Azər Paşa Nemət Fuad Poladovdan danışdı: “Əgər getmək istəyirsə...”

Azər Paşa Nemət Fuad Poladovdan danışdı: “Əgər getmək istəyirsə...”
28 oktyabr 2016
# 16:31

Akademik Milli Dram Teatrının bədii rəhbəri-direktoru, xalq artisti Azər Paşa Nemət xalq artisti Fuad Poladovun teatrdan işdən getməsi qərarına münasibət bildirib.

Teatrın direktoru APA-ya açıqlamasında qeyd edib ki, Fuad Poladovun əsas iş yeri Dövlət Rus Dram Teatrıdır: “Məsələnin mahiyyəti ondan ibarətdir ki, Fuad Poladov teatrdan getmək haqqında rəsmi müraciət etməyib. Əmək Məcəlləsinə görə, hər hansı dövlət və özəl qurumun əməkdaşı işdən gedəndə ərizə təqdim etməlidir. Fuad Poladov bizə ərizə təqdim etməyib. Əgər Akademik Milli Dram Teatrındakı işindən getmək istəyirsə, bu onun qərarıdır, şəxsi fikridir. Bunu demək vacibdir ki, Fuad Poladovun əsas iş yeri Dövlət Rus Dram Teatrıdır. O, Akademik Milli Dram Teatrında əvəzçilik üzrə çalışır”.

Azər Paşa Nemət əlavə edib ki, Fuad Poladovun sənətini hər zaman qiymətləndirib: “Mənim Fuad Poladova münasibətim bəllidir, görkəmli aktyor kimi onun sənətini hər zaman qiymətləndirmişəm. Quruluşçu rejissor kimi hazırladığım “Hamlet”, “Şah Qacar”, “Afinalı Timon”, “Boy çiçəyi” tamaşalarımda Fuad Poladov baş rollarda iştirak edib.

Təvazökarlıqdan uzaq qəbul etməyin, bu tamaşalar həm sənət faktı, həm rejissor işi, həm də aktyor oyunu baxımından çox böyük maraqla qarşılanıb. Bunu teatrşünaslar da yazıb, sıravi tamaşaçılar da deyib. Bu mənim rejissor kimi Fuad Poladova münasibətim deməkdir. Yeri gəlmişkən, onu da deyim ki, “Afinalı Timon” tamaşasını mən Fuad Poladovun 60 illik yubileyinə hədiyyə kimi hazırlamışdım və bunu hələ illər əvvəl müsahibəmdə demişdim. Bu fakt da mənim Fuad Poladova münasibətimin göstəricisidir. Əgər Fuad Poladov bizimlə birgə çalışmaq istəmirsə, ona yalnız uğurlar arzu edə bilərəm, fikrinə hörmətlə yanaşıram. Bu cür hadisələr yaradıcı mühitdə, teatrlarda tez-tez olur və mətbuatın bu məsələdə həssas olmasını, şou yaratmamasını arzu edirəm”.

Qeyd edək ki, xalq artisti Fuad Poladov APA-ya açıqlmasında Akademik Milli Dram Teatrından istefa verdiyini bildirib. O qeyd edib ki, bu gün teatrın səhnəsində "Müsyo İbrahim və Quran çiçəyi" tamaşası ilə son dəfə çıxış edəcək.

# 1379 dəfə oxunub

Oxşar xəbərlər

İllər sonra eyni filmdə çəkiləcəklər

İllər sonra eyni filmdə çəkiləcəklər

15:35 18 iyul 2025
"Kardeş takımı 3"ün çəkilişləri başladı

"Kardeş takımı 3"ün çəkilişləri başladı

15:52 17 iyul 2025
“Pəncərə” filmi niyə tamaşaçı qazana bilmədi? - Məşhur filmin kadrarxası

“Pəncərə” filmi niyə tamaşaçı qazana bilmədi? - Məşhur filmin kadrarxası

14:48 17 iyul 2025
Hayli Stinfild və Mayls Teller eyni layihədə

Hayli Stinfild və Mayls Teller eyni layihədə

12:10 17 iyul 2025
Kameron Diazın yeni filmi açıqlandı

Kameron Diazın yeni filmi açıqlandı

11:40 17 iyul 2025
Məşhur roman əsasında film çəkiləcək

Məşhur roman əsasında film çəkiləcək

11:00 17 iyul 2025
#
#
# # #