writer1

Vüsalə Məmmədova

Məqalə sayı

51
clock11:11 calendar-gray 10 Fevral 2015 view-gray372 dəfə oxunub
view-gray372 dəfə oxunub

Sevimli Mikayıl-mənim hüzur mələyim

Mətləbə keçməzdən öncə bütün oxuculardan üzr istəyirəm, bu mövzuda yazdığım üçün…

Allahdan gizli deyil. Facebook dostlarımın da azdan-coxdan məlumatı var. Deyirəm, siz də agah olasınız.

Neçə müddətdir ki, üst mərtəbədəki qonşumuzun sayəsində nə zəlzələdən xəbər tuta bilirik, nə vəlvələdən. Bütün günü başımızın üstündə şıdırğı atılıb düşürlər.

Hərdən az qala, istəyirəm qalxıb deyim ki, bəlkə yoruldunuz, zəhmət olmasa, düşün aşağı, bir stəkan çayımızı için, ayaqlarınıza hayfınız gəlsin, beş-on dəqiqə oturun, özünüzə gəlin.

Yooo! Nə danışırsan, heç cür mümkün deyil!

Hay-küylərindən şikayətçi olduğumdan mənim heç salamımı almırlar, o ola ki, dəvətimi qəbul edələr!

İstirahətimiz, dincliyimiz bir yana, heç yazı yazmağa da imkan tapmıram.

Bütün günü şüşələr cingildəyir, çilçıraq silkələnib sanki divar boyu yeriyir və özümüz heç, gəlib gedəndən ayıb olur, qonaq-qaranın başı hərlənir.

Pultdakı yalnız “mute” düyməsinin yerini gözüyumulu tapsam da, vur-tut cəmi bir verilişin vaxtını əzbər bilirəm. Hətta səbirsizliklə gözləyirəm.

Hər həftənin birinci günü axşam Space kanalında bir mələk zühur edir. Mənim hüzur mələyim!

Saat 21:30-dan başlayaraq dərhal drel susur, laqonda söndürülür, mebellərin ayaq açıb gəzişməsi dayanır, tozsoranın səsi kəsilir, atılıb-düşmək yığışdırılır, qoqulu-moqulu söhbəti səngiyir və s. (Bir də nağara şapalaqlamaqları var, offf!) Əsil kübar ailələr sayağı bütün külfət bir nəfər kimi televizorun qabağına cəmləşir.

Və bizdə o saat hamı anlayır ki, hüzur mələyi artıq zühur edib, veriliş gedir.

Elə səssizliyi dadmaq istəyirik ki, bu vaxt da telefonlarımız başlayır. Dərdimizi bilən dost-tanış təbrik mesajı yollayır. Zəng vurub məzələnənlər də tapılır. Anlamaq mümkün, kənardan komik – filan görünə bilər, amma gerçəkdə, üzücü və ağlamalıdır...

İndi bu cümlələri də hüzur mələyimin efirdə olduğu vaxtdan yararlanaraq yazıram.

Belə ki, hazırda mənim iki arzumdan biri hüzur mələyimin zühur (qüsura baxmayın, verilişin adını bilmirəm) vaxtının bir neçə saat uzadılması, hətta həftə içi gündəlik verilişə keçirilməsidir. Bunu çox-çox istərdim.

İkinci arzum isə...

Əzizim Kulis.az ! Sənin ilk və sadiq oxucularındanam və kollektivinin üzvü olmaqdan qürur duyuram. Amma...

Mən səni mənim hüzur mələyimi müzakirə edəsən deyə seçmədim...

Mənimlə əməkdaşlıqdan imtina edə bilərsən, haqqındır! Amma oxucu kimi etiraz etmək haqqımı tanımaq da sənin borcundur!

Bir də onu deyim. Ötən həftəni demək olar ki, əsasən mənim hüzur mələyimə (Nə istəyirsiniz axı ondan? Ona tuşlanan nəzərlərinizi mənə ünvanlanmış hesab edirəm. Bilirsiniz ki, mənim üçün ancaq onun efiri vaxtı yazmaq imkanı yaranır) həsr etdiniz. Əzizlərim, mən axı sizdən öyrənmişəm ki, ədəbiyyat iynə ilə gor qazmaqla yaranır, belə məzmunlu müzakirələrlə yox!

Adamdan zorla qəhrəman düzəltməyin, lütfən...

Dostcasına təklif edirəm, gəlin mövzunu dəyişək! Qonşuma Mikayılı, mənə isə hüzur mələyimi çox görməyin!

Həm də, ən sadiq oxucunuz kimi, sizdən həqiqi müzakirə gözləyirəm!

Çox “konuşulan” müsahibəyə gəlincə, o oxumuş adamdı, yaxşı bilər, o məşhur kəlam necə idi? Hə, yadıma düşdü:

“İnsanı məhv etmək üçün cəmiyyətin gücü yetməz. İnsanı yalnız özü məhv edə bilər”.

REKLAM

Yazarın digər yazıları

Xəbər lenti

Məşhur meyxanaçı: "O işlə təkcə meyxanaçılar məşğul deyil ki" - Video
17:01 19 Sentyabr 2020
Rejissormuzun filmi Beynəlxalq Turizm Filmlər Festivalının qalibi oldu
15:51 19 Sentyabr 2020
Bitlz qrupu haqqında kitab çap olundu
14:41 19 Sentyabr 2020
Mənə möcüzə kimi görünən ədəbi hadisə - Elçin yazır...
13:30 19 Sentyabr 2020
Dörd min ildi dustağam - Adil Şirinin şeirləri
12:20 19 Sentyabr 2020
Dovlatovun heç yerdə çap olunmamış şeiri sərgiləndi
11:05 19 Sentyabr 2020
Respublika Uşaq kitabxanası yeni layihəsinin ilk mövzusunu Milli Musiqi Gününə həsr edib
09:59 19 Sentyabr 2020
Mətbəxdə cazibəsini itirən qadının dramı
09:00 19 Sentyabr 2020
Üzeyir Hacıbəyovun felyetonu: “Cin”
21:01 18 Sentyabr 2020
Açıq havada premyera oldu – İlk dəfə
19:01 18 Sentyabr 2020
Onlar "Ginnesin rekordlar kitabı"na daxil oldular - Fotolar
18:40 18 Sentyabr 2020
"Arşın mal alan" Bolqarıstan teatrında səhnəyə qoyuldu
18:00 18 Sentyabr 2020
Sarı camış - Kamal Abdulladan yeni hekayə
17:22 18 Sentyabr 2020
Azərbaycanın “Avroviziya-2021”də iştirakı təsdiqləndi
16:38 18 Sentyabr 2020
Üzeyir Hacıbəylinin xatirəsi anıldı
15:51 18 Sentyabr 2020
Dostunun qızıl saatını oğurlayan Vüqar, ərindən iyrənən Validə... – Səriyyə xala iş başında
15:10 18 Sentyabr 2020
“Qalatasaray”ın qələbəsinə sevinən kölə təfəkkürü – Sərdar yazır...
14:32 18 Sentyabr 2020
İntim görüntülərlə şantaj olunan qadın nə etməlidir?
13:39 18 Sentyabr 2020
Mədəniyyət Nazirliyi: "Fəxri adlara namizəd olanları müstəqil komissiya seçəcək"
13:10 18 Sentyabr 2020
Şabanın adı filmlərinin çəkildiyi küçəyə verilib
12:47 18 Sentyabr 2020