news-inner
clock17:41 calendar-gray 05 Sentyabr 2016 view-gray356 dəfə oxunub
view-gray356 dəfə oxunub

Ağamusa müəllimi xatırlayarkən

Müasir Azərbaycan elminin parlaq simalarından, nadir zəka və istedad sahiblərindən biri olan akademik Ağamusa Axundo­vun dünyasını dəyişməsindən bir il ötür. AMEA-nın həqiqi üzvü, dövlət mukafatı laureatı, əməkdar elm xadimi, "Şohrət" ordenli Ağamusa Axundov cismən aramızda olmasa da, bu böyük alimin və gözəl insanın işıqlı xatirəsi onu tanıyanların qəlbində yaşayır və yaşayacaqdır...

Ağamusa Axundovun adını, səs sorağını, şan-şöhrətini hələ universitetdə oxuduğum illərdə (1963-1967) eşitmişdim. O vaxtlar qəzetlər Ağamusa müəllimin 32 yaşında doktorluq dissertasiyasını böyük uğurla müdafiə etməsndən, universitetin ən cavan professorlarından biri olmasından, Misir Ərəb Respublikasının ən nüfuzlu ali təhsil ocaqlarından birində ingilis dilində mühazirələr oxumasından böyük iftixarla yazırdılar...

Ağamusa müəllimlə şəxsən tanışlığım isə Azərbaycan Milli Elmlər Akademiyasında olub. indiki M.Füzuli adına Əlyazmalar İnstitutunda işlədiyim illərdə Ağamusa müəllim də universitetdə çalışmaqla bərabər, eyni zamanda AMEA-nın Nəsimi adına Dilçilik İnstitutuna rəhbərlik etmişdir. Eyni bir elmi qurumda işləməyimiz, təbii ki, tez-tez görüşməyimizə, yaxından ünsiyyət qurmağımıza gətirib çıxardı. Ağamusa müəllim (2001-2007) illərdə həm də AMEA-nın humanitar və ictimai elmlər bölməsinə rəhbərlik etmişdir ki, bu amil də aramızda olan tanışlıq və ünsiyyət bağlarını daha da möhkəmləndirdi.

Məsələ burasındadır ki, məhz həmin llərdə mənim bir neçə monoqrafiyam ("Orta əsrlərdə Azərbaycanda tərcümə sənəti", “Füzulinin “Həqiqətüs-süəda”əsəri, “Şirazinin “Gülşəni-raz” tərcüməsi” və s) işıq üzü gördü və onlardan bir nüsxəni Ağamusa müəllimə təqdim etdim.Hər kitabıma diqqətlə baxan Agamusa müəllim onlar haqqında öz fikirlərini bildirir, tövsiyələrini verirdi. Elə həmin vaxtlarda Ağamusa müəllim mənə AMEA-ya seckilərdə iştirak etməyimi də məsləhət gördü.

2014-cü ildə ASMEA-ya seçkilər ərəfəsində AMEA-da müşavir vəzifəsində çalışan Ağamusa müəllimə biblioqra­fiyamı təqdim edərkən o gülümsəyərək dedi:

- Möhsün, buna ehtiyac yoxdur.Mən sənin elmi yaradıcılığına yaxşı bələdəm və məmnuniyyətlə sənə səs verəcəyəm...

Quraşdırılmış təsvir 1

Ağamusa müəllimlə sonuncu dəfətelefon vasitəsilə danışığımız olub. 2015-ci ilin iyul ayının sonlarında Nəsimi adına Dilçilik İnstitutunun direktoru vəzifəsinin icrasına təzəcə başlarkən mənə zəng etmişdi.- Möhsün, səni təbrik edirrəm, sən bu işi bacaracaqsan, - dedi... Həmin vaxt səsində açıq-aşkar titrəyiş və ağırlıq duyulurdu Ağamusa müəllimin...

Təxminən bir ay sonra isə Ağamusa müəllimin vəfat etməsini eçidib çoxları kimi üzüldüm.

Ağamusa Axundov özündən sonra zəngin elmi irs qoymuşdur. Onnlar içərisində “Azərbaycan dilinin fonetikası” kitabı xüsusi yer tutur. Bu bir danılmaz həqiqətdir ki, Azərbaycan dilinin fonetikası dedikdə ilk növbədə Ağamusa müəllimin adı çəkilir.

Ağamusa müəllim bilik dairəsinin genişliyi, elmi diapazonun əhatəliyi ilə seçilən nadir elm adamlarımızdan biri idi. Alimin “Dil və ədəbiyyat məsələləri” adlı iki cildlik əsəri bunun əyani sübutudur. Bu sanballı kitabında adından da göründüyü kimi Ağamusa müəllimin dilçiliklə yanaşı, ədəbiyyatşünaslığa dair li fikirləri də öz əksini tapmışdır.

Ağamusa müəllim böyük elm təşkilatçısı idi. İnsanlara qayğı ilə yanaşır, özünü sevdirə bilirdi.onun bənzərsiz səsi,cəlbedici diksiyası hələ də çoxlarının qulağında cingildəyir.

Bu dünyanın faniliyi, əməllərin isə əbədiliyi məlum bir həqiqətdir. Böyük alim, gözəl insan Ağamusa Axundov bu fani dünyada mənalı ömür yaşadı, xeyirxah və nəcib əməllərini, zəngin elmi irsini xalqına, millətinə, bizlərə miras olaraq qoyub getdi. Düşünürəm ki, Ağamusa müəllim cismən bizdən uzaq olsa da, ruhən yaşayır. Doğmalarının, yaxınlarının, onu tanıyan bütün insanların qəlbində yaşayır. Yaşayır və hələ çox yaşayacaq.

Möhsün Nağısoylu,

AMEA, Nəsimi aadına Dilçilik İnstitutunun direktoru, AMEA-nın müxbir üzvü

news-inner-user

20028 məqalə

Oxşar xəbərlər

Xəbər lenti

Azərbaycanlı bəstəkar vəfat etdi
20:48 26 Sentyabr 2021
Anım gününə yeni mahnı hazırlanıb – Video
14:44 26 Sentyabr 2021
Vurğun Əyyubun son anları
12:46 26 Sentyabr 2021
Alman casusu, inqilabdan yan keçən fırıldaqçı və homoseksual – Lenin haqqında qan donduran faktlar
11:00 26 Sentyabr 2021
Vərəmə yoluxdu, amerikalı ilə evləndi, Hollivudda güllələndi - Azərbaycanlı müğənninin faciəsi
16:36 25 Sentyabr 2021
İngilis müğənni "Gəl, ey səhər"i oxudu - Video
15:17 25 Sentyabr 2021
Oğlundan imtina edən, işə pijamada gedən, iki dəfə dəfn olunan azərbaycanlı alim
13:59 25 Sentyabr 2021
Yazıçı "Qanun" nəşriyyatını qanunsuzluqda ittiham etdi: "Bu hadisə Şahbaz Xuduoğlunun adına ləkə salır"
13:12 25 Sentyabr 2021
“Traviata” operası nümayiş olundu
12:09 25 Sentyabr 2021
Azərbaycan beynəlxalq kitab yarmarkasında iştirak edir
10:55 25 Sentyabr 2021
Sevginin intihara apardığı qadın
09:00 25 Sentyabr 2021
“Yusif Vəzir Çəmənzəminli və Şumer qaynaqları” kitabı çapdan çıxıb
18:07 24 Sentyabr 2021
Teatr və kinoteatrlar açılır - Qərar
17:53 24 Sentyabr 2021
Yağış düşdü sahildəki daşlara - Musa Yaqubdan seçmə şeirlər
17:30 24 Sentyabr 2021
Fərid Hüseynin yeni kitabı çap olundu
16:49 24 Sentyabr 2021
“Səs Azərbaycan” başlayır: Münsiflər kim olacaq? - Foto
16:05 24 Sentyabr 2021
Akademikin yeni kitabı təqdim olundu
15:20 24 Sentyabr 2021
Dükanlara borclu qalan Xalq artistimiz: O, yerişini də itirmək üzrədir...
14:30 24 Sentyabr 2021
Yazıçımızın kitabı Sankt-Peterburqda çıxdı
13:45 24 Sentyabr 2021
Qızları güldürməkçün sənin kimi xaç çəkərdik - Azərbaycanlı şair Roma Papasına şeir yazdı
13:01 24 Sentyabr 2021