“Utan bığından” - Elza Seyidcahanın şeiri

Tarix

Ana səhifə
Tarix

“Utan bığından” - Elza Seyidcahanın şeiri

12 iyun 2015

12:26

Kulis Elza Seyidcahanın “Utan bığından” şeirini təqdim edir.

Bığ bizimdir
Bığımız bizim
Sahibi bizim
Bığına layiq olmayan isə
Döyər dizin
Bir bığımız
Xəncərimiz
Sözünü deyib
Səngərimiz
Bığsız bizim nə Vətənimiz?
Bığın gərək dibi ola
Bığ dibinin cibi ola
Cibin dibi tikik ola
Tikik cibdə bir göz ola
Sözlər gözu doydura
Doydura-doydura soydura
Soydurandan sonra bığı
Soldura.
Bığlı kişi hikmətdir.
Yıxıq evi tikməkdir
Tikə-tikə hər işini
Cizməkdir,
Bilməkdir,
Sezməkdir.
Hər şeyi qurtaranda,
Özünə sarı
Çevirməkdir.
Çevrilməyən bığsız kisi
Devrilməyən bığlı kişi
Yazılmayan qadın işi
Görülməmiş pisin pisi .
Bığın bığdır
Bilirsən kişi?
Səndə yoxdur kisinin işi
O bığın səndə nə işi?
Bığlı kişi
Bığıvı qırx ki,
Bil işini.
Bığ bilmir
Necə yusun dişini ?
Pis yolda qoyma kişini!
Kişidi bığ
Kişidə bığ
Bığdı bığ
Sendə bığ
Tıxdı tıx
Boğazdan tut
Tıxından çıx
Aldatdı məni bığın
Saldı odlara tıxın
Məyus etdi məni bığın
Məhv etdi seni tığın
Üzr istə sən
Bığından
Çıxdın sən öz
Qınından
Səndən utandığından
Sən de utan
Bığından
Tutan bığından
Heç utanırsan
Bığından???