news-inner
clock17:02 calendar-gray 18 Aprel 2016 view-gray307 dəfə oxunub
view-gray307 dəfə oxunub

Özgə şkafında qurdalanmaq – Rüfətin yeni şeirləri

Kulis Rüfət Əhmədzadənin yeni şeirlərini təqdim edir.

Aysel üçün interqalaktikməktub

Cavablanmayan məktublarımın əzabını çəkirəm…
Sən bilərsən,
Məktublaşmayan cavabların əzabı yüngülmü?
Bəlkə ləzzəti var, onu mən hiss edə bilmədim…
Bəlkə, qüdrəti var, onu əldə edə bilmədim.

Necə oldu, görə bilmədim oyunun sonunu,
tanış mənzərə olsa da mənim üçün məğlubluq…
Qələbələr müxtəlif ola bilər…
Amma bütün məğlubiyyətlər eyni cür görünür…
Məsələn, dördgünlük müharibədə ümidlərini
dəfn edən 10 milyonluq xalq kimi
Mənim də itkilərim çox böyükmüş.

Oyundurmu, savaşdırmı,
Sevgi deyil…
Sadəcə, taleyə xox gəlmək üçün…
Cavablanmayan məktub
Məktublaşmayan cavabla gücünü sınayırmış.

Mənə danışma onun-bunun xoşbəxtliyindən…
Özgələrinin bədbəxtliyi də
nankorluğumdan saxlaya bilməz.
Qaytara bilməz heç nə itən 30 ilimi…
3 yaşına qədəm basan körpənin gələcəyi
Bəlkə saxlaya bilər…
Məsələn, bir məhbusu qandal saxlayan kimi.
Ya da ki, bir külfəti hambal saxlayan kimi…

Məndən soruşma – arzularımdan hansına çata bildim…
Puç olanlarını da çoxdan yadımdan çıxarmışam.
Hərdən pıçılda mənə o biri dünyadan:
Yolun sonunda hansı döngədən burulum sənə.

Bilirsənmi,
Bəzən insanlar son ümidlərini
Nifrətdə görər, əfv etmək istəməz.
Bilmirəmmi?
Ölülər çoxdandır şeir oxumur.
Səbəbin bilmədən yaşayan insan…
Belə şeyləri dərk etmək istəməz.

Aprel, 2016

Unutqanlıq

Sənin yoxluğunda nələr etmədim…

Allah bilir, necə keçdi bu illər.

Ən maraqlısı, mənim yoxluğumdur.

Bəzən bütün varlıqlar göz qabağından deyil,

Ayaqların arasından keçirlər.

Belə pis çıxmasın ey,

Sadəcə kiçilirlər….

Xatirələr unutqanlıq yaradır!

Sənin yoxluğundan nələr yazmadım…

Allah bilir, kimi üzdü şeirlər.

Ən maraqlısı, bir gün

Öz üzüntümün yoxa çıxmasıydı…

Bir səhər ayıldım ki,

məndən ancaq qəm-kədər gözləyirlər.

Pessimist çıxmasın ey,

Sadəcə sevinirlər…

Faciələr nikbinliyə calanır.

O səhərin səadəti sənin yoxluğundaydı,

Bunu anlamaq lazımdı, anladım.

Bu gecənin bədbəxtliyi sənin varlığındaymış.

Hey lazım olmadığın vaxtlarda xatırladım.

Məsələn, romantik görünmək üçün,

Nişanlımın qapısına əlimdə gül dəstəsiylə gedəndə…

Ya da xoşbəxtliyimi sübut eləmək üçün,

Həyat yoldaşıma ilk şeirimi həsr edəndə.

Özgələrin şkafında qurdalanmaq kimidir,

Sənin xatirələrlə

Evimə soxulmağın.

Sənin unutqanlığın,

Mənim unutqanlığım…

O, sənli şeirləri tərifləməyi də heç unutmur ki…

Unutsaydı, daha çox yox olardım.

Ürəyindən keçənləri desəydi,

daha çox uzaqlaşardım mən ondan…

Bəzən ağ yalan bizi həqiqətə qaytarır.

Sənə nə var,

Tanımazlar, bilməzlər…

Mənə nə var,

Evdə heç nə deməzlər,

Desələr də özümü eşitməzliyə qoyub keçəcəyəm.

Sırtılmışlıqdan deyil…

Sadəcə bilirəm ki,

Özünü tanımaq nadanlıq deyil.

Qapanmalar bəzən daha çox açır həyatın qapısını!

Düyün

Lax çıxmısan taleyin bütün sınaqlarından,

İndi verdiyin dərslərin

hamısından “iki”n var.

Xatirədən danışma, acizliyin görünər…

Xəyallarından söz aç,

barı buna gücün var?

Gücün varmı geridə yanan bir liman qoyub

Sadəcə arzuların qoynuna atılmağa?

Unutmusan bir sözə yanına gələnləri…

Bəs bir söz dinləmədən gedəni unutmağa?

Məsələn, bir xatirə yaman incidir səni…

Deməyə də utanır adam, nə gülməlidir…

Sadəcə yola salıb uğurlaya bilərdi,

“Daha ayrılaq” deyib oğurlamağı seçdi.

Rahatlığını aldı, yollarını doladı…

Hara getdinsə onun saçlarına ilişdin.

Bütün yollar necə də calanıb bir-birinə,

Bütün illər necə də oxşayır bircə günə…

O bir sözü yüz dəfə deyə bilərdin, amma,

Yol o yoldur, o mənzil həminki deyil axı…

O mənzildə gözləyən yoxdu səni, bilirsən…

Hələ dilənçi kimi qapısını döyürsən.

İçəridən səs gəlir, həmin o şən qəhqəhə…

Amma sənin səsinə səs verən olmayacaq.

Nə itin azıb axı, sənin bu xarabada?

Yarı yolda yorulub yıxılsaydın, a kişi!…

Yoxsa ki…

Yoxsa ki, özgəsinin xoşbəxtliyini hər gün

Bir açar deşiyindən izləməkdi xatirə?

Bəlkə də, “özgəsiylə bədbəxtliyini görüm”

Arzusunu yaşadıb bəsləməkdi xatirə!

Lax çıxmısan taleyin bütün sınaqlarından…

Yazdığın şeirlərin hamısında düyün var.

Oxşar xəbərlər

Xəbər lenti

Fotoqraflar arasında müsabiqə elan olundu
13:02 21 Sentyabr 2021
Qardaşının ölümünü ondan gizlədilər, həkimlər övlad qadağası qoydu, “Ağlama, Zaur” şeirini yazdı - Anar Təhminəni onun həyatından götürmüşdü?
12:10 21 Sentyabr 2021
Şəhid anasının əli ilə veriliş bağlayan Tolik
11:33 21 Sentyabr 2021
Səməd Vurğuna görə ianə toplanır – Foto
11:01 21 Sentyabr 2021
Laçında teatr açmaq istəyən aktyor – Müzakirə
10:33 21 Sentyabr 2021
Çingiz Abdullayev Vətən müharibəsindən hekayə yazdı – Mətn
10:05 21 Sentyabr 2021
Məşhur müğənni əməliyyat olundu
09:31 21 Sentyabr 2021
Toy gecəsi mahnıya görə döyülən gəlin – Yeni hekayə
09:01 21 Sentyabr 2021
Vyetnam prezidenti ilə dostluq edən, 4 qardaşını vaxtsız itirən, Türkan Şorayı filmə çəkən Xalq artistimiz - Maraqlı faktlar
21:00 20 Sentyabr 2021
Qarabağda 15 tarix-memarlıq abidəsi pasportlaşdırılıb
18:59 20 Sentyabr 2021
Pikassonun əsərləri Fransa hökumətinə bağışlanacaq
18:31 20 Sentyabr 2021
Britaniya filmi beynəlxalq müsabiqədinin qalibi oldu
18:00 20 Sentyabr 2021
Uşaqları sevməyimizin sirri - Sahib Altay yazır...
17:16 20 Sentyabr 2021
Məmməd Əmin Rəsulzadənin nəvəsinin ölüm anı lentə alınıbmış - İlk dəfə - Video
16:38 20 Sentyabr 2021
Soyuq burnunla toxunursan üzümə - Rasim Qaracadan şeirlər
16:17 20 Sentyabr 2021
Səyyad Əlizadədən xəbər var
15:30 20 Sentyabr 2021
Ölkəmiz Tallində keçirilən festivalda təmsil olunub -Fotolar
15:20 20 Sentyabr 2021
Ramiz, Əkrəm, Seymur... – Oxucular kimi görmək istəyir? - Sorğu
14:41 20 Sentyabr 2021
"Emmy" mükafatının qalibləri bəlli olub - Siyahı
13:49 20 Sentyabr 2021
Tanınmış şairin Cıdır düzündə yazdığı şeir – Mətn
13:25 20 Sentyabr 2021