news-inner
clock12:14 calendar-gray 11 Aprel 2017 view-gray271 dəfə oxunub
view-gray271 dəfə oxunub

Mənim sevimli müəllifim – Ayxan Ayvazın “Buri”si haqqında...

Mina Rəşid

Ayxan Ayvazın “Buri” kitabı haqqında

Əlimdə balaca, yüngül, üzərində gülümsəyən uşaq şəkli olan bir kitab var.

Bu kitabın müəllifinin yazıları mənim üçün o qədər doğmalaşıb ki, harada qarşıma çıxsa oxumalıyam. Ondan ki, onun ifadə tərzi fərqlidi, yazıları yığcam, səmimi və düşündürücüdür.

İstedadlı gənc yazar Ayxan Ayvazın kitabına daxil etdiyi hekayələrin çoxunu mətbuatdan oxusam da onları bir daha təkrarladım. Onun yazılarını təkrar oxumaq da maraqlıdır. Bu yazıları düşünərkən həyətdən gələn gözəl aramsız oxuyan bir quş səsi də sanki, oxumağın, yazmağın bir tale işi olduğunu söylədi. Çünki nə o şirin avazlı quş, nə də şırıl-şırıl axan şəlalə kimi mənim qəhrəmanım da kiməsə, nəyəsə, hansı məqsədəsə görə yazmır. Yazılar elə saf, işıqlı bir dünyadan oxucuya yollanır ki, o sənin sevimli müəllifinə çevrilir.

Hekayələrin içərisində “Buri” mənə daha çox təsir elədi. Onu ilk dəfəydi oxuyurdum. Həm də amansız, gerçək həyatla İNSAN üz-üzə dayanmışdı burada. İnsanın qəlbini duymurdu, səsini eşitmirdi, kor idi, kar idi həyat...

Bu hekayə yazıçı Linda Li Rattonun “Yuxuların çin olduğu yerdə” adlı əsərini xatırlatdı. Anadangəlmə əlil olan, sürünə-sürünə məktəbə gedən 8 yaşlı qız deyir: “Anacan, nədən müəllimə heç o pişik qədər mənə qayğı göstərmir?”

“Buri”nin qəhrəmanı İsaniyə də acından bir çörək oğurladığına görə nə satıcı, nə alıcı, nə də hakim, heç kim rəhm eləmir...

Bir də “Atamın nobel nitqi”. Heç nə demirəm. Sadəcə hekayədən bu parça yetər, düşünürəm...

“Əziz qonaqlar, uşaqlarımın gözündə zəif, bacarıqsız adam olduğumun fərqindəyəm. Mən qurd olub ətrafı çalıb-çapa bilmədim. Özümdən həya eləməyim məni adam olmağa qoymadı. Adam var, üzdən baxırsan hər şey yerli-yerindədi, amma yoldaşlıq eləyib bələd olanda görürsən ki, tamahı baş yarır, közü həmişə öz qabağına çəkməkdən utanmır. Ona görə axıra qədər qalan dostlarım da yoxdur...”

Ayxan Ayvaz çoxunun görmədiyi və ya görmək istəmədiyi həyat həqiqətlərini özünəməxsus ifadə tərzi ilə qələmə alır. Məsələn, “Şəhərin xatirələr kimi aydın küçələri” (“Kağızda ölmək), “Evin kir-pas atmış, köhnə, bükülən qocanı xatırladan görkəmi mənə kəndimizi xatırlatdı”, “Üstümüzə yol gəlirdi” (“Monoton”), “Mən də işğal olunmuş torpaq kimiyəm” (“Sənin işğal günün”), “Uşaqlıq həmişə xəyalən geri qayıtmaq mümkün olan bir yerdi və ya uşaqlığın yoxdursa, daha doğrusu, xatırlamırsansa, demək, vətənin də yoxdur” (“Atamın nobel nitqi”)

Mənim sevimli müəllifim, yaşın çox olmasa da gördüklərin, yaşadıqların çox olub. Və sən qəlbinlə, qələminlə bunları heç vaxt unuda bilməzsən. Nə qədər qorxulu adamlar tanısaq da tanıdığımız, bəlkə hələ tanımadığımız işıqlı adamlar da az deyil.

O, ürəkdən sevənlər və sənin danışdığın əhvalatlara inananlar da...

news-inner-user

17134 məqalə

Oxşar xəbərlər

Xəbər lenti

Ölmək sənəti – Ağalar Qut yazır...
17:25 29 Noyabr 2020
“Cinema Radio”nun rəhbəri: “Onun səsi ilahi vergidir” – Müsahibə
17:04 29 Noyabr 2020
Nabokovdan hekayə: Sərnişin
15:30 29 Noyabr 2020
Atası xalq düşməni kimi güllələndi, bir manata rəsm çəkdi, Səttar Bəhlulzadə evini ona bağışladı... – Maraqlı faktlar
12:00 29 Noyabr 2020
İsti yatağım soyuq səngər misalı - Sara Selcandan yeni şeirlər...
16:28 28 Noyabr 2020
Azərbaycanda Mixail Qusmanın filminin premyerası oldu
15:01 28 Noyabr 2020
Bu nədir, Allahı danmaqdır? – Elçin yazır...
13:30 28 Noyabr 2020
"Şəngülüm, Məngülüm" tamaşası onlayn nümayiş olunacaq
12:01 28 Noyabr 2020
Türkiyədə "Azərbaycanlı şəhid uşaqların xatirəsinə" adlı konsert keçirildi - Foto
10:27 28 Noyabr 2020
Fuad Poladov: Qızla zirzəmidə görüşdüyümə görə məni məktəbdən qovdular – Müsahibə
09:00 28 Noyabr 2020
Ukrayna Milli Kitabxanasında Azərbaycan guşəsi açılacaq
18:31 27 Noyabr 2020
Qayıtdı gülləri yığıb başına, vətən gülşəninin Xarı bülbülü! – Yeni şeirlər
17:44 27 Noyabr 2020
Tələbənin universitetdən qovulması haqlı qərardırmı?
17:09 27 Noyabr 2020
"Qarabağ Azərbaycandır" adlı kitab nəşr olundu
16:34 27 Noyabr 2020
Rejissorumuzun da iştirak etdiyi festivalın qalibləri elan olundu - Siyahı
15:53 27 Noyabr 2020
Nənəsini yemək üstündə ağlatdı, xəstəliyinə görə yardım istədi, işdən çıxarılan gün həyat yoldaşı öldü – Məşhur diktordan maraqlı faktlar
15:11 27 Noyabr 2020
Məşhur Meksika filmlərinin ssenari müəllifi vəfat etdi
14:31 27 Noyabr 2020
İşğaldan azad olunan Xanabert qalası
13:53 27 Noyabr 2020
"Anamın kitabı" filmi gəlir - Yaxında
13:11 27 Noyabr 2020
Mənə ölümümdən yol verin... - Ötən gün dünyasını dəyişən şairin şeirləri
12:31 27 Noyabr 2020