writer1

Aliyə

Məqalə sayı

996
clock14:10 calendar-gray 06 Aprel 2015 view-gray63 dəfə oxunub
view-gray63 dəfə oxunub

Din teatrı necə əzir?

Rusiyada “kilsə-teatr savaşı” ilə başlayan mücadilə başqa bir istiqamət alıb.

Dini simvollara hörmətsizlik etdiyinə görə Novosibirsk Opera və Balet Teatrını məhkəməyə verən dindarlar işi uduzsalar da din-teatr davası daha başqa müstəviyə keçdi.

Xatirinizdədirsə, məhkəmə Novosibirk teatrının sözügedən “Tanqeyzer” tamaşasında dindarların inancını təhqir edən heç nə tapmadı. Dindarlar məhkəməni uduzdular.

Amma bundan təxminən bir ay sonra, yəni bu günlərdə Moskva Bədaye Teatrında Boqomolovun hazırladığı başqa bir tamaşaya görə, dindar aktivistlər teatrın kandarına donuz başı qoydular.

Gəlin buna qədərki balaca bir hadisəni də diqqətdən qaçırmayaq - Rusiya prezidenti teatrın əleyhinə etiraz aksiyaları təşkil edən keşişi orden və medallarla mükafatlandırdı. Bəlkə də bu sıradan bir təltifetmədi. Dinin hakimiyyətdən, hakimiyyətin dindən (rəsmi və qeyrirəsmi) legitimlik alması tarix kitablarından bu günümüzədək uzanan məsələdi. “Leviafan” filmi ən çox bunu qabartdığına görə dindarlar tərəfindən sevilmədi. Amma sıradan olsa belə hadisələrin bu düzümündə təltifetmə də diqqəti çəkdi.

Bunun ardınca bütün bu qalmaqal ərzində tamaşanı müdafiə edən, onun repertuardan çıxarılmayacağını söyləyən Novosibirsk Opera və Balet Teatrının direktoru Mezdriç işdən azad olundu. Əlbəttə, bütün bu proseslər rus teatr və kino adamlarının etiraz məktubları ilə müşayiət olundu.

Dünənsə Novosibirskdə üç minədək adamın iştirakı ilə mitinq keçirilib. Mitinq iştirakçıları Mezdriçin işdən azad olunmasına, senzuraya etiraz edib, Rusiyanın mədəniyyət nazirinin istefasını tələb ediblər. Mezdriç özü isə bunları deyib: “İnsanların dini azadlıqları olduğu kimi sənətkarın da yaradıcılıq azadlığı haqqı var.”

Ruslar olmasın, biz olaq, belə sözlər deyən teatr direktorunu əlbəttə, işdən çıxararlar, buna söz yox. Məsələ bu sözləri deyən, o mitinqə çıxan adamların nəyi müdafiə etdiklərini bilməsindədir. Çox vacib bir məqamda çox vacib bir məsələni-mədəniyyəti, teatrı, yaradıcılığı-onlar üçün MƏNƏVİ olan bir məsələni hansısa manipulyasiyalardan qorumaq!

Halbuki dindarlar da bunu edə bilərdi. Hansısa dini simvolların harada necə qoyulduğunu güdməkdənsə, din dedikləri MƏNƏVİ dəyərləri DİN (oxu: Daxili İşlər Nazirliyi) kimi istifadə edənlərdən, onu əşyaviləşdirib manipulyasiya edənlərdən, öz legitimliyini bu əşyaların üzərində quranlardan qorumalı idilər. Daha doğrusu, öz dəyərləri naminə onlardan imtina etməli idilər! Nəinki bir teatrla, bir tamaşa ilə mübarizə aparmaq...

Paylaş

REKLAM

Yazarın digər yazıları

Xəbər lenti

20 noyabr gündəliyim – Şərif Ağayar yazır…
21:01 20 Noyabr 2019
“Bakı Foto” müsabiqəsinin qalibləri mükafatlandırılacaq
18:45 20 Noyabr 2019
Çarli Çaplinin yubileyi Azərbaycanda belə qeyd olunacaq
18:10 20 Noyabr 2019
Yazarlarımızın məşhur uşaqları - Fotolar
17:30 20 Noyabr 2019
Çərçivələr - Şeir
16:50 20 Noyabr 2019
Xalq yazıçısının kitabları təqdim olunacaq
16:10 20 Noyabr 2019
İncəsənət Bieannalesinin ekspozisiyaları açıldı - FOTOLAR
15:30 20 Noyabr 2019
Uşaqlarını həyat yoldaşından zorla alan aktyor - Maraqlı Faktlar
14:51 20 Noyabr 2019
Nəsiminin qəzəllər toplusu Ukraynada
14:10 20 Noyabr 2019
Pantomima teatrı dekabrda - Afişa
13:30 20 Noyabr 2019
Dostoyevskinin hekayəsi: Timsah – Dilimizdə ilk dəfə
12:25 20 Noyabr 2019
Rəsm əsərinin nüsxəsi 600 min dollara satıldı
12:07 20 Noyabr 2019
Rejissorumuz Moskvada “İlin adamı” seçildi
11:51 20 Noyabr 2019
Adam da bu qədər qız sevərmi? - Ayxan Ayvazın əsgər dostuna məktubu
11:20 20 Noyabr 2019
Gənc şair Aqşin Yeniseyə şeir yazdı
10:38 20 Noyabr 2019
Şəhriyardan Fərqanə Qasımova və Sevda Ələkbərzadəyə sərt sözlər: “Yazıqsınız”
09:56 20 Noyabr 2019
“YARAT”da 18+ tamaşa
09:36 20 Noyabr 2019
Mirzə Cəlilə heykəl yox, büt qoymaq istəyirlər - Yazıçılardan qalmaqallı açıqlama
09:00 20 Noyabr 2019
Bəlkə səndən əvvəl öldüm: Zərdüşt Şəfi ilə son görüş
21:01 19 Noyabr 2019
“Babəkin heykəli Qafqazda ən hündür heykəllərdən biri olacaq”
19:00 19 Noyabr 2019