news-inner
clock08:30 calendar-gray 19 İyul 2016 view-gray215 dəfə oxunub
view-gray215 dəfə oxunub

O gün yemək almağa pulumuz yox idi - O İLLƏRİN FOTOSU

LAYİHƏ:O illərin fotosu

Layihədə ədəbiyyat tariximizdə qalan şəkillər haqqında şahidlər danışacaq.

Rasim Qaraca: “O zaman AYO-çular BDU yaxınlığındakı “Muhabbet Lokantası”nda toplaşırdılar. Çay içmiş, uzun-uzadı söhbət etmiş, qarnımız acanda küçəyə çıxmışdıq, çünki, çox yaxşı yadımdadır, o gün heç birimizdə yemək alacaq qədər pul yox idi. Uşaqları mən yığdığıma görə həmin gün çox utanmışdım, gənclərdən kimsə yeməkdən söz açmışdı, ancaq çayın hesabını belə çətinliklə ödəmişdik. O şəkilin belə acı xatirəsi var məndə. İndi vəzifə sahibi olmuş dostlar bunu unutmasınlar gərək”.

Aqşin Yenisey: “Mən daha burdakı adamların heç biri ilə ortaq düşüncədə deyiləm, ona görə də adi günlərdən birini əks etdirən bir şəkil haqqında dastan açmaq fikrində deyiləm”.

Şərif Ağayar: “Demək, BDU-nun qarşısında, biz qalan binanın yaxınlığında “Məhəbbət” lokantası vardı. Tez-tez ora toplaşırdıq. Həmin gün yığışanda Tural mənə zəng vurdu ki, sən də gəl. Mən onda Şamaxıda qonaqlıqda idim, dedim, Şamaxıdayam, gələ bilməyəcəm. Elə oldu ki, qonaqlıqdan qəfil qalxıb balaca maşınla Bakıya gələsi olduq. Mən BDU-nun qarşısına çatanda uşaqlar çayxanadan durmuşdular. Küçədə rastlaşdıq və yanlarında əməlli-başlı yalançı çıxdım. Necə inandırasan ki, 40-50 dəqiqə əvvəl Şamaxıda çaxır içirdim”.

Murad Köhnəqala: “Mən AYO-da olan vaxtlar universitetlə üzbəüz yerləşən türkiyəlilərə məxsus “Məhəbbət” lokantası vardı. Adətən, axşam çağlarında həmin kafedə çay içib söhbətləşməyə yığışardıq. Türkiyəlilərin işlətdiyi kafelərdə, bir qayda olaraq, spirtli içkilər verilmir. İçən vaxtlarım idi, qış vaxtlarında şəkildəki çantamda kafeyə gizlicə gürcü çaçası gətirirdim, kafe işçilərindən xəlvət uşaqlara da “yüz-yüz” süzürdüm ki, canları qızışsın. Şəkildə olan AYO-çuların hamısı orada görüşürdü. Sözsüz ki, həmin kafeyə gələn, AYO işığına yığışan yaradıcı gənclərin bir xeylisi bu şəkildə yoxdu. Aradan çox az zaman keçsə də, təəssüflə deməliyəm ki, həmin günü dəqiqliyi ilə xatırlamıram. Şəkilin kimin tərəfindən çəkildiyini belə, yadıma sala bilmədim”.

Həmid Herisçi: “Şəkil də bədii əsər kimidir... Gərək mərkəzi nöqtəsi olsun... Şəkil çəkilərkən bu boşluğu hiss etdim... Bildim ki, bu mərkəzi tapmaq azdı. Gərək orda bir enerji fırtınası da yaradım. Əllərim köməyimə gəldi. Onları cütləyib tapançaya oxşatdım. Şəkil özünü tutdu bu an. Fotoqraf da bunu duydu. Əlini düyməyə basdı. Demək istəyirəm ki, bu cür ümumi şəkillərdə gərək mütləq mərkəzi nöqtəni yaradasan. O vaxt bunun öhdəsindən gəldim. Mərkəzdə dayanmaq həmişə çətindi...

Bircə sözüm var: “Dostlar bizi xatırlasın”. Xatirələri beynimdən silmişəm. Şəkildə demək istəmişəm ki, qızıl gülləni özüm hamınızın başına sıxacam”.

Mirmehdi Ağaoğlu: “Mən AYO-nun toplantılarında arada-sırada iştirak edirdim. Tural demiş, başım həmişə məişət işlərinə qarışırdı. Bəlkə də buna görədir, çox adam elə bilir ki, “ayoçu” deyiləm. Amma mən həmişə “ayoçu” olmuşam, açığını deyim, bununla fəxr etmişəm. Bu foto çəkilən ərəfədə deyəsən rayonda bankda işləyirdim. Həftəsonu Bakıya gəlmişdim. Turaldan öyrəndim ki, “ayoçu”lar toplanacaq. Mən də gəldim. Həmişəki kimi “Məhəbbət” lokantasında oturmuşduq. Deyəsən, o görüşdə Həmid Herisçi ilə Aqşin Rusiyadan gəlmiş jurnalistlərə müsahibə də verdilər. Görüşdən sonra da həmişəki kimi Rasim abinin təşəbbüsü ilə bu şəkil çəkildi”.

news-inner-user

19490 məqalə

Oxşar xəbərlər

Xəbər lenti

İttifaqın katibi: “Ən böyük təhlükə “feyk” Azərbaycan kinosudur” – Müsahibə
12:30 02 Avqust 2021
Amaliya Pənahovanın barelyefinin açılışı olub - Fotolar
12:01 02 Avqust 2021
Kamal Abdullanın yeni romanı çap olunub
11:33 02 Avqust 2021
Kinostudiyanın direktoru: “Müjdə çox yaxındadır” – Müsahibə
10:51 02 Avqust 2021
Mərmi düşməyən pir, şükür edən İcra başçısı - Tap Qaraqoyunluda söz bayramı - Fotolar
10:30 02 Avqust 2021
Bu gün Milli Kino Günü qeyd olunacaq
09:56 02 Avqust 2021
Rüstəm Behrudi: “Xalq şairi adını versələr, qəbul eləmərəm” – Müsahibə
09:00 02 Avqust 2021
Səhnəmizin gerçək primadonnası: Amma danışmasın!
13:12 01 Avqust 2021
Rüstəm Behrudi intihar edən qardaşı oğluna şeir ithaf etdi
11:30 01 Avqust 2021
Biz tərəflər – Şərif Ağayardan hekayə
16:30 31 İyul 2021
"Memati" yeni serialda rol alacaq
15:00 31 İyul 2021
Aydın Xırdalanlı ölüm anında hansı videoya baxıb – Maraqlı Faktlar
13:30 31 İyul 2021
ADU-da Pakistan Mədəniyyət Mərkəzinin açılışı olub
12:52 31 İyul 2021
Flora Kərimova "Şərəf" ordeni ilə təltif olundu
11:48 31 İyul 2021
Ayaz Salayev: "O Ittifaqın başında bizə yaraşmayan insan dayanıb" - Müsahibə
11:33 31 İyul 2021
Tünzalə Ağayeva Türkiyəyə yardım göndərdi
10:26 31 İyul 2021
Ən başıbəlalı mahnımız: Onu Fatimeyi-Zəhraya, Şah İsmayıla və Cəfər Cabbarlıya nə bağlayır?
09:02 31 İyul 2021
Facebookda tənha insanları necə tanımaq olar?
21:00 30 İyul 2021
Ssenaristlər üçün Yay Məktəbi təşkil olunur
19:00 30 İyul 2021
Şəhidlərə həsr olunmuş kitab işıq üzü görüb
18:05 30 İyul 2021