writer1

Cəlil Cavanşir

Məqalə sayı

294
clock14:25 calendar-gray 19 May 2015 view-gray173 dəfə oxunub
view-gray173 dəfə oxunub

Deyingən qaragüruhçu

Hamı təlaş içindədir. Cəmiyyət üzdə nə qədər sakit və düzənli görünsə də, gizli narahatlıq, təlaş və xaos baş alıb gedir. Heç kəs rahat deyil. Varlısı da, kasıbı da, subayı da, evl isi də, ziyalısı da, cahili də bu xaosun içində itib batır. Cəmiyyət qeyri-adi hadisələrin, cinayətlərin intizarında yaşayır. Bu xaosun içində özümüzə “xalq” deməyimiz günah olar. Biz kiçicik söz-söhbətin, şayiələrin arxasınca axın edən başıpozuq qaragüruhçudan başqası deyilik. Hadisələrə münasibətimiz, davranışlarımız, reaksiyalarımız narahat və rəncidədir. Ölkədə baş verən proseslərə laqeyd və soyuq münasibətimiz də bunun bir göstəricisidir. Ən geri qalmış cəmiyyətlərin belə hadisələrə sərt reaksiyasını, kütləvi etirazını müşahidə edəndə bizim xalq olaraq reaksiyasızlığımız daha aydın görünür.

Məsələn, Əfqanısdanda Fərhundə adlı günahsız qadın kütlənin qəzəbinə gəlib daş-qalaq edildi, yandırıldı. Yenə eyni cəmiyyət, eyni insanlar bu haqsızlığa reaksiya verərək, qatillərin cəzasız qalmamasına nail oldu. Türkiyədə Özgəcan öldürüləndə xalq iki yerə bölünsə də, böyük əksəriyyət hadisəyə sərt münasibətini bildirdi. İranda dini rejim nə qədər sərt olsa da, baş verən neqativ hadisələrə xalqın reaksiyası gecikmir. Hətta Hindistanda, Pakistanda belə xalq bu cür iyrənc hallara etiraz etməyi bacarır.

Amma bizdə? Son vaxtlar baş verən və heç bir ciddi etiraz yaratmayan hadisələrə nəzər salaq. Tovuzda gənc bir qızı dörd nəfər zorlayanda da susduq, Aytac Babayeva adlı gənc qız qanına qəltan ediləndə də, ata öz qızını zorlayanda da...

Bizim təlaşımız, narahatlığımız biabırçılıqdır. Biz qətl, zorlanma xəbərləri gecikəndə narahatlıq keçiririk. İntizarla kiminsə qanına qəltan edilməsini gözləyirik və bütün bu hadisələr haqqında sadəcə deyinirik. Susa-susa zorlananı, öldürüləni günahlandırıb qatilə, təcavüzkara haqq qazandıran insanlara meydan veririk. Cəmiyyət artıq bu hadisələrlə başını qatır. İnsanlar bu cür cinayətlərlə əməlli-başlı əylənir. Sanki sosial şəbəkələrdə bir dəstə adam oturub yazmaq, münasibət bildirmək üçün kimlərinsə zorlanmasını, öldürülməsini gözləyir. Və qəsdən, fərqli görünmək xatirinə bu hadisələrə haqq qazandıranlar da var.

Bu qaragüruhçuluqla heç bir həqiqətə nəinki çatmaq, heç yaxınlaşmaq da mümkün deyil.

Üzdə laqeyd görünən insanların içində tufanlar tüğyan edir. Küçədə, nəqliyyatda insanların üzünə diqqətlə baxsaq bu narahatlığı, təlaşı hiss etməyimiz çətin olmaz. Hamı tələsir, hamı darıxır, hamı səbirsizcəsinə baş qatmaq üçün qeyri-adi hadisələr, cinayətlər gözləyir. Müğənnilərin saçyoldusu, çılpaq bədənləri, boş və əhəmiyyətsiz qovğaları artıq emosiyaları sakitləşdirmir. Seriallar, tok-şoular bu aclığı doydurmağa, bu narahatlığa, xaosa su səpməyə kömək etmir.

İnsanlar ölüm xəbərləri gözləyir. İnsanlar zorlanma hadisələrinin intizarındadır. Və istədikləri xəbərlər gələndə minlərlə adam eyni gündə xoşbəxt olur. Bir anda minlərlə insan danışmağa mövzu tapır. Sosial şəbəkələrdə, çayxanalarda, avtobuslarda, kafelərdə, məscidlərdə həmin xəbərləri müzakirə edir. Amma reaksiya sadəcə deyinmək və gileylənmək janrındadır. Kişisi də, qadın da təlaşla, nigaranlıqla deyinir. Evimizin kandarına qədər gəlib çatan bu düzənsizliyə reaksiyamız sadəcə və sadəcə deyinməkdən ibarətdir. Hələ ki, qaragüruhçu səviyyəsindəyik. Xalq olmağı yenidən bacarsaq, bu hadisələrə reaksiyamız deyinmək yox, ciddi şəkildə etiraz olacaq. O zaman bu hadisələrin qarşısının alınması mümkün görünəcək ki, insanlarımız bu hadisəyə reaksiya versin. Hələ ki, sadəcə deyinirik.

REKLAM

Yazarın digər yazıları

Xəbər lenti

Azərbaycan rəssamlarından Kazanda "Məxməri etiraflar"
17:03 03 Avqust 2020
Kim unudub məni yol ayrıcında? - Zərdüşt Şəfinin anım günü
15:58 03 Avqust 2020
Heyvanlar nə vaxtdan qurbana çevrildi? - Qurbanetmə aktının yaranması
14:53 03 Avqust 2020
Şəhid generalımız haqqında kitab nəşr edildi - Pulsuz paylanacaq
13:48 03 Avqust 2020
Şon Penn özündən 31 yaş kiçik qızla gizlin evləndi
13:08 03 Avqust 2020
Ramiz Rövşənin "Yenə bu şəhərdə üz-üzə gəldik" şeirinə rok yazıldı - Video
12:05 03 Avqust 2020
Məşhur aktyor dünyasını dəyişdi
11:14 03 Avqust 2020
Azərbaycan bəstəkarının musiqisi ABŞ festivalında səsləndirildi
10:33 03 Avqust 2020
Həbs olunan məşhur bəstəkarın Üzeyir bəyə məktubu: "Etdiyim başsız hərəkət məni sənət aləmindən ayırdı” - İlk dəfə
09:05 03 Avqust 2020
Şərif Ağayarın essesi Fransa mətbuatında
16:35 02 Avqust 2020
Səsin görüntüyə çevrilməsi və kinonun yaranışı - Cavid Təvəkkül yazır...
15:08 02 Avqust 2020
Kinematoqrafçılar İttifaqı Kulisin əməkdaşına mükafat verdi
13:45 02 Avqust 2020
Azərbaycan kinosunu düşünməyən məmurlar və tək qalmış gənc rejissorlar - Milli Kino Günü
12:02 02 Avqust 2020
Fəxrəddin Manafov: "İmkanım olsaydı, qadınları taxtda əyləşdirərdim" - Müsahibə
09:01 02 Avqust 2020
Salam Sarvanın kitabı Ukraynda nəşr olundu
19:07 01 Avqust 2020
İstanbul Film Festivalının qalibi açıqlandı
17:44 01 Avqust 2020
Məşhur rejissor vəfat etdi
17:00 01 Avqust 2020
Tbilisidə Nəriman Nərimanovun yubileyi qeyd olundu
16:33 01 Avqust 2020
“Azərbaycan kino sənəti tarixi” nəşr olunacaq
15:50 01 Avqust 2020
“Qarabağ şikəstəsi”nin şikəst Qarabağıyıq - Qardaşxan Əzizxanlının şeiri
15:09 01 Avqust 2020