news-inner
clock12:16 calendar-gray 27 Aprel 2017 view-gray300 dəfə oxunub
view-gray300 dəfə oxunub

Əllərim sevgi məktubu - ŞEİRLƏR

Kulis.az gənc şair Saqif Zeynalın yeni şeirlərini təqdim edir.

Məktub

O gecə üç rəngli bayrağa bükülü

Bir məktub gəldi cəbhədən

Allahın da əlini alnına,

Gözlərinin üstünə qoyub

Baxdıqca gözündən itən

Bu kimsəsiz uzaqlara...

Vətən şəhid yollamışdı

Tabut zərfində...

Dərdindən qol götürüb

Oynadı nənəsi Göyüş arvad.

Sülh quşları kimi Uçub getdi əlləri...

Uçub getdi üzü Laçına.

Hardasa gülələdilər Göyərçinləri...

Hardasa nənələrin qoynuna düşdü ölmüş əlləri...

Nəsə belə olmamalıydı, dostum!

Cazibə qüvvəsinə söykənib

Göylərdə dayanan qoca Günəş

Hər gün Şərqin qapısından girib,

Qərbin bacasından çıxmamalıydı çölə.

Bir sabah açılmamalıydı Şərqin qapısı,

Bir axşam Qərb pəncərəsini çırpmamalıydı üzümüzə.

Bir gün başqa açılmalıydı səhər,

Axşam başqa cür düşməliydi göylərdən...

Nəsə belə olmamamalıydı, dostum!

Göy üzündə üzməməliydi bulud gəmilər,

Belə əsəbi əsməməliydi küləklər,

Titrəməməliydi ağacların yarpağı,

Yağışlar islatmamalıydı adamları…

Biz də belə sevməməliydik,

Belə unutmamalıydıq,

Belə unudulmamalıydıq,

Tanrım! Başqa cür sevməli,

Başqa cür unutmalı,

Başqa cür unudulmalıydıq...

Hər gün eyni adamlar gedib,

Eyni adamlar qayıtmamalıydı bu kimsəsiz şəhərə.

Kimsə gəlməliydi uzaqlardan...

Kimsə gəlməliydi!

Və bizə mutlu günlər gətirməliydi qucağında.

Nəsə belə olmamalıydı, dostum!

Sən yoxsan

Və buralar soyuq-soyuq,

Torpağı, daşı üşüyür.

Titrəşir işıqları,

Ocaqları üşüyür...

İndi mən bu qürbətin,

Ən yalnız adamıyam.

Bir yandan da sən yoxsan...

Bir də sənsiz keçirəm

Bu soyuq küçələri.

Üstümə də gəlib çatmır,

Çatmır tanrının əlləri.

Barı sən gəl,

Gəl əllərini at çiynimə

Üşüyürəm...

***

Əllərim sevgi məktubu,

Ciblərim poçt qutusudu.

Hər gün əlimi cibimə qoyub

Sənə məktub yollayıram...

news-inner-user

17090 məqalə

Oxşar xəbərlər

Xəbər lenti

Tank lüləsində striptiz- Dahiyanə filmlər
21:00 24 Noyabr 2020
“Zorla erməniləşdirmə” sənədli filmi təqdim olunub
19:40 24 Noyabr 2020
Bakı Kitab Mərkəzinə 100-dən çox ərəb dilində kitab hədiyyə olunub
19:37 24 Noyabr 2020
Xalq artisti Əjdər Həmidov vəfat etdi
18:50 24 Noyabr 2020
Xocalı haqda film Tehran festivalının əsas müsabiqəsində
18:21 24 Noyabr 2020
Azərbaycandakı dini rəhbərlər dağıdılan abidələrimizlə bağlı bəyanat verib
17:33 24 Noyabr 2020
Ermənilərin "əl gəzdirdiyi" Əsgəran qalası
17:05 24 Noyabr 2020
48-ci Beynəlxalq "Emmi" mükafatının qalibləri açıqlandı
16:23 24 Noyabr 2020
İbrahim İlyaslının yeni kitabı nəşr edildi - Foto
15:57 24 Noyabr 2020
Rəssamlar İttifaqı beynəlxalq müsabiqə elan etdi
15:21 24 Noyabr 2020
Rus qadınla gizlin evləndi, anasının ölümünə səbəb oldu, otel otağında huşsuz tapıldı– Kinomuzun Əhmədinin faciəvi həyatı
14:42 24 Noyabr 2020
Ağam şəhərim! Adam şəhərim! - Qulu Ağsəsdən Ağdam şeiri
14:01 24 Noyabr 2020
Məsciddə çəkilən fotoda ən incə məqam
13:16 24 Noyabr 2020
Sosial media mütəxəssisi: “Laykdan asılı vəziyyətə düşmək xəstəlikdir” – Müsahibə
12:40 24 Noyabr 2020
Muğam Mərkəzindən növbəti təqdimat
12:05 24 Noyabr 2020
Tanınmış həkimdən koronavirus xəbərdarlığı: “Vəziyyət çətindir”
11:35 24 Noyabr 2020
Boşana bilmirəm, nə edim? – Fəridə yazır...
11:04 24 Noyabr 2020
Serbiyada Üzeyir bəyin xatirəsi anıldı - Foto
10:30 24 Noyabr 2020
Xanımını əmisi oğlu ilə tutdu, baltalamaq istədi – Şukşinin hekayəsi – Dilimizdə ilk dəfə
09:01 24 Noyabr 2020
Fikircil – Rafiq Tağıdan hekayə
21:00 23 Noyabr 2020