news-inner
clock10:54 calendar-gray 09 Fevral 2017 view-gray541 dəfə oxunub
view-gray541 dəfə oxunub

Musiqi məktəbində toyuq işgəncəsi

Kulis.az Tahir Tahiroviçin “Musiqi məktəbində toyuq işgəncəsi” hekayəsini təqdim edir.

Bəylər müəllim həmişəki kimi yem dükanın qarşısında dayandı. Bu vaxt Bəylər müəllimi görən satıcı Şoppulu dükanın pəncərəsindən ona əl sallayıb əlavə elədi:

- Bəylər müəllim, günortaya bir şey olacaq ?..

Bəylər müəllim panamasını çıxarıb təzədən başına qoymaqla elə bil “hə” dedi.

Kənd musiqi məktəbi Əlican çayının sağ sahilində, güllü-çiçəkli sakit bir məkanda yerləşirdi. Ətraf o qədər gözəl idi ki, hətta musiqi dərsinə getməsən də bu həyətdə oturub-oturub musiqiçi ola bilərdin. Burada hər zaman məbəd rahatlığı vardı.

Amma birdən sükut pozuldu. Bir zaman televiziyada idman şərhçisi işləmiş Bəhruz kişi deyinə-deyinə musiqi məktəbinin həyətinə girdi. Bəhruzun səsi həyəti bürümüşdü. Məktəbdə dərslər dayandı. Səs-küyə Bəylər müəllim çıxdı. Əsəbi halda Bəhruza üzünü tutub:

- Ay Bəhruz nə olub ?

- Nə bilim e? İki gündən bir toyuqlarımın biri itir. Artıq üç toyuq yox olub. Özü də bax buralarda, sizin məktəbin həyətində...

- Bəhruz, sənin toyuqların həmişə bizim məktəbin həyətində qorxusuz gəzişib. Özü də bizim musiqilərimizin sədaları altında feyziyab olublar. Minnətin olsun, toyuqlarına bu cür şərait yaratmışam.

Bəhruz daha heç nə deməyib əlindəki futbol qəzetini bürmələyib çıxıb getdi.

Həmin gün Bəylər müəllim günorta yeməyi üçün kənd çayxanasına gəldi. Çayçı Xəlilə səsləndi ki, qoyun böyrəyi varsa gətirsin. Xəlil yaxınlaşıb dedi ki, böyrək var, amma kababçı yoxdur. Bəylər müəllim əsəbiləşib özündən çıxdı: “Ay kişi, kababçı yoxdu, yoxdu da, böyrəyi iki yerə bölüb samovarın bacasına qoy.” Bəylər müəllim ala-çiy böyrəyi qanlı-qanlı dişinə çəkib yedi.

Səhər avtobus həmişəki kimi yem dükanının qarşında dayandı. Şoppulu o dəqiqə özünü çölə atıb əlindəki kiçik bağlamanı Bəylər müəllimə verdi: “Bu günə bir şey olacaq?” Bəylər müəllim sağa-sola baxdı, əlindəki, çantanı qolunun altına alaraq çiyinlərini çəkdi, çiyinləri onun yerinə dilləndi: bilmirəm!

Bəhruz çinar ağacının altında oturub futbol qəzeti oxuyurdu. Toyuqlar yenə musiqi məktəbinin həyətində gəzişirdilər. Bu vaxt avtobus məktəbin qabağında dayandı. Bəylər müəllim avtobusdan düşüb məktəbə tərəf gəldi. Məktəbin həyətinə girəndə toyuqlar ürkmək yerinə onu öz sahibləri kimi qarışıladılar.

Bəylər müəllim yeridikcə toyuqlar arxasınca qatarla gəlirdilər. Bəhruz kənardan bu səhnəni izləyirdi. Təəccübündən qəzeti yerə tullayıb, ağacın arxasına keçdi, güdməyə başladı. Toyuqlar Bəylər müəllimin dalınca hoppana –hoppana gedirdilər. Bu vaxt qapını açıb içəri keçən Bəylər müəllim toyuqlara bir təpik vurdu. Sağ-sola səpələn toyuqlar qaçmağa başladı. Bəhruz gördü ki, çilli toyuq yoxa çıxdı. Özünü məktəbin qapısına çatdırıb içəri girəndə gördüyü səhnə onu heyrətləndirdi. Bəylər müəllim toyuqla ağıllı-başlı savaşırdı. Əlindəki musiqi kitabı və qovluqla toyuğun başından vurur, toyuq isə dayanmadan qaqqıldayıb mübarizə aparırdı. Havada toyuq lələkləri uçurdu. Toyuq qanad çalıb dimdiyi ilə Bəylər müəllimin panamasını yerə çırpdı. Bəylər müəllim əyildi ki, panamanı yerdən götürsün, bu vaxt toyuq əlindən sıçrayıb pianonun dillərinin üstünə tullandı, pianodan xoruz səsinə bənzər qarışıq səs çıxdı. Bəylər təslim olmurdu. "Musiqinin əsasları" kitabını qapıb toyuğa tolazladı. Tullandı ki, onu tutsun, toyuğun sıçrayışından pianonun üstündəki qaval gillənib Bəylər müəllimin başına düşdü. Divardan asılmış tarın kəlləsinə qonan toyuq müvazinətini saxlamaq üçün qanad çalanda tar da divardan qopub yerə düşdü. Yerində donub qalmış Bəhruz tarın taqqıltısından sanki yuxudan ayıldı. Toyuğuna kömək üçün Bəylər müəllimin üstünə tullandı. Ona bir-iki yumruq ilişdirdi ki, bəlkə toyuğu buraxa. Amma xeyri olmadı. Bəhruz əyilib yerdən tarı götürdü, dəyənək kimi havada yelləyərək Bəylərin başına çırpmaq istədi. Bəylər başını yana əysə də tar öz hədəfini tapmışdı: pianonun dillərinə çırpılan zaman otağı dəhşətli səs bürüdü, elə bil bədheybət varlıqlar çığırırdılar. Bəylər qorxusundan əyilib masanın altına girmiş, toyuqsa Bəhruzun ayağına sığınmışdı. Bəhruz o dəqiqə toyuğu qucağına alıb başına sığalladı, Bəylərə tərəf tüpürüb otaqdan çıxdı.

Məktəbin həyət qapısından çıxanda Şoppulunu görüb hər şeyi başa düşdü, başını yelləyərək deyinə-deyinə çıxıb getdi.

Demə nə olub. Şoppuludan darı alan Bəylər, dəni deşik cibli şalvarının balağından səpə-səpə toyuqları ardınca aparır, birinci toyuq məktəb qapısından içəri girən kimi qalanlarını təpiklə qovurmuş. Bundan sonra da toyuqla əlbəyaxa olurmuş... Darı payının əvəzində Şoppula da hər günorta toyuq çığırtmasına qonaq olurmuş.

Oxşar xəbərlər

Xəbər lenti

Tərəf müqabili ilə üçaylıq sevgi yaşayan, evi olmadığı üçün qarajda qalan, iki dəfə intihara cəhd edən Xalq artisti
21:00 28 Sentyabr 2021
Vətən Müharibəsi qəhrəmanı haqqında film çəkilir
18:50 28 Sentyabr 2021
Bakı Beynəlxalq Kitab Sərgisində nələr olacaq?
18:15 28 Sentyabr 2021
Sahilənin Sənanı və "Şeyx"i
17:28 28 Sentyabr 2021
Onun geridəqalmışlığı mükafata layiqdir – Aqşin Yenisey yazır
16:44 28 Sentyabr 2021
Filmimiz beynəlxalq festivalın ən yaxşısı oldu
15:59 28 Sentyabr 2021
Üzeyir bəyə tələ quran erməni musiqiçilər - Tarixin gizlinləri
15:10 28 Sentyabr 2021
Baydarovun filmi nufuzlu festivalda - Foto
14:22 28 Sentyabr 2021
Osmanlı sultanlarının portretləri satışa çıxarılacaq
13:35 28 Sentyabr 2021
Qarabağ mövzusunun dələduzları – Şərif Ağayar yazır...
12:54 28 Sentyabr 2021
Əri ola-ola Telman Adıgözəlov ona evlilik təklif etdi, kişi aktyorlarımızın arasına qısqanclıq davası saldı – “Bəyin oğurlanması”nın məşhur siması kim idi?
12:09 28 Sentyabr 2021
Ölməyə vətən yaxşı... - Onlar niyə qürbətdə öldülər?
11:32 28 Sentyabr 2021
Nazirlikdən bəstəkara cavab: “Beş min verdik, götürmədi” - Özəl
11:01 28 Sentyabr 2021
Məşhur şair Fərid Hüseynin tərcüməsində - Yeni kitab
10:25 28 Sentyabr 2021
Universitetin dördüncü mərtəbəsindəki it – Yeni hekayə
09:01 28 Sentyabr 2021
"Anam deyir ki, o, ayaqqabılarını çıxarmaq istəyəndə, birinci katib qoymadı" - Səməd Vurğunu belə görməmisiniz - Foto
21:02 27 Sentyabr 2021
Tağıyevin heykəli yaxın günlərdə açılacaq - Rəsmi
18:55 27 Sentyabr 2021
Məşhur ingilis tədqiqatçının Nizami yanlışı – Vilayət Quliyev yazır...
18:20 27 Sentyabr 2021
Yazıçıların qaranlıq həyatı kitab oldu – Yeni nəşr
17:40 27 Sentyabr 2021
Müharibə xəbərinə özünü itirən taksi sürücüsü
16:53 27 Sentyabr 2021