writer1

Şərif Ağayar

Məqalə sayı

550
clock10:53 calendar-gray 14 Oktyabr 2016 view-gray268 dəfə oxunub
view-gray268 dəfə oxunub

Elə yazaq ki...

Kulis.Az Şərif Ağayarın “Elə yazaq ki...” essesini təqdim edir.

Bu esseni sovet konyukturasına qurban gedən istedadlara həsr edirəm

Zaman o zaman idi ki, ilk şeirlərimi yazırdım və bu şeirlər tələbə dostlarım arasında dil-dil, ağız-ağız, əl-əl, vərəq-vərəq, cib-cib, çanta-çanta dolanırdı.

O vaxt – ad çəkməyəcəm – ictimai-siyasi hadisələrin də gərgin vaxtı idi və bu ictimai-siyasi hadisələr saçlarını yan darayan, səsi yenicə dəyişmiş, uzundıraz şairin – yəni mənim “yaradıcılığıma” da öz labüd təsirini göstərirdi.

Bir az Məmməd Araz, bir az Nüsrət Kəsəmənli, bir az Sücaət havasında qəzəbli siyasi lirika “yaradırdım”.

Təbii ki, bu şeirlərin qəhrəmanları real insanlar idi.

Haqsızlığa uğradığını düşündüyüm adamlardan birinə də şeir yazmış, onu allahüçünə istedadla müdafiə etmişdim.

Bu şeir də ilk cümlədə yazdığım tərzi-hərəkət zərfləri ilə dolanmaqda idi.

Bir gün itoynadan dostlardan biri gülməkdən uğuna-uğuna yanıma gəldi ki, ey həzin nəğmələr qoşan zərif qəlbli şair, bayaq, sən də mənim qardaşım, padşahın piyada getdiyi yerdəydim.

Tamam rahatlayıb özümə gəlmişdim ki, baxdım, sudan-kağızdan heç nə yoxdur xarabada.

Əlimi naümid cibimə aparanda sənin bu şeirin keçdi əlimə.

Düşündüm, məni bağışlayarsan, amma şeiri həsr elədiyin adamdan keçə bilmədim.

Çünki, səndən nə çıxacaq, hələ şübhəli məsələdir, ancaq o adam doğrudan da ləyaqətli adamdır və sənin şeirin də düzünü-doğrunu ifadə etdiyi üçün ona layiqdir.

Narahat olma, budur, şeirin sağ-salamat cibimdədir...

Səni təbrik edirəm!

O vaxt yüngülvari incisəm də sonralar itoynadan dostumun mənə dediyi sözlərdə dərin mənalar tapdım.

Bu yaxınlarda isə bu əhvalat gözümə bir az simvolik, bir az semiotik, bir az metaforik göründü.

Dostum mənə zamanın metaforası kimi gəlir indi.

Bəli, anlayıb-bildiyimiz adi zamanın...

Zaman da öz tərzi-hərəkətiylə, yəni, zaman-zaman yazılarla belə davranır və o yazıları yalnız içindəki həqiqətə bağışlayır.

Bu həqiqətin özü də bir az simvolik, bir az semiotik, bir az da metaforikdir.

Yəni, sən haqlısan, mən haqsızam qədər lokal yox, genişdir, nəhayətsizdir və istedadın özü də bu həqiqətin içinə daxildir.

Ümumiyyətlə, o həqiqətdən kənar nə varsa yalandır.

Həqiqət bizi xilas edib, xilas edir və xilas edəcək.

Xilasın başqa yolu yoxdur.

Elə yazaq ki, zaman onunla dostum kimi davranmaq istəsə də bunu bacarmasın.

REKLAM

Yazarın digər yazıları

Xəbər lenti

Əhli-kef
11:01 20 İyun 2021
Kamyunun arvadı bu ssenariyə etiraz etdi – “Yad” filmində baş verənlər
16:31 19 İyun 2021
Müğənni Sılanın kitabı çap olundu
15:41 19 İyun 2021
"Qırmızı papaq" onlayn nümayiş olunacaq
13:46 19 İyun 2021
Gəlinini iş yoldaşına qısqanan “Qoçu Əsgər” – Xalq artistindən maraqlı faktlar
12:29 19 İyun 2021
Fərəc Fərəcov haqqında monoqrafiya çap olunub
11:25 19 İyun 2021
Devid Quetta musiqilərini satdı
10:25 19 İyun 2021
Bu mahnı gənc alimi cəsarətləndirmək üçün yazılmışdı: Dünyanı gəzdi - İllərin mahnısı
09:01 19 İyun 2021
Adamları tanıdım – Nura Suri oğlunun qəza keçirməsindən yazdı
23:55 18 İyun 2021
Hamlet Xanızadənin xatirə gecəsi keçirildi
18:58 18 İyun 2021
Cahangir Cahangirovun 100 illiyi qeyd olunub
18:01 18 İyun 2021
Çiçək kimi ətirli, tər və sütül bədənlər! - Qadına sonetlər
17:20 18 İyun 2021
Müasir İncəsənət Muzeyində sərgi açılacaq
16:40 18 İyun 2021
Azərbaycanın ən naşı klassiki – Seymur Baycanı sərt tənqid etdilər
16:00 18 İyun 2021
Tikanlı sözlər adamı necə öldürür?
15:15 18 İyun 2021
Əkrəm Əylislinin vəziyyəti ağırlaşdı - Açıqlama
14:27 18 İyun 2021
Bakıda yeni sərgi açılır
14:09 18 İyun 2021
“Azərbaycanfilm” türk jurnalist Fulya Öztürk haqqında film çəkir - Fotolar
13:19 18 İyun 2021
İslamdan imtina etdi, çayda boğmaq istədilər, atası üzündən öpəndə ağzını yudu – Diriykən yası verilən dahi azərbaycanlı
12:36 18 İyun 2021
Kəramət Böyükçölün yeni romanı çıxdı - Foto
12:08 18 İyun 2021