news-inner
clock11:30 calendar-gray 06 Aprel 2015 view-gray162 dəfə oxunub
view-gray162 dəfə oxunub

A kişi, get işə! ELÇIN HÜSEYNBƏYLİNİN YAZISI

Səhər-səhər yuxudan durandan sonra ədəb-ərkanla hamama girirəm və yenə də ədəb-ərkanla üzümü qırxıram, üzümü siləndə görürəm ki, dəsmal tərsinə asılıb, ağ yerlikdəki qızılgüllər baş-ayaqdır, onda çaşıram, əsəbləşirəm və üzümü mətbəxə tərəf tutub acıqlı-acıqlı soruşuram:

-Bu məhrəba niyə tərsinə asılıb?

O da uzaqdan-uzağa mənə tərs bir əmr verir:

-A kişi, get işə! Evdə oturmaqdan qoca arvadlar kimi deyingən olmusan.

Barı “qoca kişilər kimi” deyəydi. Yox, deməz, boynuna diri ilan da salsan məni sancmasa, xeyri yoxdur. Özü də bicliyini tutmuşam, qəsdən məni cırnadır ki, bezəm və çıxam işə.

Balkona çıxıb zir-zibil yığılan torbaları götürürəm, aşağı düşüb onları zibilxanaya atıram. Bu da bir işdi də. Sonra parka gəlirəm, sərçələrimə şikayət eləmək istəyirəm. Amma sözüm ağzımda qalır, onların yanında ayaq saxladığımı görəndə uçub başqa kola qonurlar. Hənirimdən duyurlar ki, məsələ qəlizdi.

Kor-peşman evə qayıdıram, otağıma girib kompüterin arxasına keçirəm. Yaz-poz məsələsi.

Mənim səhərlərim beləcə başlayır.

Otağa gəlir, çarpayının böyründə oturub deyir:

-Sənə iş tapmışam.

-Nə yaxşı, - deyiram,- harda?

-Get dərs de. Universitet də evimizin böyründədi.

-Yox, -deyirəm, - mənim vaxtım yoxdu. Bəs yazılarımı kim yazsın?

-Sənin yazılarına nəsə verən var?

-Aha, deməli sən pul davası döyürsən.

-Nə pul, a kişi, -deyir, -pul nəyimizə lazımdı.

Cümləsinin ikinci hissəsi məni ələ salmaq üçündü.

-Bura mənim iş yerimdi, -deyə otağıma işarə edirəm, - özü də içəri girməmişdən qabaq qapını döy, məni də narahat eləmə. Fikrimi dağıdırsan.

O inciyən kimi olur, bəlkə də qəsdən özünü elə göstərir.

-Qoy, uşaxlar gəlsin, deyəcəm səni zorla işə göndərsinlər. Evdə oturmaqdan gündən günə şişirsən, passivləşirsən.

-Özündən ayıb ola, deyirəm.

Bu dəfə əməlli-başlı inciyir, amma getməmişdən qabaq güzgünün qabağında dayanıb bir xeyli özünə baxır, bir gözünün qırağı ilə də məni xəlvət süzür.

Kompüterin düymələrini bir az tıqqıldadandan sonra qonaq otağına girib pəncərənin qabağına gəlirəm. Çölə baxıb deyinirəm:

-Vaxtında dedim ki, evi satıb, həyət evi alaq, quş budaqda oturan kimiyik. Heç olmasa həyət olardı, bir ağac əkərdim, dibini belləyərdim, sulayardım. Sonra samovar qoyardım.

-Sonra da dostlarını yığardın başına, yeyib-içərdiniz, heylə? Mən də hıqqana-hıqqana dağıtdıqlarınızı yığışdırardım.

Əməlli-başlı deyinir. Mən onun dediklərini bir qulağımdan alıb, o birisinə verirəm. O biri qulağım da çöldən gələn siqnal səslərinə qarışdırır.

Ev adamı da televizorun kanallarını yoxlayır, düz-əməlli bir şey tapmadığından cırnayır, deyinir:

-Nə qədər xəstəlikdən, yemək-içməkdən danışarlar e!

-Bəlkə gəzməyə gedək,- deyə təklif edirəm.

Gözləri işıqlanır, qırışığı açılır:

-Hara? – suallı baxışını üzümə dirəyir.

-Hara? – mən də eyni sualı verirəm.

Çox çək-çevirdən sonra evdə oturmağın faydası barədə mülahizələrim üstün gəlir.

Sonra...

Deyəsən çox deyindim. Qorxuram ki, siz də sözü bir yerə qoyub deyəsiniz:

-A kişi yaman çox danışdın e, dur get işə!..

news-inner-user

16800 məqalə

Oxşar xəbərlər

Xəbər lenti

Zəngilanlı aktyor: "Ordan çıxan gün 11 yaşım tamam olurdu" - Video-söhbət
16:30 24 Oktyabr 2020
Türkiyəli yazar vəfat etdi
15:26 24 Oktyabr 2020
Azərbaycanlı rəssamın sərgisi İstanbulda
14:19 24 Oktyabr 2020
Tolstoy hansı şairin qızını sevmişdi? - Elçin yazır...
13:30 24 Oktyabr 2020
Ömürlə peşmanlıq oyunları - Cavanşir Yusifli Kulisdə gedən hekayədən yazır
12:21 24 Oktyabr 2020
Ajda Pekkan: “Azərbaycanlı qardaşlarımıza sevgi göndərirəm”
11:12 24 Oktyabr 2020
Şəhid olan Milli Qəhrəman haqqında film - Video
10:06 24 Oktyabr 2020
Vətənim adamlar - Sevda Sultanova yazır...
09:00 24 Oktyabr 2020
“Pişiyin evi” onlayn göstəriləcək
18:49 23 Oktyabr 2020
Nazirlik Zəngilanda dağılan məscidlə bağlı bəyanat yaydı
18:15 23 Oktyabr 2020
Azərbaycan əsgərinə heyrətlənən erməni hərbçi
17:31 23 Oktyabr 2020
Bütün zamanların ən gözəl aktrisasının həyatı film olur
16:53 23 Oktyabr 2020
Kino tarixinin ən qorxulu filmləri açıqlandı
16:11 23 Oktyabr 2020
Yapon caz ifaçısı Azərbaycan ordusuna pul köçürdü
15:29 23 Oktyabr 2020
Beynəlxalq Türk Mədəniyyəti və İrsi bəyanat yaydı
14:52 23 Oktyabr 2020
Allahı danan müəlliminin başına stul çırpdı, ömür boyu övladı olmadı, qızlığını xalası oğluna qısqandı - Xalq artistindən maraqlı faktlar
14:15 23 Oktyabr 2020
Facebookda yayılan təhlükəli döyüş videoları
13:34 23 Oktyabr 2020
Köçkünlük statusu – Sevinc Elsevər yazır...
12:47 23 Oktyabr 2020
Dağıdılan, dəyişdirilən, yer üzündən silinən abidələrimiz
12:04 23 Oktyabr 2020
“Bitls” qrupunun keçmiş üzvündən yeni albom
11:18 23 Oktyabr 2020