news-inner
clock09:47 calendar-gray 28 Mart 2016 view-gray239 dəfə oxunub
view-gray239 dəfə oxunub

Yeni teatrın ilk tamaşası nə olacaq? – Vidadi Həsənov yazır

Keçmişi oxumaq gələcəyi öyrənmək üçündür.

Azərbaycan atalar sözü

Həzarat! Heç bilirsinizmi ki, o kişi, yani və yəni, Üzeyir bəy Hacıbəyli o zaman necə yazardı? Nələr danışardı? Bəs biz?!. Bəs biz indi necə yazırıq? Nələrdən və necə danışırıq? İndi deyim.

O kişi yazanda da, danışanda da heç vaxt bir şeyi yaddan çıxartmayıb. Onu hər şeydən əfzəl bilib, hər şeydən öndə tutub. O şey nədir? O şey – millətdir. Necə yəni millət? Nə millət? İndi deyim.

Bu millət cəfakeşinin bir kitabı var: “Ordan – burdan”. Bu kitab ümumən müsəlmanlardan, yani və yəni, milləti-islamdan, qısa kəsim, təmamən bizlərdən, bizim içimizdən və çölümüzdən bəhs edir. Halon ki, bizlər haqqındadır, gərəkdir ki, biz də onu oxuyaq. Biz də günlərin bir gözəl günü onu oxuduq və qərar qoyduq ki, o kitabdakı bəzi mətləblərdən bir tamaşa düzək - qoşaq. Və başladıq. Axırı noldu? Axırı belə oldu. İndi deyim.

Həzarat! Bəlli bir şey ki, bu zaman deyilən şeyin üzü olmur, bilmərrə. Onun üzü, əlbəttə ki, “bu gün” dediyimiz haman bu gerçəklikdir. Sizi bilmirəm, amma məncə, bu “gerçəklik” deyilən şey nədirsə, heç onun da üzü yoxdur. O, yani və yəni, bu gerçəklik əslində bir niqabdır. Bu “zaman” filan – filanın niqabıdır. Bütün məğzi - mətləblər də, bütün əsli – həqiqətlər də bax bu niqabın arxasındadır – gizlindədir. Bir çin atalar sözü var: “İndi kim olduğunu bilmək istəyirsənsə, keçmişdə nə etdiyini öyrən, gələcəkdə nə edəcəyini bilmək istəyirsənsə, onda indi kim olduğunu öyrən”.

İndi isə gəlim mətləb üstünə. Bir ay bundan əqdəm MEDİA COMPANY – nin nəznində M.TEATR PRODUCTİON adlı teatrın əsasını qoyduq. Gənc və istedadlı sənətçiləri ətrafımıza topladıq. Səhər-axşam bilmədən, istirahət və bayram günləri belə dincəlmədən çalışdıq. Nəhayət, Ü. Hacıbəylinin “Ordan-burdan” kitabı əsasında bir bölümlü mükalimə - tamaşa ərsəyə gətirdik. Bu tamaşada iştirak edən beş sənətçi, sanki beş zaman səyyahı kimi bizi keçən əsrin əvvəllərinə, o illərin gizlinlərinə səyahətə aparırlar. Amma, bu səyahət “bu gündən” keçmişə deyil, əslində “keçmişdən” bu günə səyahətdir. Bəs görəsən, ordan – keçmiş adlı uzaq bir “məmləkətdən” baxanda yaşadığımız bu gerçəklik necə görünür? Bəs qarasınca güdükçü düşdüyümüz o “gələcək” adlı xəyali “diyara” nə ilə və nə üzlə gedirik? Bilmirsiz? Doğrudan, bilmirsiz? Düzünü deyim ki, heç mən də bilmirəm. Amma, mən bir şeyi dəqiq bilirəm. O şey nədi? İndi deyim.

Həzarat! Əgər 29 MART 19:00-da R.Behbudov adına Mahnı Teatrında baş tutacaq M.TEATR PRODUCTİON – nun təqdimatına və ilk tamaşasına gəlsəniz, onda yəqin bilin ki, sizi düşündürən və narahat edən bir çox sualların cavabını tapa bilərsiniz. Tamaşaya biletləri nağd və ya hesaba köçürmə yolu ilə və ya, (+994 51)-797-43-76 nömrəsinə zəng vuraraq əldə edə bilərsiniz.

Həzarat! Bu yazı - pozunu məhşur alman dramaturqu və rejissoru B.Brextin sözləri ilə tamamə yetirirəm: “İncəsənətin bütün növləri sənətlərin ən böyüyünə - insanların həyatda yaşaya bilmək sənətinə xidmət edir”.

M.TEATR PRODUCTİON-nın bədii rəhbəri: əməkdar artistVİDADİ HƏSƏNOV

news-inner-user

19069 məqalə

Oxşar xəbərlər

Xəbər lenti

Adamları tanıdım – Nura Suri oğlunun qəza keçirməsindən yazdı
23:55 18 İyun 2021
Hamlet Xanızadənin xatirə gecəsi keçirildi
18:58 18 İyun 2021
Cahangir Cahangirovun 100 illiyi qeyd olunub
18:01 18 İyun 2021
Çiçək kimi ətirli, tər və sütül bədənlər! - Qadına sonetlər
17:20 18 İyun 2021
Müasir İncəsənət Muzeyində sərgi açılacaq
16:40 18 İyun 2021
Azərbaycanın ən naşı klassiki – Seymur Baycanı sərt tənqid etdilər
16:00 18 İyun 2021
Tikanlı sözlər adamı necə öldürür?
15:15 18 İyun 2021
Əkrəm Əylislinin vəziyyəti ağırlaşdı - Açıqlama
14:27 18 İyun 2021
Bakıda yeni sərgi açılır
14:09 18 İyun 2021
“Azərbaycanfilm” türk jurnalist Fulya Öztürk haqqında film çəkir - Fotolar
13:19 18 İyun 2021
İslamdan imtina etdi, çayda boğmaq istədilər, atası üzündən öpəndə ağzını yudu – Diriykən yası verilən dahi azərbaycanlı
12:36 18 İyun 2021
Kəramət Böyükçölün yeni romanı çıxdı - Foto
12:08 18 İyun 2021
Van Dammı bezdirən azərbaycanlı qohumları
11:34 18 İyun 2021
Nobel mükafatçısı intim konsert verəcək – İlk dəfə
11:09 18 İyun 2021
Seymur Baycandan yeni kitab
10:42 18 İyun 2021
Nura Surinin oğlu qəzaya düşdü - Foto
10:09 18 İyun 2021
Rəşad Məcidin “Qələmsiz yazılanlar”ı rusca çap olundu
09:42 18 İyun 2021
O gündən Bəşər dayı qızını evə qıfılladı – Bircə yazır...
09:00 18 İyun 2021
Nazirlik ədəbiyyat müsabiqəsinin qaliblərini mükafatlandırdı
01:24 18 İyun 2021
Qadınlar sevmək üçündür, başa düşmək üçün yox - Sevgi haqqında qəribə aforizmlər
21:02 17 İyun 2021