news-inner
clock17:00 calendar-gray 16 Sentyabr 2016 view-gray318 dəfə oxunub
view-gray318 dəfə oxunub

Bu il Nobeli kim alacaq? - SORĞU

Sizcə, bəs bu il ədəbiyyat üzrə Nobel mükafatı kimə veriləcək?

Kulis.Az bu barədə yazarlardan münasibət öyrənib. Cavabları təqdim edirik.

Nəriman Əbdürrəhmanlı

- Bu barədə müəyyən bir fikir söyləmək çətindir. Neçə illərdir ki, proqnozlar özünü doğrultmur, mükafatlar, bəlkə də, kimsənin ağlına gəlməyən yazıçılara verilir. Nobel mükafatı Komitəsinin öz ədəbi kriteriyaları var. İndi əksər adamlar Haruki Murakaminin adını çəkirlər. Amma mənə görə onun həmvətəni Kenzi Maruyama daha böyük yazıçıdır. İstərdim, mükafat ola verilsin. Təəssüf ki, adı iddiaçılar siyahısında yoxdur.

Etibar Əliyev

- Çox çətin məsələdir bunu demək. Seçimdə çox qeyri-adi laureatlar üzə çıxır. Sonradan biz təhlil eləyəndə görürük ki, əslində, Nobel komitəsi səhvə yol verməyib. Axırıncı laureat da bunu göstərdi, ondan sonralar da. Varqas Lyosa, Mo Yan çox böyük yazıçılardır. Sadəcə məlum səbəblərdən o yazıçılarla tanış olmamışıq. Mo Yanın bu yaxınlarda Nobel nitqini oxudum. Çox möhtəşəm bir publisistik dili var. Mən deyərdim ki, Herman Hesse, Hemenquey, Folknerin Nobel nitqindən geri qalmırdı Mo Yanın Nobel nitqi. Bilirsiniz, dünyada hal-hazırda çox yaxşı yazıçılar var. Amas Oz, Mişel Uelbek, Daniel Rot, Gulian Barns kimi yazıçıların adlarını çəkmək olar. Ola bilsin, Nobel komitəsi təhlillərdə sadaladıqlarımdan ideal yönüm tapa bilməsin. Ya da bəlkə ideal çalarlar tapsın. Nobel bəşəri vurğuya, ideal yönümə qiymət verir, praqmatik dəyərlərə yox. “Yüz illik tənhalıq”, “Qoca və dəniz” kimi əsərlərə, məsələn. Mənim adını çəkdiklərim XXI əsrin ən böyük yazıçılarıdır. Ola bilər, komitə həmin yazıçıların əsərlərini təhlil edərkən axtardıqları ideal yönüm onları qane etməsin. Mən bu siyahıya Salman Ruşdini də əlavə edərdim. Salman Ruşdi getdikcə Nobel mükafatına yaxınlaşır. Buker mükafatı, Cəngavər rütbəsi onu Nobelə aparır. Məncə, adını çəkdiklərimin hər hansı biri Nobel mükafatı ala bilər. Murakami də böyük yazıçıdır, bu siyahıya düşəcək yazıçıdır. Ancaq dediyim kimi, Nobelin ideal yönüm kriteriyalarını bilmirik. Mən özüm komitədə olsaydım Mişel Uelbekin namizədliyini verərdim. O, çox böyük intellektualdır.

Qismət

- Əgər Nobel mükafatı haqda deyilən siyasilik məsələsi doğrudursa, onda tutalım, Suriyadakı bitib-tükənməz gərginliyi nəzərə alıb şair Adonisin qalib olacağını ehtimal edə bilərik. Populyarlığı, bukmeykerlərin davamlı yüksək əmsallarla diri saxlamağını nəzərə alsaq, onda Haruki Murakaminin qalib olacağını düşünmək olar. Sonuncu kitabları da daxil olmaqla, Murakamini 5-6 romanını oxumuşam, ən yaxşı əsəri sayılan və Kafka mükafatına layiq görülən “Kafka çimərlikdə” romanından başqa bütün yazdıqlarını orta səviyyəli pop ədəbiyyat hesab edirəm. Bədii səviyyəsinə görə şəxsən mənə görə, heç ilk 50-liyə düşəsi müəllif deyil. Amma ötənilki Alekseyeviç nümunəsində gördük, komitə bəzən etik məsuliyyəti estetik səviyyədən, sənətkarlıqdan daha çox ön plana çəkir. İş orasıdır ki, çevik üslublu Murakami şöhrətindən başqa bunların heç birinə cavab vermir, məncə. Mən Pol Oster, Peter Handke, Xavier Marias kimi yazıçılardan birinin qalib olmasını arzu edirəm.

Svetlana Turan

- Bu il Nobeli kimin alacağını təxmin edə bilmirəm. Çünki təxminlərimdə hər il yanılıram. Amma Milan Kunderanın almasını çox istəyirəm. Kunderanın yaradıcılığını sevirəm və onun bu mükafata layiq olduğunu düşünürəm. Ancaq nədənsə mənə elə gəlir ki, Nobel komitəsi, həmişəki kimi, bizi bu il də təəccüb içində qoyacaq.

news-inner-user

19953 məqalə

Oxşar xəbərlər

Xəbər lenti

Cümhuriyyət ərəfəsində Üzeyir Hacıbəyovu İranda qalmağa vadar edən nə idi? – Vilayət Quliyev yazır
09:01 18 Sentyabr 2021
1937-ci ildə həbs edildi, sevdiyi qadını güllələdi, oğlunun boş tabutunu basdırdı... - Bağırov haqqında qeyri-adi faktlar
21:00 17 Sentyabr 2021
Azərbaycanlı skripkaçı birinci yerə çıxdı
19:16 17 Sentyabr 2021
"Arşın mal alan” Çində təqdim olunub - Fotolar
18:45 17 Sentyabr 2021
Məşhur İspan yazıçısı vəfat etdi
18:15 17 Sentyabr 2021
Azadlıq qılıncların oxuduğu nəğmədi – Rüstəm Behrudinin şeirləri
17:30 17 Sentyabr 2021
Təşəkkür edirəm ayaqlarımın səsinə - Yeni şeirlər
17:07 17 Sentyabr 2021
Sezen Aksudan yeni mahnı - Video
16:55 17 Sentyabr 2021
Məşhur tarzənə ev verildi
16:17 17 Sentyabr 2021
Bir sıra mədəniyyət işçilərinə fəxri adlar verildi - Siyahı
15:50 17 Sentyabr 2021
Deşikli daş pirinin möcüzəsi: İnanaq, yoxsa gülüb keçək?
15:30 17 Sentyabr 2021
Sənubər İsgəndərli yeni veriliş açır
14:10 17 Sentyabr 2021
Sevgilisi: "Vüqara yaraşmayan qadınlar qəbrinin üstündə hoqqa verir"
13:01 17 Sentyabr 2021
Narkotikaya qurşandı, cibindən 11 min manat oğurladılar, küçədə ağlaya-ağlaya pul diləndi – Oğlunun faciəsində Səyavuş Aslanın günahı
12:30 17 Sentyabr 2021
Vətənə əbədi köçün mübarək, Yaqub Zurufçu!
11:45 17 Sentyabr 2021
Bakirə qız axtaran debillər
11:10 17 Sentyabr 2021
Bakıda milli kitab sərgisi keçiriləcək – İlk dəfə
10:33 17 Sentyabr 2021
Səyyad Əlizadə Mərkəzi Gömrük hospitalına köçürülüb
09:48 17 Sentyabr 2021
Müəllifi bu mahnıya niyə sahib çıxa bilmir? – Plagiatın qurbanı olan “Bayatılar”ımız
09:00 17 Sentyabr 2021
Ölümünə aktyor, ölümünə inqilabçı... - Bir dahi portreti
21:00 16 Sentyabr 2021