writer1

Şərif Ağayar

Məqalə sayı

557
clock13:17 calendar-gray 02 Fevral 2017 view-gray346 dəfə oxunub
view-gray346 dəfə oxunub

Gənclik…

Gənclik...

Adını çəkəndə kədərlənməyən bir yaşlı görmədim.

Və nə gəncliyimdə, nə də indi cavanlıq deyəndə kədərlənən heç kimi qınamadım.

Bəlkə də o vaxtacan oxuduğum, hətta əzbər bildiyim şeirlər məni tərbiyə eləmişdi.

Ən arif insanlar belə gənclik xiffəti çəkəndə təmkini unudublar.

Nizami Gəncəvi kimi böyük ədib də qocalıqdan şikayətlənib, gəncliyin həsrətini çəkib.

Amma bir tip adam var ki, onlara gənclik qonusunda qıcıq oluram.

Onlar: “Gəncliyimiz pis dövrə düşdü” – deyənlərdir.

Məncə, gəncliyi işıqla xatırlamalısan.

Bu gün gənclər günüdür və sizi əmin edirəm ki, mən nə qədər “pis dövrə” düşsə də gəncliyimi işıqla xatırlayıram.

Bir dəfə dostlara dedim, kövrəlib, pivə aldılar mənə; ayağım cırıq ayaqqabıda islanmasın deyə sellofan sarınıb yeridiyim yolları indi öz şəxsi maşınımda gedirəm və o sellofanlı günlər qədər xoşbəxt deyiləm.

Halbuki o vaxt yanımdan dızz eləyib keçən, məni toza bələyən, üstümə palçıq sıçradan maşınların içindəkilərə az qala tanrı kimi baxırdım.

Gənclik ömrün qövsü-qüzehlərində oynaşan al-əlvan rənglərdir.

Gənclik tuti dillərlə ötən nəğmədir.

Gənclik...

Nə yazasan ki, dolğunluğu ilə ifadə etsin.

Yoxdur o söz.

Gəncliyi gənclik qədər ucadan, hündürdən, əlçatmazlıqdan ifadə edən ikinci bir ifadə tapammazsan.

Yüz bədii təsvir işlədə bilərəm.

Qızqaytaran baxışlar, dayı dedirtməyən tellər deyərəm.

Demirəm, amma!

Sadəcə, gənclik deyirəm.

Pilləkənləri quş kimi qalxmaq deyirəm.

Sevgi, ehtiras, güc, yaraşıq, gözəllik deyirəm.

İşıqlı göz , iti zəka, bitib-tükənməz enerji deyirəm.

İçində uçuşan al-əlvan kəpənəklər deyirəm.

Başqa da heç nə demirəm!

Gənclik günün mübarək, gənc olan və gənc olmuş adam!

Gəncliyin nə olduğunu anlamış, ondan faydalanmağı bacarmış adam.

Gəncliyi ona layiq işıqla, acısını şirinliklə xatırlayan adam.

Gəncliyin nə vaxtsa xatirəyə çevriləcəyinin fərqinə varmadan doya-doya yaşayan adam.

Qoy axırda sənə bir söz də deyim: ömür dediyin gəncliyin yan-yörəsidir!

Uşaqlıq əvvəli, qocalıq sonrası.

Başqa nə olası idi ki?!

REKLAM

Yazarın digər yazıları

Xəbər lenti

Buker mükafatının uzun siyahısı açıqlanıb
12:29 27 İyul 2021
Anar: “Əkrəm Əylislini qəbul edərəm, ancaq bir şərtlə...” – Müsahibə
12:01 27 İyul 2021
El Romandan hekayə: Pomada dadı
11:30 27 İyul 2021
Yazıçımız beynəlxalq ədəbiyyat müsabiqəsində - İlk dəfə
10:51 27 İyul 2021
Xalq artistinin ölüm xəbəri yayıldı
10:20 27 İyul 2021
Tanınmış yazıçı vəfat etdi
10:06 27 İyul 2021
Əllərində göyüzü – Həmid Piriyevin hekayəsi
09:01 27 İyul 2021
Oğlunun ölümünü ondan 40 gün gizlədilər – Xalq artisti haqqında maraqlı faktlar
21:00 26 İyul 2021
“Oyaq gözəl” onlayn nümayiş ediləcək
19:00 26 İyul 2021
Ayrılıq qıvrılır canımda - Ələddin Əzimlidən şeirlər
18:22 26 İyul 2021
Qaldırdı ürəyim ağ bayrağını – Yeni şeirlər
17:01 26 İyul 2021
Şeirlərimiz ispandilli saytda
16:15 26 İyul 2021
Türkiyədə Nizamiyə həsr olunmuş beynəlxalq konfrans işə başlayıb
15:25 26 İyul 2021
Simran Qədimdən yeni hekayə: Labirint
14:55 26 İyul 2021
Ağrının yaddaş ömrü
14:00 26 İyul 2021
Gənc şair Tərcümə Mərkəzini sərt tənqid etdi: “Bunun bircə adı var...”
13:21 26 İyul 2021
Əkrəm Əylisli: “Anar və Elçinlə birlikdə ona ağlayardım ki...” – Müsahibə
12:57 26 İyul 2021
“Oyaq gözəl” yenidən səhnədə
12:06 26 İyul 2021
Rasim Qaracadan qeyri-adi roman onluğu: Anar, Mirələmov...
11:30 26 İyul 2021
Filmimiz Sarayevo festivalının rəsmi proqramında
10:44 26 İyul 2021