news-inner
clock08:45 calendar-gray 02 Mart 2015 view-gray699 dəfə oxunub
view-gray699 dəfə oxunub

Şairə Cığatel: “Evimiz yandı, şeir yazmağa başladım”

Kulis.az-ın “Misra qılıncı” layihəsinin qonağı şairə Cığateldir.

- Sizdən müsahibə götürmək istədiyimizi deyəndə narahatçılıq keçirdiyinizi gördüm. Hətta əlavə etdiniz ki, bəzi jurnalistlər qərəzli suallar verirlər. Bəlkə elə müsahibəyə burdan başlayaq... Qərəzli suallar verənlər kimlərdir və ümumiyyətlə qərəzli sual deyəndə nəyi nəzərdə tutursuz?

- Bəli qərəzli suallar verirlər. Kiminsə haqqında soruşurlar, şəxsi suallar verib, özəl həyatını car etmək istəyirlər. Hərçənd mənim özəl həyatım normal bir həyatdır.

Oğlum, qızım, gəlinim, nəvələrim, həyat yoldaşım...

- Bəs bu qəliz sualların məhz sizə verilməsinin səbəbi nədir?

- Bunu bütün tanınmışlara verirlər məncə. Bir də ki... Vallah bilmirəm məqsədləri nədir?

Amma elə gözəl jurnalistlər var ki, yaradıcılıq haqda olur söhbət...

- Dediniz ki, normal ailəniz var. Buna görə bu sualların mənə verilməyi düzgün deyil. Lap yaxşı. Sizin dediyinizdən belə çıxır ki, şəxsi həyatla bağlı suallar normal ailəsi olmayan adamlara verilməlidir eləmi?

- Əvvəla demədim düzgün deyil. Dedim ki, belə suallar verirlər. Deyəsən siz də qərəzlisiz. Yaxşı olar ki, yaradıcılıq haqda verəsiz sualları.

- Yox, nə qərəz. Bildiyimizə görə tamada kimi toylara gedirsiz. Sizə ilk qadın tamada demək olarmı?

- Xeyr, mən şairəm. Və sevənlərin istəyilə təbriklərim olur.

- Çığatel valideynlərin sizə verdiyi addır, yoxsa təxəllüs götürmüsünüz?

- Adımdır...

- Lap yaxşı. Bəs Facebookda adınızın yanına şairə və poeziya sözlərini yazmağınız hansı məqsədə xidmət edir?

- Bunu Markdan soruşun. Cığateldən sonra iki söz tələb etdi məndən. Əlacsız qalıb elə yazdıq.

- Nə vaxtdan şeir yazırsınız?

- Uşaq vaxtı bir neçə şer yazmışdım. Sonra 33 yaşımda evim yandı, şiddətli yazmağa başladım. Bu barədə dəfələrlə efirdən demişəm və hətta süjet də olub.

- Uşaq vaxtı yazdığınız şeirlər kimə yazılmışdı: valideynlərinizə, təbiətə, Vətənə, yoxsa...

- İlk şerimin adı "Qaranquş" olub. Sonra müəllimimə şeir yazmışam. Bir də 1982-ci ildə “Azərbaycan” adlı inşamı şeirlə yazıb 5/5 almışdım.

- Təbrik edirəm. 33 yaşından sonra yazdıqlarınızı kitab kimi çap etdirmək imkanı olubmu? Neçə kitabınız var?

- Təbrik üçün təşəkkür edirəm. Özümün imkanım olmayıb. Ağır günlər yaşamışam. Amma sağ olsun dəyər verən insanlar, kitabımın işıq üzü görməsinə kömək ediblər. Dörd kitabım çıxıb. Son-"Seçilmişlər" adlı kitabım seçmə şerlərdən ibarətdir ,"Kitab klubu”nun xahişi ilə çıxıb. Yəni kitab satış mərkəzlərindən almaq istəyən çox olub dediklərinə görə və çap etdilər. İndi satışda var.

- Yazıçılar Birliyinin üzvüsünüzmü?

- Bəli. 2005-ci ildən üzvüyəm.

- Dediz, həyatınız ağır keçib...

- Hə, uzun məsələdi. Çox imkanlı idik, evimiz yandan sonra müflis olmuşuq, yoldaşım xəstə olub. İndi yaxşıdır, şükür. Ailənin qəhri üzərimə düşüb, çox böyük əzabla böyütmüşəm övladları....

- Bu gün aşıq şeirinə birmənalı münasibət yoxdur, deyirlər köhnəliyin əlamətidir, bundan uzaqlaşmaq lazımdır. Siz necə düşünürsünüz?

- Qətiyyən elə düşünmürəm. Milli dəyərlərimizi qorumaq daha da gözəlləşdirmək lazımdır. Şeir hansı formada yazılır yazılsın əsas məntiq, məna və özəl olmalıdır. Belə olanda şerin janrı fərq etmir.

- Bu baxımdan qafiyəli, xalq şeiri yazan adam kimi sərbəst şeir yazan adamlara münasibətiniz maraqlı olardı...

- Məndə şeirin hər forması var sadəcə dillərdə gəzən o şerlərdir. Dedim axı əsas məntiqdir. Şerin içində məna varsa əlbəttə gözəldir münasibətim. Bax görürsünüz elə anlamadığımız xarici musiqilər var ki, dinlədikdən doymuruq. Çünki içində ruh var.

- Bilirsiz, bu Şəhriyar del Gerani, Qismət, Cəlil Cavanşir sizin kimi populyar olmaq üçün çox cəhd göstərirlər, ancaq sizin qədər məşhur ola bilmirlər. Sizcə bunun səbəbi nədir? Onların sərbəst şeir yazmağı yoxsa?

- Sərbəst yazan şairlərimizi bəyəm sevmirlər ki? Sevirlər əlbəttə. Bir də ki, mən məşhur olmağa heç cəhd eləmədim. Hər kəsin sevənləri var. İnanıram ki, onları da sevən çoxdur.

- Bəs sizi efirə bu qədər çox dəvət edirlər? Məsələn, elə hər gün deyirsiz efirdəyəm müsahibə verməyə vaxtım yoxdu.

- Bəli son vaxtlar çox dəvət etdilər. Bu mənlik deyil ki, sağ olsunlar, özləri dəvət edir. Təsadüfdən siz müsahibə almaq istərkən hər dəfə efir vaxtına düşdü.

- Sazda ifa edə bilirsiz?

- Çox sevirəm sazı, bir az öyrəndim vaxtım olmada tam öyrənməyə. 5-6 hava bilirəm, o da qeyri-mükəmməl.

- Çığalı təcnisləriniz varmı?

- Təcnis var, amma cığasızdır.

- Bir daha dünyaya gəlsəydiniz yenə şairliyi seçərdinizmi?

- Şairliyi Allah seçir. Mən alın yazımı yaşayıram sadəcə.

- Uğurlar, maraqlı müsahibəyə görə sağ olun.

- Buyurun. Razı qaldınızmı?

- Əlbəttə, təşəkkür edirəm.

- Mən də təşəkkür edirəm.

Oxşar xəbərlər

Xəbər lenti

“Bədii düşüncədə Qarabağ” kitabının təqdimatı olub
18:03 25 İyun 2021
Bu il neçə əsər əqli mülkiyyətdə qeydiyyatdan keçirilib? - Açıqlama
17:15 25 İyun 2021
Kanadalı silah ustasının Xalça Muzeyinə bağışladığı xəncərlərin təqdimatı olub
16:33 25 İyun 2021
Türklər Bakıda filmə başlayır: "Kurtlar vadisi"nin aktyorları da çəkiləcək
15:44 25 İyun 2021
Lent.az-ın baş redaktoru: “Biz redaksiyanın içində də rəqabət aparırıq” – Müsahibə
15:00 25 İyun 2021
Nizami ili çərçivəsində beynəlxalq elmi-praktik konfrans keçirildi
14:19 25 İyun 2021
Qız oxusucu ilə öpüşmək istəyən yazar, təqdimatına üç sevgilisi gələn şair, küsüb gedən aparıcılar – İmza günündən reportaj
13:40 25 İyun 2021
Bakida narkomaniyaya qarşı sərgi açıldı
13:01 25 İyun 2021
Bir yaşında atasını itirdi, anasıyla eyni gündə səhnəyə çıxdı, Cəfər Cabbarlı onun haqqında yazı yazdı - "Bəxtiyar" filminin Gülbacısı...
12:18 25 İyun 2021
30 qəpiyə xoşbəxt olmaq istəyirsiz?
11:44 25 İyun 2021
Berqmanın sevimli aktrisası Fəxri Oskar alacaq
11:13 25 İyun 2021
Teatr rəhbərləri ilə görüş keçirildi
10:36 25 İyun 2021
Lent.az 13 yaşını qeyd edir
10:11 25 İyun 2021
O gecə bibim mənə matəm libası tikdi – Bircə yazır…
09:00 25 İyun 2021
Onu repressiyadan Mirzə İbrahimov xilas etdi – Abdulla Şaiq haqqında maraqlı faktlar
21:00 24 İyun 2021
BMT-nin nümayəndəsi Bakıdakı erməni kilsəsində olub
19:02 24 İyun 2021
Nişanını qaytarıb qohumu ilə evləndi, sevgilisi damarlarını doğradı, arvadı ona görə özünü öldürdü – Video
18:15 24 İyun 2021
Nüsrət Kəsəmənlinin oğlu Şuşaya görə medal aldı
17:40 24 İyun 2021
Cinsi yolla çoxalma sona çatır: Seksdən qurtuluş
17:30 24 İyun 2021
Azərbaycanlı prodüser iş yerində öldü
16:47 24 İyun 2021