writer1

Elçin Hüseynbəyli

Məqalə sayı

66
clock11:28 calendar-gray 22 İyul 2015 view-gray257 dəfə oxunub
view-gray257 dəfə oxunub

Elçin Hüseynbəylini bezdirən ZIRRAMA

Zırrama

Mirzə Cəlilin bu adda bir hekayəsi var. Oxuyanlar bilir, oxumayanlar üçünsə deyim ki, söhbət bir həmşəridən gedir.

O, günlərlə küçələrdə dayanır və tanış-bilişin qabağını kəsib, o tay-bu taydan xəbər verir. Həmişə də eyni sözləri təkrarlayır: filankəsi poçt müdiri qoyublar, bəhmənkəsi işdən çıxarıblar, ruslar yaponlara müharibə elan eləyib, filankəsin oğlu naxoşlayıb və s. və i.

Biçarə Mirzə Cəlil də həmişə evdən çıxmazdan əvvəl pəncərədən çölə baxıb, yola göz gəzdirirmiş görsün ki, həmin “zırrama” ordadı, ya yox...

Bu yaxınlarda mən onun xələfinə rast gəldim. Dostlar təklif elədilər ki, dəniz ətrafındakı bağa yığışaq. “Koroğlu” metrosunda taksiyə mindim. Böyrümdə oturan müştərilərdən biri çal saqqal, arıq və bəyaz sifət bir kişiydi. Nəsə üzü mənə tanış gəldi, amma xatırlaya bilmədim. Taksi yerindən tərpənən kimi, böyrümdəki başladı, nə başladı. Əvvəlcə uzaqdan gəldi: “Yunansıtan defolt olub, Almaniya kansleri ona dişlərini qıcayıb, İranın məsələsi BMT-də həll olundu, neftin başını açıb buraxacaq, Tunis də neft hasilatını artırır, dünya bazarında petrolun qiyməti düşəcək, dollar bahalaşacaq, indi hamı ingilis pulu alır, yollar təzədən söküləcək, gələn il Formula-1 yarışları olacaq, aeroport yolunda keçidləri təmir edirlər, filankəs partiyadan istefa verdi, Putin Ukraynaya ultimatum verib, Qarabağ danışıqları dalana dirənib, müharibə olacaq, Saakaşvili Ukraynanın prezidenti olmağa hazırlaşır...”

Çal saqqallı kişi dil qəfəsə qoymurdu. Belə başa düşdüm ki, bu adamın işi-peşəsi qəzetləri oxumaq, televizora baxmaqdı, bir az da Haqverdiyevin marallarına oxşayır...

Aha! Bu yerdə barmağımı dişlədim. Bu, “Təbriz” ləqəbi ilə şeirlər yazan Vidadi adlı zatdır. Onunla Moskvada tanış olmuşduq, yataqxanamıza tez-tez gələrdi. Bir-iki dəfə dəlixanada yatmışdı. Qalaq-qalaq qəzet oxuyardı. Dəlilik pensiyasını qəzet-kitaba xərcləyərdi. Yediyi “mundirli”, yəni soyutma kartof, içdiyi adi krant suyu idi. Siyasi söhbətlər eləməyi xoşlayardı. Hətta siyasi şeirlər də yazardı. İki misrası yadımdadı: “Na pole rastyot burak, v Kremle sidit durak...” Özü də “maniya presledovaniye” xəstəliyinə tutulmuşdu, ona elə gəlirdi ki, ke-qe-be agentləri onu daim izləyir...

Mən uzaq keçmişdəki tanışımı xatırlayırdım. O bəstəboy idi, böyrümdəki, arıq, hoqqar. Görünür, hər dövrün öz zırraması olur. Başqa sərnişinlər də öz işlərindəydilər. Tam sakitçilik idi, yalnız saqqallı sərnişin hüdüləyib tökürdü. Birdən o, dayandı, bir sağa, bir sola, bir irəli, bir də geriyə baxdı və dedi: “Nədi, bəlkə sizi də mənə güdükçü qoyublar, hamınız mısıb durmusunuz, izləyirsiniz mən?!” Sonra üzünü sürücüyə tutub, “burda saxla görüm” dedi. Sürücü məsələni anladı və irişə-irişə bunları dedi: “Alik” dayı, sən onlara fikir vermə, bisavad adamdılar, sənin kimi oxuyan deyillər ha”. “Bisavad” sözünü işlədərkən bizə bir göz də basdı, yəni fikir verməyin, sözdü də deyirəm.

İncəvardan yolumuz başa çatdı, hərə bir tərəfə üz tutdu...

Geri qayıdan baş onu yenə də taksi dayanacağında gördüm, kimisə çənəsinin altına salmışdı: “Yunanıstan defolt oldu, Merkel ona dişlərini qıcartdı, Putin ultimatum verdi, neft ucuzlaşdı... müharibə qaçılmazdı...”

Yavaşca böyürdən sivildiyib getdim.

Mirzə Cəlili xatırladım və öz-özümə “Zırrama ki, zırrama” deyə pıçıldadım...

21 iyul 2015

REKLAM

Yazarın digər yazıları

Xəbər lenti

Rus qadını evinə qonaq çağırdı, ərini içirtdi... – Xəyanət haqqında hekayə
15:01 03 Avqust 2021
Bakı Beynəlxalq Qısa Filmlər Festivalı keçiriləcək
14:15 03 Avqust 2021
Nazirlik rəsmisi: “Kinostudiyaya ən müasir avadanlıqlar almışıq”
13:30 03 Avqust 2021
Bir bax, başın üstə günəş doğulur – Ramiz Rövşən Şuşaya şeir oxudu - Video
12:45 03 Avqust 2021
Allaha inanmadı, 16 yaşlı qızla evləndi, oğlunun ölümündə özünü günahkar bildi - Xalq şairindən 10 maraqlı fakt
12:01 03 Avqust 2021
Öz ölümünü yazan şair - Günün şeiri
11:30 03 Avqust 2021
Qələbədən yazmaq çox çətindir
11:01 03 Avqust 2021
“Orxan Pamukun evi inanılmaz dərəcədə geniş idi” – Söhbət
10:30 03 Avqust 2021
Deyirsən, anamın yerində ayrı arvadla mazaqlaşsın? – Yeni hekayə
09:01 03 Avqust 2021
Açıq havada Kino Günü keçirildi - Fotolar
08:49 03 Avqust 2021
Azərbaycanlı şair vəfat etdi
08:08 03 Avqust 2021
"Qapalı olan həyatımın qapılarını indi açıram..." - Fəxrəddin Manafovla yubiley müsahibəsi
21:00 02 Avqust 2021
Milli Qəhrəman haqqında sənədli film çəkilib
18:50 02 Avqust 2021
Hafiz Təmirovun yeni kitabı çıxıb
18:08 02 Avqust 2021
Prodüserlər Gildiyasına sədr seçildi
17:20 02 Avqust 2021
Maestro Niyazinin xatirəsi yad olunub
16:55 02 Avqust 2021
Qazi-şair gündəliklərini məktəblilərlə birlikdə yazacaq – Yeni layihə
16:00 02 Avqust 2021
Lalə Azərtaşın telefon zəngi və yarımçıq səmimiyyəti
15:04 02 Avqust 2021
Təsadüfən dirijor oldu, kasıblıqdan vərəmə tutuldu, xanımını oğulluğu boğaraq öldürdü – Niyazidən 10 inanılmaz fakt
15:01 02 Avqust 2021
Kino cameəmizin 2 avqust yanlışı: Elit sənət illüziyası
14:16 02 Avqust 2021