writer1

Ayxan Ayvaz

Məqalə sayı

444
clock11:35 calendar-gray 05 Yanvar 2017 view-gray257 dəfə oxunub
view-gray257 dəfə oxunub

Bizi bağışla, Nuranə!

Ayxan Ayvaz

Yeni il günü Türkiyədə terror baş verdi. Bu dəfə əyləncə mərkəzində. Səbəb də nə olsa yaxşıdır? Kafirlər yad bayrama görə niyə əylənirlər? Mollabaşlı, təfəkkürü sıfırın həndəvərində olan bu cür düşüncəlilər terrora haqq qazandırdılar. Rəylər insan olan kəsi heyrətə gətirəcək səviyyədə idi: “Yaxşı oldu onlara, kafir bayramında əylənənin sonu belə olar”, “Müsəlman içib niyə kef çəkməlidir?”

Terror aktında bir məsələ də vardı. Azərbaycanlı qız Nuranə Həsənova öldürülənlər arasındaydı. Bir az keçmədi belə bir başlıqla qarşılaşdıq: “Terror aktında ölən Nuranənin cənazəsi Azərbaycana gətiriləcək”. Normal bir başlıq. Sosial şəbəkədə bu başlıq altında paylaşılan xəbər böyük səs-küy yaratdı. Əxlaq anlayışını qurşaqdan aşağı başa düşənlər ölmüş bir qızın arxasınca donquldanmağa başladılar: “Bura niyə gətirirlər? Basdırsınlar elə gecə klubunda, əlində də viski”, “Qızınız harda öldü? Barda, viski içən yerdə”. “Səviyyəli qız idisə... Onun nə işi vardı orda”.

Belə-belə rəylər. Ürəyiniz bulandımı? Mən arxasını oxuya bilmədim.

Bu adamlar anlamırlar ki, əxlaq qurşaqdan aşağıda deyil, çünki qurşaqdan yuxarı qəlb və ruh var. Qəlbə və ruha yad olan kəslərin gözü yalnız qurşaqdan aşağını görür. Onlar üçün insan ölümü, terror faktı önəmli deyil. Bunların ölümə haqq qazandırmağına baxın: “Barda olub, əlində də viski”.

Guya bu adamlar əylənmirlər, guya bunlar bütün günü oturub dua eləyirlər, kitab oxuyurlar, elmi kəşf üzərində araşdırmalar aparırlar.

Hələ də təfəkkürləri sıfırın altındadır. Və heyf ki, bu zehniyyətlər hamımızın yanında var. Onlar barda ölən qıza “yaxşı oldu” deyərlər, ancaq məscid qabağında ölənə alqış tutarlar.

Türklər demiş, yazıklar olsun. Mən bu rəyləri görəndə nə qədər iyrəndim, nə qədər əsəb keçirdim, təsvir edilməz.

Ortada terror var, əziz dostlar! Terror! Bunun nə anlama gəldiyini bilirik? Terrorun milləti yoxdur. Nuranə bizim qızdır, ya başqa millətdən fərq etməz. Niyə barda idi? – sual bu deyil. “Niyə öldürüldü?” – bax sual bu olmalı idi. Niyə terror davam edir? Niyə insanlar fərqli, alternativ fikrə dözümsüzdür?

Təəssüf... Bizim camaatın bu cür axsayan tərəfini görmək kədərlidir. Terrora münasibətləri sadəcə olaraq dəhşətdir. Əlin üzündə qalır.

İnsan azadlığına burun soxanlar, əxlaqı qurşaqdan aşağıda görənlər, özü kimi düşünməyənləri hədəf görüb öldürənlər nə qədər çox olacaq, o qədər biz zülm çəkəcəyik, göz yaşları kəsilməyəcək!

İstəyirəm, o içi boş adamların adından üzr istəyib yazımı bitirim: “Bizi bağışla, Nuranə. Qəbrin nurla dolsun!”

REKLAM

Yazarın digər yazıları

Xəbər lenti

Bir oğlu öldü, ikinci oğlu anasını tərk etdi-Papaqçıya ərə gedən Xan qızı
14:29 15 Avqust 2020
"Alacaqaranlıq" seriyasının müəllifindən oxuculara kitab müjdəsi
13:43 15 Avqust 2020
Xurşidbanu Natəvana layihə həsr olundu - Video
11:20 15 Avqust 2020
Tanınmış bəstəkar koronavirus peyvəndinin sınaqlarında könüllü oldu
11:01 15 Avqust 2020
Məşhur gitara ifaçısı vəfat etdi
10:28 15 Avqust 2020
Bu filmə görə 400 nəfər işdən çıxarılacaqdı – Rejissorların boyun qaçırdığı Azərbyacan filmi
08:57 15 Avqust 2020
Daha bir nəşriyyat Polad Həşimovla bağlı kitab nəşr etdi - Foto
18:36 14 Avqust 2020
Ayı balalarını oğurlayan çoban - Qorxmaz Şıxəlioğlu yazır...
17:14 14 Avqust 2020
Tom Kruzun çəkildiyi filmin meydançasında yanğın baş verdi
16:05 14 Avqust 2020
Xalq artistinin qızı atasının şeirlər kitabını nəşr etdirəcək
15:19 14 Avqust 2020
Oğlu Xalq artistinə klip çəkdi - Video
14:28 14 Avqust 2020
Əsl adı Pənah idi, kasıb atası ona yalnız keçi dərisindən dəf düzəldə bildi - Sürücü, vaqon ustası, montyor Alim Qasımov - Maraqlı faktlar
13:32 14 Avqust 2020
Almaz Ələsgərli efirdə erməni mahnısı oxudu - Video
12:38 14 Avqust 2020
"Sevastopol uğrunda döyüş"ün qəhrəmanı vəfat etdi
12:17 14 Avqust 2020
Bizi kütləvi öldürmək məsələsi... - Bütün bunlar masonların işidir?
11:27 14 Avqust 2020
Gənc yazara ağır itki üz verdi
10:39 14 Avqust 2020
Filmimiz beynəlxalq festivalda mükafat qazandı
10:00 14 Avqust 2020
Məni şərləyib qardaşımın gözündən salmaq istəyirdi - Bircənin romanı
08:59 14 Avqust 2020
Türk aktrisası vəfat etdi
18:30 13 Avqust 2020
Azərbaycanda əcnəbi serialların yayımı bərpa olundu
17:57 13 Avqust 2020