Modern.az saytının “Bir şəklin tarixçəsi” rubrikasında yayımladığı bu şəklin Azərbaycanın dahi şairi Nizami Gəncəviyə aid olduğunu hamı bilir. Amma şəkildə təsvir olunan şəxs gerçəkdən də Nizami Gəncəvidirmi? XII əsrdə yaşamış şairin şəklini kim çəkə bilərdi? Şəkil dövrümüzə necə gəlib çatıb?
Tarixçi Araz Vəliyev bu şəkillə bağlı Modern.az-a maraqlı fakt təqdim edib.
Onun sözlərinə görə, 1939-cu ildə Azərbaycan SSRİ Mərkəzi Komitəsi tərəfindən dahi şair Nizami Gəncəvinin 800 illik yubileyinin keçirilməsi qərara alınır. Amma bu yubileydə Nizamini əyani surətdə canlandıracaq hər hansı şəkil olmur. Buna görə də müsabiqə elan olunur, ədəbiyyatşünaslar, tarixçilər və rəssamlar işə cəlb olunur, müxtəlif variantlarda Nizaminin portretini çəkirlər.
Nizamişünas-Yevgeni Bertels, filosof Heydər Hüseynov və ədəbiyyatşünas Həmid Araslı Nizaminin xarici görünüşünün təxmini necə olduğunu dedikdə dahi bəstəkar Üzeyir Hacıbəylinin ağlına bir ideya gəlir və təklif irəli sürür.
Üzeyir Hacıbəyli "siz dediyiniz parametrlərdə Ağcabədidən bir axund tanıyıram" deyir və həmin axunda Tarix Diyarşünaslıq Muzeyindən alınmış geyimlər geyindirildikdən sonra rəssam Qəzənfər Xalıqov Nizami Gəncəvinin portretini yaradaraq müsabiqənin qalibi olur.
Beləcə Nizami Gəncəvinin bu gün istifadə olunan şəkli yaranır...
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər