news-inner
clock09:00 calendar-gray 22 Fevral 2016 view-gray168 dəfə oxunub
view-gray168 dəfə oxunub

Uşaqların sevimlisi olan türk aktrisanın müəmmalı ölümü

O, bir zamanlar uşaqların sevimli seriallarının qəhrəmanlarından birinə çevrilmişdi. Qatıldığı rəqs yarışmasından sonra isə, məşhurluğu daha da artmışdı. Qara dərili türk aktrisanın elə taleyi də qara oldu. Gənc olmasına baxmayaraq, bir gün yayılan ölüm xəbəri, tək sevənlərini yox, hamını həm təəccübləndirdi, həm kədərləndirdi.

Qara dərili, xarici soyad, yerində dayana bilməyən, çılğın, şən, uşaq kimi qadın...

Dəfnə Coy Foster 1979-cu il may ayının 2-də Türkiyənin Adana şəhərinin İncirlik bölgəsində dünyaya gəldiyi deyilsə də, bəzi mənbələr onun əslində 2 sentyabr 1975-ci ildə doğulduğunu göstərir. Atası amerikan, anası türk olan aktrisa İzmirdə Alsancak məktəbində orta təhsilini başa vurub.

Xədicə Naymanla Stiv Fosterin yolları 70-ci illərin ortalarında İzmirdə birləşib. Xədicə Foster deyir: “Dəfnə sevgidən yaranan uşaq idi. Atasıyla İzmirdə bir Milad bayramında tanış olduq. Çox yaraşıqlı idi. NATO-da zabit idi. Dəfnə də Adana İncirlik Hava bazasında doğuldu”.

Dəfnə ailənin tək övladı idi. Amma illər sonra, 2008-ci ildə onun Sirən Ertan adlı ögey qardaşının olduğu ortaya çıxdı. Xədicə Foster, qaradərili zabit Stivlə evlənmədən illər əvvəl, 1963-cü ildə Sirən Ertanın atası, “ilk sevgim” dediyi Barış Ertanla evlənib. Dəfnənin ölümündə qardaşı Sirən də çox kədərli idi, hərçənd ki, onu yeni tanımağa başlamışdı... Hətta ögey bacısının uşağının olduğunu belə televiziyalardan, qəzetlərdən öyrənib.

Anası Xədicə Foster, gəncliyində İzmirin ən gözəl qadınlarından olub. Adlı-sanlı, gözəlliyi dillər əzbəri olan bir qadın. Onu tanıyan hər kəs deyir ki, qızı kimi anası da şən, dəli-dolu bir qadındır. Dəfnənin kiçik yaşlarında anası ilə atasının yolları ayrılır, daha sonra atası doğma vətəni olan Alabamaya geri dönür. O tarixdən sonra ana-qız daha da bir-birinə bağlanır, xarakterləri də eyni olduğun üçün həm də yaxın dost olurlar.

Xədicə Foster deyir ki, “Atası cənazədə yox idi, yəqin görüşmürlər” deyənlər yanılır. Onun sözlərinə görə, Dəfnənin illərdir Amerikada yaşayan və cənazəyə çata bilməyən atası ilə münasibəti çox yaxşı idi. Hətta son illərdə daha da mehriban olublar.

Hətta Dəfnə ölmədən əvvəl deyirdi ki, atası nəvəsini görmədən belə onun üçün darıxır. O, oğlu ilə birgə Amerikaya, atası ilə görüşməyə getməyi planlaşdırırmış...

Aktrisanın karyerası

Təhsil həyatı da çox parlaq olmayıb. Liseyi bitirdikdən sonra öz dili ilə desək “Evdə evlənməyi gözləyən, subay qız idi” və birdən-birə televiziyada işləməyə başlayır. O, 1994-cü ildə Kral TV-də çalışmağa başlayır. O, digər televiziya kanallarında aparıcılıq etməklə uğurlu karyerasını davam etdirib. Bir müddət sonra seriallarda aktrisa və verilişlərdə aparıcı kimi çalışıb.

Coy Foster aparıcılıqdan aktyorluğa keçməsi “Ruhsar” adlı komediya seriyalı ilə baş tutdu. Aktrisa 1997-ci ildə Ruhsar adlı serialdan sonra, 2000-ci ildə Bəyaz Yalanlar və 2003-2006-cı illərdə “Sehirli anam” serialında rol aldı. “Sehirli anam” serialında canlandırdığı Əda obrazı ilə tamaşaçıların qəlbini fəth etdi. Aktrisanın 2006-cı il rol aldığı “Selena” telserialı nə qədər uğurlu olsa da, “Xəyal və Gerçək“ teleserialı bir o qədər uğursuz oldu. Bu serial 8 bölüm çəkildikdən sonra dayandırıldı.

Foster aparıcı kimi də uğur qazanırdı. Onu “TV 8” kanalında “Bir iş için Lazım” adlı proqramı və TRT-də yayımlanan “Çeyiz Şou” və NTV də “Yaşıl Ekran” proqlamlarında uğurlu karyeraya imza atıb.

Coy Fosterin ekranlarda son işi isə 2010-cı ildə Acun İlıcalının aparıcı olduğu “Yok Böyle Dans” proqramına iştirakçı kimi qatılıb. Bu proqramda o Bedük, Burcu Esmersoy, Azra Akın və Burcu Güneş kimi məşhurlarla eyni səhnədə yer aldı.

Şəxsi həyatı

Coy Foster 2008-ci ildə evləndiyi İlker Yasin Solmazdan Can Kılıç adlı bir oğlu dünyaya gəlib: “Həyat yoldaşımla filmin çəkiliş meydançasında tanış olmuşuq. Rejissor idi, heç danışmasaq da, ona baxanda ürəyim əsirdi. Düşünürdüm niyə belə olur, sonradan başa düşdüm ki, aşiq olmuşam. O, çox ciddi, ağır xarakterli adam olsa da, məni tez-tez sürprizlərlə sevindirməyi bacarır. Onunla xoşbəxtəm.”

Aktrisanın ölümü

Astma onun uşaqlığından bəri ən böyük dərdi idi. Dəfnə Coy Foster uğurlarla dolu olan həyatını 2011-ci ilin fevralın 2-də tamamladı. Yazar Ahmet Altanın oğlu Kerem Halit Altanın evində dünyasını dəyişən Coy Fosterin ölümündə qaranlıq məqamlar olub.

Türkiyədə televiziya kanalında yayımlanan verilişə zəng edən Dəfnə Coy Fosterin vəkili Kərəm Altanı günahlandırıb. Vəkilin dediyinə görə, kamera görüntülərindən aydın olur ki, Kərəm Altanın halı pisləşdikdən 2 saat yarım sonra təcili yardım çağırıb: “Görüntülərdə Dəfnə evdə infarkt keçirdikdən sonra onu tək qoyan Kərəm Altanın çox sakit halda çölə çıxdığı görülür. Bu fakta əsasən, o, ölmək üzrə olan qadına yardım etmədən onu ölümə təhrik edib. İki saat evdə əzab çəkən zərərçəkmiş gözlərini əbədi yumub”.

Aktrisanın məhkəməsinə sədrlik edən hakim Kərəm Altanın Coy Fosterin yanından ayrılmadığına görə onun cəzasını 3 ay azaldıb.

Oxşar xəbərlər

Xəbər lenti

Seymur Baycanın yazısı məşhur türk saytında yayımlandı
15:24 07 İyul 2020
"İmkanlı adamların milli qeyrəti olmalıdır" - Yazıçılar ermənilərin festivala gedən filmindən danışdı
14:45 07 İyul 2020
Tbilisidə Azərbaycan muzeyləri açıldı
14:02 07 İyul 2020
“Qəhrəmanım sənsən” - Natiq Məmmədlinin yeni kitabı çap olundu
13:19 07 İyul 2020
Bakıya yayılan üfunət nəyin mesajıdır?
12:28 07 İyul 2020
Atasını vuranı bağışladı, ölümünə dostu bais oldu, öləcəyini internetdən öyrəndi - Ələkbər əminin kədərli həyatı
11:42 07 İyul 2020
Kür çayını kim xilas edəcək? - Ayxan Ayvaz yazır
11:06 07 İyul 2020
Dindarlar bu şeirə görə gənc şairi hədələyirlər
10:30 07 İyul 2020
Amerikalı aktyor koronavirusdan öldü
10:04 07 İyul 2020
Müslüm Maqomayev adına müsabiqə gələn ilə qaldı
09:51 07 İyul 2020
Pararlel dünyaya səyahət edən xərçəng ata – Etqar Keretdən yeni hekayə
08:58 07 İyul 2020
Tanrının İtaliyaya bəxş etdiyi böyük sərvət: Ennio Morrikone
21:01 06 İyul 2020
Xalq artisti oğlundan yazanları hədələdi
20:40 06 İyul 2020
Kukla Teatrında uşaqlar üçün onlayn tamaşa
18:39 06 İyul 2020
Cənubi Koreya musiqi qrupu dünya rekordu qırdı
18:00 06 İyul 2020
Azərbaycanda pandemiyadan film çəkildi – Video
17:15 06 İyul 2020
Yaşından otuz il qoca görünən, qurultayda bircə səs qazanan, AYB-nin qarşısında dünyasını dəyişən məşhur şairimiz – Maraqlı faktlar
16:33 06 İyul 2020
Luvr muzeyi açıldı
15:49 06 İyul 2020
Hamilə qalmaq üçün daş oyuğuna salınan gəlin – Güneydən hekayə
15:11 06 İyul 2020
İlin ən yaxşı internet serialı - "Şəxsiyyət"
14:28 06 İyul 2020