writer1

Səhər Əhməd

Məqalə sayı

197
clock09:00 calendar-gray 23 Avqust 2016 view-gray430 dəfə oxunub
view-gray430 dəfə oxunub

Ərindən bezib Türkiyəyə qaçan azərbaycanlı qadın

Kulis.az Səhər Əhmədin “Tərk edilmiş ər və yaxud quyudan çıxan qurbağa” yazısını təqdim edir.

Çox sevdiyim ibrətamiz bir hekayət var. İki qurbağa dərin bir quyuya düşür və başlayır quyudan çıxmaq üçün çaba göstərməyə. Başqa qurbağalar quyunun başına yığışıb qışqırırlar: "Boş yerə əziyyət çəkməyin, quyu çox dərindir, çıxa bilməyəcəksiniz". Qurbağalardan biri bir azdan mübarizəni dayandırır, o biri isə dayanmadan cəhd göstərir və... quyudan çıxır. Çünki o qurbağa... idi!

Nöqtələrin yerinə müxtəlif sözlər yazmaq olar. "Çünki o qurbağa əzmli idi, iradəli idi, güclü idi" və daha nələr. Əslində isə o üç nöqtənin yerinə elə üç hərfli söz yazmaq lazımdı. "Çünki o qurbağa Kar idi"...

...Uzaq bir dağ kəndində tanıdığım ailə vardı. Ər zalımlığı, qadın da məzlumluğu ilə ad çıxarmışdı. Cavanlıqda pəhləvanlıqla, sonralar reketliklə məşğul olmuş kişi indi də dini fanatizmə yuvarlanmışdı. Onun saqqallı üzündə fiziki gücün cahilliklə birləşib yaratdığı bədheybət bir ifadə vardı. Ər nə qədər bədheybət idisə, qadın o qədər sısqa, köməksiz və aciz idi.

Kənd əhli bu ailənin faciəsinə - əzazil ərin öz arvad-uşağına elədiyi zülmə çoxdan alışmışdı. Qadın tez-tez üz-gözü döyülməkdən şişmiş halda qohum-qonşuya şikayət edir, hərdən başını götürüb anasının evinə qaçır, amma hamı inadla ona öz evinə qayıtmağı məsləhət görürdü. Çünki camaatın fikrinə görə "Fəzlin xilası mümkün deyil"di, quyu çox dərindi, "qurbağa" quyudan çıxa bilməzdi.

Günlərin bir günü qadın yoxa çıxdı. Onu son dəfə qəbiristanlıqda görmüşdülər. O, başından yaylığı açıb atasının başdaşına bağlayıb qeyb olmuşdu.

Kənd əhli onun birmənalı olaraq ya intihar etdiyini, ya da əri tərəfindən öldürüldüyünü düşünürdü. Kişinin qapı-qapı gəzib arvadını öldürmədiyi haqda içdiyi andlara baxmayaraq, şübhələr azalmırdı. Uzun axtarışdan sonra qadının təğyiri-libas olub saçlarını kəsdirmiş halda Türkiyə sərhədini keçdiyi aydın oldu.

Camaat indi də təsəvvüründə qadın üçün faciəvi sonluq yazmağa başladı. Düşündülər ki, o hansısa mafiyanın, qadın alverçilərinin əlinə düşüb və bir də heç vaxt geri qayıtmayacaq. Amma bir azdan qadın zəng edib uşaqları ilə əlaqə yaratdı. İş tapıb işlədiyini, onlara pul yollayacağını bildirdi. Uşaqlar analarının qayıtmasını dönə-dönə xahiş edəndə dözməyib geri qayıtdı.

Ər qadınını bağışladı. Ona bir daha əl qaldırmayacağına and içdi. Amma az keçmədən hər şey yenə öz köhnə məcrasına qayıtdı. Qadın ikinci dəfə qaçdı. Bu dəfə Bakıya üz tutdu və uşaqlardan birini də özüylə aparmağa müvəffəq oldu.

Kənd camaatı yenə çaş-baş qaldı. Camaatın nəzərində rollar dəyişdi, kişiyə günahsız yerə tərk edilmiş ər, qadına isə xəyanətkar kimi baxmağa başladılar.

Onların fikrincə, təhsilsiz, köməksiz , gücsüz bir qadın bunu bacarmamalıydı, bu hadisənin məntiqi sonluğu mütləq faciə ilə bitməliydi: ya intihar, ya qətl, ya da qadın alverinə tuş olmaq. Səbəb isə odu ki, bizim camaat faciə janrını daha çox sevir. "Mutlu son"a - qurbağanın quyudan çıxmasına maraqlı deyil. Başqasının faciəsi bizim üçün ağrıkəsicidi, öz dərdimizi xəfiflətmək üçün təsəlli rolunu oynayır. Beşindən açağı olduğunu bilən kəs mütləq beşindən yuxarı olduğunu da bilməlidi.

Mövzunu çox çürütməyək. Mən hamıya cəmiyyətin diqtəsinə qarşı kar olmağı arzulayıram və bütün ümidsiz proqnozlara rəğmən, quyudan çıxa bilən cəmi canlıları alqışlayıram.

REKLAM

Yazarın digər yazıları

Xəbər lenti

"Qapalı olan həyatımın qapılarını indi açıram..." - Fəxrəddin Manafovla yubiley müsahibəsi
21:00 02 Avqust 2021
Milli Qəhrəman haqqında sənədli film çəkilib
18:50 02 Avqust 2021
Hafiz Təmirovun yeni kitabı çıxıb
18:08 02 Avqust 2021
Prodüserlər Gildiyasına sədr seçildi
17:20 02 Avqust 2021
Maestro Niyazinin xatirəsi yad olunub
16:55 02 Avqust 2021
Qazi-şair gündəliklərini məktəblilərlə birlikdə yazacaq – Yeni layihə
16:00 02 Avqust 2021
Lalə Azərtaşın telefon zəngi və yarımçıq səmimiyyəti
15:04 02 Avqust 2021
Təsadüfən dirijor oldu, kasıblıqdan vərəmə tutuldu, xanımını oğulluğu boğaraq öldürdü – Niyazidən 10 inanılmaz fakt
15:01 02 Avqust 2021
Kino cameəmizin 2 avqust yanlışı: Elit sənət illüziyası
14:16 02 Avqust 2021
Azərbaycanlı şair vəfat etdi
13:35 02 Avqust 2021
Kino xadimləri təltif edildi - Siyahı
12:58 02 Avqust 2021
İttifaqın katibi: “Ən böyük təhlükə “feyk” Azərbaycan kinosudur” – Müsahibə
12:30 02 Avqust 2021
Amaliya Pənahovanın barelyefinin açılışı olub - Fotolar
12:01 02 Avqust 2021
Kamal Abdullanın yeni romanı çap olunub
11:33 02 Avqust 2021
Kinostudiyanın direktoru: “Müjdə çox yaxındadır” – Müsahibə
10:51 02 Avqust 2021
Mərmi düşməyən pir, şükür edən icra başçısı - Tap Qaraqoyunluda söz bayramı - Fotolar
10:30 02 Avqust 2021
Bu gün Milli Kino Günü qeyd olunacaq
09:56 02 Avqust 2021
Rüstəm Behrudi: “Xalq şairi adını versələr, qəbul eləmərəm” – Müsahibə
09:00 02 Avqust 2021
Səhnəmizin gerçək primadonnası: Amma danışmasın!
13:12 01 Avqust 2021
Rüstəm Behrudi intihar edən qardaşı oğluna şeir ithaf etdi
11:30 01 Avqust 2021