news-inner
clock15:25 calendar-gray 15 Aprel 2016 view-gray353 dəfə oxunub
view-gray353 dəfə oxunub

Can Yücel heyranı o qadına nə təklif etdi? - Hazırcavab türk şairləri

Bir gün Necip Fazıl bir universitetin konferansında iştirak edirmiş. Həmişə olduğu kimi din və Allah anlayışları haqqında danışırmış. Çıxışını bitirəndən sonra onunla əks fikirdə olan bir professor şairdən "Siz əvvəllər çıxıb fərqli şeylər danışardınız, indi isə o sözlərinizlə ziddiyyət təşkil eləyən şeylər danışırsız. Əvvəl yazdığınız şeirlər hələ də əzbərimdədi. Bu nə deməkdi belə?" - deyə soruşur.

Necip Fazılın cavabı gecikmir: "Mənim keçmişim bir zibillikdi və o zibilləri yalnız köpəklər eşələyir".

***

Necip Fazılın da içində olduğu bir təyyarə Yeşilköy hava limanından havalanandan bir qədər sonra texniki problemlə üzləşir və yerə enməli olur. Hava limanındakılar maraqla soruşurlar:

"Şair, nə baş verdi, necə oldu?"

Şair:

"Axirətə qəbul etmədilər, geri qayıtdıq" - deyə cavab verir.

***

Məhkəmədə hakim Necip Fazıla:

- Mənə bax, bundan sonra səni bir daha hüzurumda görməyəcəm, elə deyilmi?

Şair soruşur:

- Xeyir ola, hakim bəy, istefa edirsiz?

***

Yahya Kemal dostlarından birinə rast gəlir:

- Bugünkü axşam yeməyini mənimlə yeyərsən?

- Əlbəttə, çox şad olaram. Heç bir işim yoxdu.

Şair gülümsəyərək cavab verir:

- Əla, o zaman bu gün sizə gəlirəm.

***

Yahya Kemaldan "Ankaranın ən çox hansı yanını sevirsiniz?" - deyə soruşurlar.

- İstanbula qayıdışını.

***

Yahya Kemal kök olduğu üçün bir yoxuşun sonundakı dükanın qabağında dayanıb dincələrkən satıcı:

- Buyurun, bəy, nə almaq istəyrsiz?

- Yahya Kemal təbəssüm edərək:

- Övladım, icazə versən, bir nəfəs alacam.

***

Tanışlarından biri yazdığı romanın nüsxəsini Neyzen Tevfikə göstərərək onun fikrini öyrənmək istəyir. Şairin bəyənmədiyini hiss eləyən tanışı:

- Axı siz özünüz heç roman yazmamısız.

Şair bu cavab verir:

- Mən yumurtanın təzəsini, boyatını yaxşı bilirəm. Amma bu günə kimi yumurtlamamışam.

***

"O ədəbsizə niyə bir şillə vurmadın?" - deyə soruşurlar Cenap Şehabettindən.

"Əlcəyim yoxuydu, iyrəndim" - deyir.

***

Bir söhbət əsnasında şair Arif Nihat Asyaya deyirlər:

- Əyilən, bükülən, qatlanan, hər formaya asanlıqla girə bilən şüşə icad eləyiblər.

Şairin cavabı:

- Ta deyin ən axırda şüşəni də özümüzə oxşatdıq.

***

Can Yücel bir sərgidə gəzişərkən gözəl bir xanım ona yaxınlaşır:

- Can bəy, tanışlığımıza necə şad oldumsa, ifadə eləyə bilmirəm. Sizin ən sadiq oxucunuzam.

Vurğunam sizə.

Can Yücel gülümsəyir:

- Demək belə, onda gəlin yataq.

Qadın küskün bir ifadəylə:

- Aşk olsun (o nə sözdü anlamında – E.B), Can bəy!

Şair qətiyyətlə:

- Aşk da (eşq də) olacaq əlbət!

Oxşar xəbərlər

Xəbər lenti

Azərbaycan beynəlxalq musiqi festivalında təmsil olunacaq
18:41 22 Oktyabr 2020
Məşhur muzeylərin eksponatlarını dağıtdılar
18:04 22 Oktyabr 2020
Kuklada uşaqlar üçün tamaşa
17:23 22 Oktyabr 2020
Arvadına kölə kimi baxan varlı ər – Hekayə
16:44 22 Oktyabr 2020
Britaniyalı rəssamın əsəri 9.8 milyon dollara satıldı
16:01 22 Oktyabr 2020
Ərtoğrul məktubunda Üzeyir bəydən nə xahiş etmişdi? - Hüseyn Cavidin 24 yaşında ölən yeganə oğlu
15:22 22 Oktyabr 2020
İti qovmasan, özünü qurd zənn ediər – Təzə atalar sözləri
14:38 22 Oktyabr 2020
Zəngilanlı müğənni: "Torpağını üzümə sürtəcəm"
13:56 22 Oktyabr 2020
Hamımız vətənə oxşayırıq - Xanım İsmayılqızından qələbə şeirləri
13:18 22 Oktyabr 2020
Kəndi azad edilən şairə: “Xəbəri eşidəndə nitqim tutuldu” – Müsahibə
12:30 22 Oktyabr 2020
Qremmi mükafatının təqdimat tarixi bəlli oldu
11:56 22 Oktyabr 2020
Əlif Şəfəqi utandıran foto
11:16 22 Oktyabr 2020
Füzulidə yallı gedən ruhlar - Günel Mehri yazır...
10:36 22 Oktyabr 2020
Azərbaycanlı rejissora ağır itki
10:07 22 Oktyabr 2020
Qarabağa səyahət edən gürcü yazar erməniləri necə ifşa etdi?
09:00 22 Oktyabr 2020
Azərbaycanda yeni müsabiqə elan olundu - Şərtlər
18:36 21 Oktyabr 2020
Atamın Zəngilandakı məzarını tapa biləcəyəmmi? - Gülşən yazır...
18:15 21 Oktyabr 2020
Tamaşaçılar şarın içinə girdi - Qeyri-adi konsert
17:57 21 Oktyabr 2020
O gün uzaqda deyil - Gənc yazarın əsgərə məktubu
17:12 21 Oktyabr 2020
Torpağın dadı - Aydın Talıbzadə yazır...
16:30 21 Oktyabr 2020