news-inner
clock15:26 calendar-gray 23 Fevral 2015 view-gray324 dəfə oxunub
view-gray324 dəfə oxunub

Başqasının xanımına şeir yazmaq

Kulis.az Kənan Hacının yeni şeirlərini təqdim edir.

Susmağı unutmaq

bu sevmək günah deyil, cəzadır, qadın,
zaman deyil,
sənsizlikdi keçib getməyən,
sənsizlik məni üz çevirib getdiyim

köhnə ünvana sürüdü,
bir torba ət kimi atıldım
o yoxluğun böyrünə,
böyük soyuducuya bənzəyən otaqda
buza döndü hissim, duyğum,
xoşbəxtliklə bədbəxtliyin arasında
vurnuxan sərsəriyəm indi,
xəyallar da doldura bilmir
bu soyuq boşluğu,
tənhalıqda susmağı da unutmuşam,
baş aparan qoca kimi
deyinirəm misra-misra,
sevgi sözdən cana keçməyəndə
cəzaya çevrilir, qadın,
məsələn, bu da cəzanın ən ağır növü:
başqasını xoşbəxt edən qadına
şeir yazmaq!..

*****

Xoşbəxtliyin səsi gəlir, özü görünmür,
hər gecə yatanda
qulaqlarım yerikləyir o səsə,
bəşəriyyətin ən avam arzusudu xoşbəxtlik...

sevgin daşa çırpılanda
bu qəzadan sağ çıxdınsa,
vay halına,
xilaskar donuna girmiş bədbəxtlikdi gələn,
bədbəxtlik anadan lal doğulub,
heç vaxt səsi çıxmaz,
xoşbəxtliyin səsi gəlir,
bədbəxtliyin dilini çevirir dilimizə...

Qürbət sıxıntısı...

Ayrılıq qürbətdi, Sevgi vətəndi,
Qürbətdə vətəni qoruyuram mən.
Ruhumu saxlaya bilmədim sənə,
quruca bədəni qoruyuram mən.

Dedim iki canı bir eləyək biz,
bir ömrün kirayə haqqını verək.
Bir qırıq sevincin əlindən tutub,
biz öz dərdimizi qoşa böyüdək.

Sən özün istədin bu ayrılığı,
taleyin xəbəri olmadı bizdən.
Biz artıq həyatdan doyduq, çəkildik,
Sevginin özüsə doymadı bizdən.

İndi bu ayrılıq lənət kimidi,
onu gəzdirirəm üstümdə hər gün.
Mən sənin qəlbindən ümid götürdüm,
faizi yığılır üstünə hər gün.

Mənə bu qürbəti sən bağışladın,
bu qərib qürbətin vətəni sənsən.
Ruhumu çarmıxa çəkdin, nə olar,
quru bədənimi xilas elə sən!..

******

Kölgəmi qoruyan divarlara,
keşiyimi çəkən qapılara,
ayağıma yad gələn yollara deyin ki,
insan sudur, axıb gedir,
divarları yıxıb gedir,
suyun qapısı olmur,
yolları yuyub gedir,
gedir, hopur torpağa...
suyun kölgəsi olmur,
suyun ləkəsi olur,
insanın itən yeridir su...

news-inner-user
Kənan Hacı

193 məqalə

Oxşar xəbərlər

Xəbər lenti

Xalq artisti Rafiq Hüseynovun film kimi həyatı - Maraqlı faktlar
21:00 04 Avqust 2021
Amerikalı vokalçının “Qarabağ Azərbaycandır” klipinin təqdimatı keçirilib
18:45 04 Avqust 2021
Yanğın “Rəcəb İvedik”in evinə yaxınlaşdı – Qalmaqal düşdü
18:01 04 Avqust 2021
Onda mən də doyunca ağlaram - Güneydən hekayə
17:20 04 Avqust 2021
Könül Kərimova gileyləndi: "Nəfəsimiz kəsildi”
16:37 04 Avqust 2021
Varisin romanı Türkiyədə çap olundu
15:55 04 Avqust 2021
Valideynlərindən icazəsiz evləndi, içki ailəsini dağıtdı, intim videosu yayıldı – Anar Nağılbazdan 10 fakt
15:00 04 Avqust 2021
41 yaşını qeyd edən kəlbəcərli şair: “Elə ən çətini də budur” - Müsahibə
14:20 04 Avqust 2021
Anar: “Məndən Təhminənin telefonunu istəyirlər”
13:30 04 Avqust 2021
Belarus qızı ovlamaq istəyirdim, dənizdə boğuldum – Gənc yazarın Antalya xatirəsi
12:30 04 Avqust 2021
Gənc rəssamlar üçün ustad dərsləri - Ödənişsiz
12:03 04 Avqust 2021
Azərbaycanlı şair Türkiyədəki yanğına şeir yazdı – Mətn
11:12 04 Avqust 2021
Atam öləndə mənə "iş" tapan müəllimim - Ayxan Ayvaz yazır
10:47 04 Avqust 2021
Yazıçı həmkarını sərt tənqid etdi: “Fiaskodur!”
10:03 04 Avqust 2021
İspanca çıxan “Nəsimi poeziyası” kitabı təqdim olunub
09:37 04 Avqust 2021
Sən əvvəl qoymurdun sevəm səni – Nərmin Kamaldan yeni şeirlər
09:01 04 Avqust 2021
Falçı ona cavan öləcəyini söyləmişdi – Zərdüşt Şəfinin kədərli həyatı
21:00 03 Avqust 2021
Milli Qəhrəman haqqında sənədli film çəkilib
19:00 03 Avqust 2021
Anar Kərimov Yunus Əmrə İnstitutunun nümayəndə heyətini qəbul edib
18:41 03 Avqust 2021
İki dil bilmək uşaqların nitqinə ziyandırmı?
18:21 03 Avqust 2021