news-inner
clock09:15 calendar-gray 01 Aprel 2015 view-gray669 dəfə oxunub
view-gray669 dəfə oxunub

Məscidinə it bağlanan Bakı kəndi

Günəş, istisi keçmiş şüalarını uzaqdan yanmış fətiri xatırladan evlərin damlarından yığışdırıb tənbəl-tənbəl batmağa hazırlaşır.

Kənd yavaş-yavaş gecə köynəyini keçirir əyninə. Həyətlərdə yanan işıqlar qızıl düymələr kimi düzülür kəndin yaxasına. Uzaqda, lap uzaqda itlər hürüşür, sərin meh əsir. Bir təpənin başında dayanıb qaranlıqla çarpışan qədim yurd yerinə baxmaq gözəldi...

Müharibə illərində böyük taxıl zəmiləri olub burda. Kəndimiz 41-45-də nə oğullarını əsirgəyib cəbhədən, nə də arpa-buğdasını. Təpələrin arxasında duz gölü var. Adına “Babaəli şoru” deyirlər. “Qızıl nohur” deyilən başqa bir göl də var. Suyu qan rəngindədi. Rəvayətlərdə deyilir ki, keçmiş zamanlarda qırmızı paltarlı cavan gəlin batıb bu göldə. O vaxtdan suyun rəngi dönüb olub qırmızı. Bu rəvayəti kim uydurubsa, yaxşı uydurub. Ağsaqqallardan eşitmişəm ki, sinəgir xəstəliyindən əziyyət çəkənlər hər gün gəlib yarım saat “Qızıl nohur”un yanında nəfəs alsalar bir aya heç bir ağrıları qalmaz. Suyun tərkibi yod və duzla zəngindi.

“Təndirlik” deyilən yer var kənddə. Həm çox isti olur yayda, həm də burdan çıxan gildən təndir düzəldirlər. Kəndin ən sərin guşəsi “Səngərüstü”dü. Erməni-müsəlman davasında fatmayılılar bu yerdə üz-üzə gəlib ermənilərlə. Şəhid düşüb yaralananlar çox olsa da imkan verməyiblər işğalçıların ayağı kəndə dəysin.

“Yeddi oğul istərəm” filminin bir çox epizodu Fatmayıda çəkilib. Həyətinə it bağlanan məscid indi də fəaliyyət göstərir. Qəbiristanlıq səhnəsi də burda lentə alınıb. Filmin sonunda Humayın intihar məqsədiylə ətək çırmayıb sulara baş vurduğu yeri indi torpaqlayırlar. Plana düşüb. Üstündən yol çəkəcəklər...

“Axırıncı aşırım” filmi... Qəmlo gəlib kəsdirir darvazanın ağzını... Mən həmişə bu yerdən keçəndə Qəmlonun kinoda bağırdığı sözlər düşür yadıma: “Səməd, ay Səməd! Ölmüsən?”

Yayda bir çox adam əncir, üzüm, süd, qatıq aparır şəhərə satmağa. Qışda doşab, əncir qurusu, piskəndə aparırlar. Bizim kəndin insanı əruz vəznində danışır. Muğamata, qəzələ sevgi atadan oğula irs kimi keçir.

Bu kənddə qadınlar qabaq qapıdan minir avtobusa. Kənd avtobusunda gərək özünü ağıllı aparasan. Bura şəhər deyil ki, yanındakı qızla sarmaş-dolaş oturub heç kəsi vecinə almayasan. Hər şeyi gözə alıb belə hərəkətlərə yol verən olsa Mehdiabad, Fatmayı, Görədil uşaqları həmən adamı döyüb şil-küt eləyəcəklər.

Qaçaq Əlizamanın doğulub boya başa çatdığı, at çapıb güllə atdığı yerdi burası. Qara Qarayevin, Tağı Şahbazi Simurqun kəndidi Fatmayı.

Bu kənd bir az da mənim kəndimdi...

Oxşar xəbərlər

Xəbər lenti

Qəbələ Musiqi Festivalı başa çatdı
18:14 05 Avqust 2021
Yaxınları Rafiq Tağını ziyarət etdi - Foto
18:07 05 Avqust 2021
Tanınmış yazıçı ilə görüş keçiriləcək
17:30 05 Avqust 2021
Axına qarşı üzmədən nəyəsə nail olmaq qeyri-mümkündür
17:01 05 Avqust 2021
Azərbaycanda etdiyi bu rəqsə görə Rafet El Romanı topa tutdular - Video
16:14 05 Avqust 2021
Rafiq Tağının qardaşı: “Anam qətlə yetirildiyini bilmirdi, ona qurban demişdi” – Müsahibə
15:21 05 Avqust 2021
Yaponiyada alovlanan olimpiya məşəli və Türkiyədəki meşə yanğınları
14:43 05 Avqust 2021
Nobelli şair məhkəməni uddu
14:01 05 Avqust 2021
"Çocuklar duymasın"ın Havuçu yanğınsöndürənlərə qoşuldu - Fotolar
13:12 05 Avqust 2021
Başı kəsilən Sevinci necə xilas edə bilərdik?
12:26 05 Avqust 2021
Əri evə başqa qadın gətirdi, efirə çıxarmaq üçün ona əxlaqsız təkliflər etdilər, iki uşağıyla ac-susuz qaldı – Səfil həyatı yaşayan xanəndəmiz
12:02 05 Avqust 2021
Flora Kərimovanı hədəfə alanların əsl siması – Sevda yazır...
11:01 05 Avqust 2021
Azərbaycanda yeni musiqi aləti yaradıldı - Foto
10:31 05 Avqust 2021
44 müəllifdən 44 ən yaxşı hekayə - Yeni layihə
10:01 05 Avqust 2021
Kosmik raketlərdən bəhs edən peyğəmbər hədisi – Zamin yazır...
09:00 05 Avqust 2021
Xalq artisti Rafiq Hüseynovun film kimi həyatı - Maraqlı faktlar
21:00 04 Avqust 2021
Amerikalı vokalçının “Qarabağ Azərbaycandır” klipinin təqdimatı keçirilib
18:45 04 Avqust 2021
Yanğın “Rəcəb İvedik”in evinə yaxınlaşdı – Qalmaqal düşdü
18:01 04 Avqust 2021
Onda mən də doyunca ağlaram - Güneydən hekayə
17:20 04 Avqust 2021
Könül Kərimova gileyləndi: "Nəfəsimiz kəsildi”
16:37 04 Avqust 2021