writer1

Ayxan Ayvaz

Məqalə sayı

528
clock12:13 calendar-gray 27 May 2016 view-gray237 dəfə oxunub
view-gray237 dəfə oxunub

Mən də müəlliməmi sevirdim...

Bu yaxınlarda sosial şəbəkədə eninə-uzuna dartışılan müəllim-şagird söhbəti mənə bir əhvalatı xatırlatdı.

Əhvalatdan əvvəl istəyirəm, bu müəllimlə şagird haqqında ağızlarını gələnlərə bir-iki kəlmə deyim.

Heç nədən xəbərsiz adamlar başımıza namus keşikçisi çıxıb, hər ağızdan bir söz çıxır ki, belə də biabırçılıq olar.

Niyə, ay qardaş, ay bacı?

Bəlkə bu adamlar sənin evinə doluşublar?

Bir-birini sevirlər və bərabər yaşamağa qərar veriblər. Bu söhbəti cəmiyyət niyə sorğulamalıdır axı? Hər kəsin öz şəxsi həyatı var. Yoxsa cəmiyyətimiz üçün hamı bir nəfər üçündür, bir nəfər də hamı üçün? Bəlkə yığışıb bir ev tikək, hamımız da damın altında oturub bir-birimizin üzünə baxaq.

İki adamın arasına girib onlar haqqında olmazın şeylər danışmaq, qeybət qırmaq olmasa elə bil dünya dağılar. Bütün bunlar ona görədir ki, bizim cəmiyyətdə adamlar öz həyatlarını yaşamırlar. Onlar qohum-əqrəbaya, dost-tanışa görə yaşayırlar. Öz həyatı olmayan, daha doğrusu öz həyatı olmağa can atmayan adamlar başqalarının həyatına burnunu soxur, başlayır onları çək-çevir eləməyə, eninə-uzuna müzakirə etməyə, əxlaq dərsi keçməyə. Əhməd bəy Ağaoğlu necə deyib? Əxlaq deyəndə qurşaqdan aşağını nəzərdə tuturuq, halbuki qurşaqdan yuxarı qəlb və ruh var. İndi bu ingilis dili müəllimi ilə həmin bu cavan oğlanın qəlblərinin qovuşmağı, bir-birinə olan məhəbbəti bizi niyə narahat etməlidir ki?

Hə, gələk əhvalata.

Tələbə vaxtı mənim sevdiyim bir ingilis dili müəlliməsi vardı. Uzun, sarışın, gözəl-göyçək bir müəllimə. Mənim kimi dəcəl, ipə-sapa yatmayan adam onun dərsində quzu balasına dönürdüm, qabaq partaların birində əyləşib müəllimənin dediklərinə mahnı kimi qulaq asırdım. Sevmək də mahnıya bənzəyir, sözləri yadından çıxsa da, musiqisi həmişə beynində fır-fır dolanır. Artıq qrup yoldaşlarım duyuq düşmüşdü, hərdən onun dərsində mənə söz atırdılar. Deyirdilər, get sevgini etiraf elə.

Bir dəfə yenə ingilis dili dərsi idi. Müəllimə bir az gecikmişdi. İçəri girən kimi çantasını eşələməyə başladı. Düz mənim yanımda durmuşdu, ətrinin qoxusu üzümü yalayırdı. Bir yığınşəkil çıxarıb qabağıma tökdü. Key-key ona baxırdım.

- Bu mənim yoldaşımdı, iki ildir evliyik. Bu da oğlumdu.

Evdə, parkda, kafedə çəkilən şəkillər idi. Ailənin xoşbəxtliyi şəkillərdə görünürdü.

Bu hadisədən sonra o ingilis dili müəlliməsini xatırladım. Müəllimi sevmək yəqin ki, çox adamın başına gəlib. Siz də məktəb, universitet illərində sevdiyimiz müəllimələri yada salın. İndi durub müəllimi sevən və onunla evlənən bir oğlanı niyə qınayırıq ki? Axı bu çoxumuzun başına gələ bilərdi və bundan heç də məyus olmazdıq. Necə deyərlər, hamımız həyat dərsində parta arxasında oturmuşuq. Yazı taxtasına yazılan yazılarla taleyimiz bəzən eyni nöqtəyə gəlib çıxa bilər. Ona görə də bizə düşən ingilis dili müəllimi ilə o oğlanı təbrik etməkdir.

REKLAM

Yazarın digər yazıları

Xəbər lenti

Kamyunun arvadı bu ssenariyə etiraz etdi – “Yad” filmində baş verənlər
16:31 19 İyun 2021
Müğənni Sılanın kitabı çap olundu
15:41 19 İyun 2021
"Qırmızı papaq" onlayn nümayiş olunacaq
13:46 19 İyun 2021
Gəlinini iş yoldaşına qısqanan “Qoçu Əsgər” – Xalq artistindən maraqlı faktlar
12:29 19 İyun 2021
Fərəc Fərəcov haqqında monoqrafiya çap olunub
11:25 19 İyun 2021
Devid Quetta musiqilərini satdı
10:25 19 İyun 2021
Bu mahnı gənc alimi cəsarətləndirmək üçün yazılmışdı: Dünyanı gəzdi - İllərin mahnısı
09:01 19 İyun 2021
Adamları tanıdım – Nura Suri oğlunun qəza keçirməsindən yazdı
23:55 18 İyun 2021
Hamlet Xanızadənin xatirə gecəsi keçirildi
18:58 18 İyun 2021
Cahangir Cahangirovun 100 illiyi qeyd olunub
18:01 18 İyun 2021
Çiçək kimi ətirli, tər və sütül bədənlər! - Qadına sonetlər
17:20 18 İyun 2021
Müasir İncəsənət Muzeyində sərgi açılacaq
16:40 18 İyun 2021
Azərbaycanın ən naşı klassiki – Seymur Baycanı sərt tənqid etdilər
16:00 18 İyun 2021
Tikanlı sözlər adamı necə öldürür?
15:15 18 İyun 2021
Əkrəm Əylislinin vəziyyəti ağırlaşdı - Açıqlama
14:27 18 İyun 2021
Bakıda yeni sərgi açılır
14:09 18 İyun 2021
“Azərbaycanfilm” türk jurnalist Fulya Öztürk haqqında film çəkir - Fotolar
13:19 18 İyun 2021
İslamdan imtina etdi, çayda boğmaq istədilər, atası üzündən öpəndə ağzını yudu – Diriykən yası verilən dahi azərbaycanlı
12:36 18 İyun 2021
Kəramət Böyükçölün yeni romanı çıxdı - Foto
12:08 18 İyun 2021
Van Dammı bezdirən azərbaycanlı qohumları
11:34 18 İyun 2021