Kulis.Az uşaq vaxtı sadəlövhcəsinə inandığımız 10 yanlışı təqdim edir.

Allahı baba simasında təsəvvür etmək – Onda hələ uşaqdıq, elə bilirdik ki, göy üzündə bir yaşlı kişi var, hər hərəkətimizə göz qoyur, bizi izləyir. Qaranlıq çökəndə bu yaşlı kişinin təsvirinə bir detal da əlavə olunurdu: uzun qara saqqalı olduğunu düşünürdük və ona “baba” deyirdik.

Müəllimlər çörək yeməz – Uşaq üçün böyüklərin siması saf və təmiz olardı. Elə bilərdik ki, müəllimlər yemək yemir, pijama geyinmir, tualetə getmir. Bizim dəyişməyən müəllim obrazımız vardı. Cəbiş müəllimdən də təmiz müəllim obrazı.

Filmlərin real olduğuna inanmaq – O filmlərdə çəkilən qəhrəmanlar sən demə, aktyorlarmış, rola girirlərmiş. Bizi aldadıblarmış. Sən demə, filmdə ölənlər həqiqətən ölmürmüş. Sən demə, o qəhrəmanlar özləri deyilmiş.

Uşaqları hacıleylək gətirir – Biz ata və anamızı ər-arvad kimi yox, yaxın iki tanış hesab edərdik. Necə yarandığımızı soruşardıq, hər dəfə ayrı cavablar alardıq. Amma inanardıq ki, bizi hansısa leylək dimdiyində gətirib yaşadığımız evin eyvanına atıb.

Şaxta Baba – O ağ saqqalı kişi mövcuddur. Gecə yatmayacağıq. Gözləyəcəyik. Ağ saqqalı kişi bizə hədiyyələr gətirəcək. Uşaqların dostudur, o. Heç kimi aldatmırdı. Ağ saqqalı, qırmızı paltarı bizə sevimli gəlirdi.

Cin, mələk, divlərə, pərilərə, qulyabanilərə gerçək sanmaq – Niyə də yox? Ana deyir ki, yeməyini yeməsən bu saat cin gələcək. Doğurdan da gələr birdən. Gecə tək yatmaq olmaz belə anlar, gərək ata ilə ananın çarpayısına qonaq gedəsən.

Ağ-qara filmlərə baxanda filmin çəkildiyi dövrləri də rəngsiz, ağ-qara sanmaq – Yalan danışmaz axı heç kim. Kitabda yazılanlar da doğrudur, filmdəkilər də. Ağ-qaradırsa, deməli onların yaşadıqları yerlər də ağ-qara rəngə boyanıb.

Hündür binaların başına çıxıb göyqurşağına əllə toxunmaq – Hər şey əlçatandır. İstədiyimiz yerə gedə bilərik. Təki atamız aparsın.

Atanı hamıdan güclü hesab eləmək – Ondan güclüsü yoxdur bu dünyada. Heç kim atamızı yıxa bilməz. Həyatımızın tək qəhrəmanı atamızdır.

Duet oxuyan müğənniləri ər-arvad hesab eləmək – Yoxsa niyə bir yerdə əllərinə mikrofon alıb oxusunlar ki? Yəqin bir-birilərini sevirlər, bir yerdə yaşayırlar. Ona görə belə gözəl alınır duetləri...

• Mehmanın qisası - Miri Rəsulzadənin hekayəsi
• Troya Muzeyində dənizçilik sərgisi - Antik gəmilərlə tarix yolçuluğu
• Qatilin axtarılması - Yaroslav Haşekin hekayəsi