“Sülh üçün yataqda”

Kino

Ana səhifə
Kino

“Sülh üçün yataqda”

16 avqust 2011

11:49

“Bitlz”ın ulduzu Con Lennonun həyat yoldaşı Yoko Ono 1969-cu ildə etdikləri “Sülh üçün yataqda” (“Bed-In”) aksiyası barədə sənədli film təqdim edib.

Yoko Ono 70 dəqiqəlik bu filmi “gənc fəallara cəsarət vermək və ruhlandırmaq” üçün təqdim etdiyini açıqlayıb.

Vyetnam müharibəsi dövründə Con Lennon və Yoko Ono iki həftə yataqdan çıxmayaraq müharibəyə etirazlarını “Sülh üçün Yataqda” aksiyası ilə bildiriblər.

Yoko Ono filmin təqdimatını bu qeydlə edib:

"Əziz dostlar,
1969-cu ildə Con və mən çox sadəlövh idik. “Bed-in”in dünyanı dəyişdirəcəyini düşünürdük.
Yaxşı ki biz etdiklərimizi lentə almışıq. Film indi də aktualdır.
Ola bilsin filmdə dediklərimiz, bu günün aktivistlərinə cəsarət versin, həvəsləndirsin. Hər kəsə uğurlar arzu edirəm.
“Müharibə bitdi” sözlərini unutmayaq. Sülh bizə bağlıdır. Əminəm ki, Con da bunları demək istəyərdi”.

78 yaşlı Ono filmi öz websaytına yerləşdirib. Filmi avqustun 21-ə qədər izləmək mümkündür.

Günel Əsgərzadə