevgisi Vətən boyda olanlar yazır, Vətənin dar günündə “bir qaşıq” qanından qorxmayanlar – şəhidlər yazır, “yaşadığı bu gününü elə bu gün unutmayanlar” (“Vətənlə söhbət”) yazır... Bunu taleyinə “göyqurşağı bilənlər” də (“Hara tələsirsən?”) bilir, “başıdaşlılar da” (“Üzü güldü, mələyə döndü”), “öz külünü birtəhər tökmək istəyənlər də”. Bunları şeirə gətirmək, şeir biçimində təqdim etmək qüdrətdi. Etibar Qəribin şeirlərində bu qüdrət duyulandı, hiss ediləndi, görünəndi...

“Zirvədəki sözü endirən dili” də “təpəcikdən dağlar yoğuran dili” də (“Boyalı, boyasız söz”) sözün araçılığıyla tanıyırıq. Boyasız sözün müstəvisində “əldən yapışmayanları, qoldan tutmayanları” (“Bu gün əl tutandan itələyən çox”), “sözü söz qaydasında deyə bilməyənləri” haqq yoluna çağırır Etibar Qərib. Misra-misra, şeir-şeir...

Bu bulud çəkilər başının üstdən,

Gülər taleyinə bir göy qurşağı. (“Hara tələsirsən?”) – beytinin bədii yükü diqqəti çəkir; göyqurşağı ifadəsində təbiətlə insanın analogiyası yenidir, qəbul ediləndir. Həm də hiss edilməsi çətin olmayan bir istək var: iki arada yaşamamaq. Həm də “düyünlü fikirlərin qarasına deyinməməklə” (“Dərdimi haqladın...”).

“Kor atı minib köndələn çapmaq”, “az qalır gözünə girə” el ifadələridi. Etibar Qərib bu kimi dəyimləri şeirə poetik biçimdə gətirə bilir...

...Etibar Qəribin “Bir ocaq işartısı” şeirlər kitabı maraqla oxunur; düşündürücü şeirlərdir...

news-inner-user

19953 məqalə

Oxşar xəbərlər

Xəbər lenti

1937-ci ildə həbs edildi, sevdiyi qadını güllələdi, oğlunun boş tabutunu basdırdı... - Bağırov haqqında qeyri-adi faktlar
21:00 17 Sentyabr 2021
Azərbaycanlı skripkaçı birinci yerə çıxdı
19:16 17 Sentyabr 2021
"Arşın mal alan” Çində təqdim olunub - Fotolar
18:45 17 Sentyabr 2021
Məşhur İspan yazıçısı vəfat etdi
18:15 17 Sentyabr 2021
Azadlıq qılıncların oxuduğu nəğmədi – Rüstəm Behrudinin şeirləri
17:30 17 Sentyabr 2021
Təşəkkür edirəm ayaqlarımın səsinə - Yeni şeirlər
17:07 17 Sentyabr 2021
Sezen Aksudan yeni mahnı - Video
16:55 17 Sentyabr 2021
Məşhur tarzənə ev verildi
16:17 17 Sentyabr 2021
Bir sıra mədəniyyət işçilərinə fəxri adlar verildi - Siyahı
15:50 17 Sentyabr 2021
Deşikli daş pirinin möcüzəsi: İnanaq, yoxsa gülüb keçək?
15:30 17 Sentyabr 2021
Sənubər İsgəndərli yeni veriliş açır
14:10 17 Sentyabr 2021
Sevgilisi: "Vüqara yaraşmayan qadınlar qəbrinin üstündə hoqqa verir"
13:01 17 Sentyabr 2021
Narkotikaya qurşandı, cibindən 11 min manat oğurladılar, küçədə ağlaya-ağlaya pul diləndi – Oğlunun faciəsində Səyavuş Aslanın günahı
12:30 17 Sentyabr 2021
Vətənə əbədi köçün mübarək, Yaqub Zurufçu!
11:45 17 Sentyabr 2021
Bakirə qız axtaran debillər
11:10 17 Sentyabr 2021
Bakıda milli kitab sərgisi keçiriləcək – İlk dəfə
10:33 17 Sentyabr 2021
Səyyad Əlizadə Mərkəzi Gömrük hospitalına köçürülüb
09:48 17 Sentyabr 2021
Müəllifi bu mahnıya niyə sahib çıxa bilmir? – Plagiatın qurbanı olan “Bayatılar”ımız
09:00 17 Sentyabr 2021
Ölümünə aktyor, ölümünə inqilabçı... - Bir dahi portreti
21:00 16 Sentyabr 2021
Məşhur Amerika filmi yenidən çəkiləcək
18:51 16 Sentyabr 2021