news-inner
clock16:32 calendar-gray 28 Sentyabr 2015 view-gray160 dəfə oxunub
view-gray160 dəfə oxunub

Facebook ciddi yerdirmi? - SORĞU

Sosial şəbəkə həyatımızın önəmli parçasına çevrilib. Buradan təkcə media orqanları öz paylaşımlarını həyata keçirmək üçün istifadə etmir, bura həm də medianın gündəmindəki hadisələrə ev sahibliyi edir. Bəs görəsən, Facebook, o cümlədən başqa sosial şəbəkələr ədəbiyyat və yaradıcılıq söhbətləri, müzakirələri üçün ciddi yerdirmi?

Bu sualla qələm adamlarına müraciət etdik.

Rəbiqə Nazimqızı: Ciddi hesab eləmirəm, hərçənd geniş auditoriya, informasiya, xüsusən də nasir üçün xeyli zəngin mənbə, insan tipləri var. Mən Facebookdan informasiya mübadiləsi, ünsiyyət vasitəsi kimi istifadə edirəm.

Etimad Başkeçid: Sosial şəbəkələr hər şeydən qabaq kommunikasiya vasitəsidir və burada ciddi ədəbiyyatla bağlı hansısa layihələrin böyük uğur qazana biləcəyinə inanmıram. Necə ki, avtobusda, metroda və bu tipli digər ictimai yerlərdə bu mümkün deyil. Facebook – hər şeylə maraqlanan adamlar üçün “qapı deşiyi” rolunu oynayır. Klassik mətbuatla sosial medianın arasındakı fərqlərdən biri də budur. Əlbəttə, maraq dairəsi üst-üstə düşən insanlar xüsusi qruplarda birləşib, dəyirmi masalar təşkil eləyə, virtual konfranslar keçirə bilər. Ancaq mənim üçün ən effektli vasitə kitab, jurnal və saytlardır. Yəni, öz redaksiyası olan və yayımladığı materialları filtrdən keçirib, bədii cəhətdən heç şeyə yaramayan şeylərdən arındıran mətbuat orqanları.

Qəşəm Nəcəfzadə: Facebook sosial və açıq şəbəkə olduğundan üstün və zərərli cəhətləri çoxdur. Eynən cəmiyyətimiz kimidir. Heç olmasa cəmiyyətdə hər kəs öz adı ilə görünür, bir az məsuliyyət hiss edir. Amma Facebooka başqa adla girənlər çoxdur. Onlar da ağızlarına gələni yazırlar. Ona görə Facebookda müəyyən, xüsusən ədəbi məsələlərin müzakirəsi çətinlik yaradır. Çoxu ağzına gələni yazır, başı çıxdı, çıxmadı. Bu xaosda ciddi adamlar susmağa üstünlük verir. Yaxşı olardı ki, Facebookda ədəbiyyat üzrə qrup yaradılsın, ora ədəbi simalar dəvət edilsin. Onda nəyisə müzakirə etmək olar. Facebookun üstün cəhəti də ondan ibarətdir ki, hamı burda özünə dost tapır, fikir bildirilir. Çoxları özünü qəhrəman hiss eləyir. Elə bilir Facebookda yox, ədəbiyyatdadır. Bununla əsəblər sakitləşir və çox zaman müalicə olunur.

Fərid Hüseyn: Facebookda ədəbiyyat və yaradıcılıq söhbətləri ola bilər. Bir yazıçı hansısa həmkarına mətnini göndərib fikrini soruşa bilər. Qarşı tərəfdə həmin mətnə layiqli fikir bildirər. Sadəcə baxır fikri kim soruşur və münasibəti kim bildirir, inbox-da ədəbiyyat söhbətini kim edir və onun sənətə münasibəti necədir. Qeyri-ciddi adamdırsa ədəbiyyat söhbəti ilə qeybəti bir-birinə qatacaq, üzgörəndirsə riyakarlıq edəcək. Yox, söhbət edənlər hər ikisi ədəbi vicdanı, bədii istedadı və intellektual çəkisi olan şəxslərdirsə orda elə söhbətlər gedəcək ki, heç o cür söhbətlər, fikir mübadilələri hələm-hələm ələ düşmür. Məsələn, mən Facebook vasitəsi ilə Kulisdə elədiyim "Ən sevdiyim əsər" layihəsi çərçivəsində ciddi söhbətlər eləmişəm, o söhbətlərin gələcəkdə də əsl sözün yanında olan adamların əlində kitab kimi əl-əl gəzəcəyinə şübhə eləmirəm. Əsas vicdan, bədii istedad və elmi səviyyənin olmasıdır, bunlar varsa, sən alayı olmayacaqsan, istər Facebookda, istərsə də hər yerdə gərəkli işlə məşğul olacaqsan.

news-inner-user

18716 məqalə

Oxşar xəbərlər

Xəbər lenti

“Azərbaycan–ispan danışıq kitabçası” çap olunub
18:18 12 May 2021
Azərbaycan bəstəkarlarının əsərlərinin toplusu Şuşada təqdim olundu - Foto
17:41 12 May 2021
"Xarıbülbül" musiqi festivalı başlandı
15:00 12 May 2021
Mənim Tanrım gözəllikdir, sevgidir - Hüseyn Cavidin şeirləri
14:24 12 May 2021
Ağadadaş Ağayev əməliyyat öncəsi fotosunu yaydı
13:09 12 May 2021
30 ilin ən gözəl müjdəsi
12:04 12 May 2021
Tanınmış aktyor vəfat etdi
12:00 12 May 2021
Bu gün Şuşada «Xarıbülbül» müsiqi festivalı başlayır
10:12 12 May 2021
İrəvandan yük maşınında qaçan, özündən 24 yaş böyük direktorla evlənən, İran şahının sevimlisi olan Xalq artisti
09:03 12 May 2021
Sonsuz - Şərif Ağayarın hekayəsi
17:00 11 May 2021
Filmimiz Braziliyada beynəlxalq festivalda sertifikata layiq görülüb
15:50 11 May 2021
Soljenitsının Nobel almasının gizlinləri
14:45 11 May 2021
İntəhasız acı nəğmə - Qorki haqqında esse
13:25 11 May 2021
Sevgiliyə gül uzadan əllərin tənhalığı - Ramil Əhməddən yeni şeirlər
12:00 11 May 2021
Tom Kruz mükafatlarından imtina etdi - Qalmaqal
11:30 11 May 2021
“Qarabağa sülh, sevgi və ümid” adlı xeyriyyə konserti keçiriləcək
10:26 11 May 2021
II Nikolayın qızı onun şəklini istədi, çar öz sarayına qonaqlığa çağırdı - Azərbaycanlı qaçağın film kimi həyatı
09:00 11 May 2021
Berlin Film Festivalı açıq havada keçiriləcək
17:35 10 May 2021
Musa Dədə əbədiyyət yaşında
15:51 10 May 2021
Çingiz Qənizadə: “Kəramət Böyükçölü maliyyələşdirib üstümə göndərənləri yaxşı tanıyıram” – Müsahibə
14:30 10 May 2021