Kimdir gözləyənim o dünyada yolumu?!...

Kimdir gözləyənim o dünyada yolumu?!...
9 fevral 2015
# 15:48

Harda qaldı ölməyim?!..

Yaşamaqdan yorulanda

Hədən ölməyim gəlir

Bu dünyadan o dünyaya

Köçüb getməyim gəlir...

Amma elə bil ilişib,

Yolda qalıb,

Gəlib çıxmır ölüm də...

Suallarım da çoxalıb,

Lap qalmışam əlində...

Deyirəm ki,

görən kimdir gözləyənim,

O dünyada yolumu?!...

Bəs qapını kim açacaq üzümə?

Ölüm adlı mənzilində,

Kim qonaq saxlayacaq?...

Kimə baş çəkim birinci?

Məni görüb sevinəcək,

Orda neçə ölü var?

Bu dünyadan o dünyaya,

Görən necə gedib çatır adamlar?

Nə qədərdi məsafəsi,

Bu dünyayla, o dünya arasının?

Bir adı da doğulmaqsa ölməyin...

Ölüb necə doğulur bəs adamlar?

Adım insandısa əgər,

Bu dünyada son işimdi ölməyim...

Suallarım da çox oldu,

Gedim,

dəyim,

gəlim bəlkə?

Görüm yolun harasında,

Nə gözləyir?

Niyə gəlmir, ölməyim?!...

***

Dərdimə...

Mənim dərdlərimin yaşı kiçikdi

Ərköyün uşaqdı,

Tək yata bilmir...

Bilmirəm kimdəndir qorxu-ürküsü

Susub,

Ürəyimdə oturub,

Dinmir !..

Mənim dərdlərimin yaşı kiçikdi,

Qollarımda yatır,

Gecəbəgündüz...

Qorxuram inciyə,

Baş alıb qaça...

Amma nə yol bilir,

Nə də ki, iriz...

Mənim dərdlərimin yaşı kiçikdi...

Böyüyür!

Qocalıb,

Öləcək bir gün...

Yəqin o dünyada

İkimizin də,

Əbədi evini quracaq dərdim...

***

Adam qoxuyan dünya...

Nəyisə çatmır dünyanın...

Kimisə əksilir hər gün,

Havası da qəribədir,

Gor qazırlar adamları,

Allahı da, insanı da,

Yox olub, ölmüş kimidi...

Adamlar qazan qəbirə...

Hər gün bir insan gömülür...

İnsanı olmayan dünya,

Allaha qəbir kimidi...

Adamı çox!...

İnsanı qıt!...

Allahı qıt!...

Bu dünya adam qoxuyur...

Bir insanı, bir Allahı çatmır deyə...

Dünya da ağı oxuyur...

Nəyisə çatmır dünyanın...

# 2564 dəfə oxunub

Oxşar xəbərlər

Reinkarnasiya, aydınlanma, mantralar... - Selincerin yaradıcılığında buddizm fəlsəfəsi

Reinkarnasiya, aydınlanma, mantralar... - Selincerin yaradıcılığında buddizm fəlsəfəsi

10:27 15 noyabr 2026
Orxan Saffarinin romanında üzləşmək və oxumaq istəmədiyimiz məqamlar  – Nadir Yalçın

Orxan Saffarinin romanında üzləşmək və oxumaq istəmədiyimiz məqamlar – Nadir Yalçın

12:00 13 noyabr 2026
Müharibənin görünməyən qəhrəmanları – “404” romanı hansı yaraları yenidən açır?

Müharibənin görünməyən qəhrəmanları – “404” romanı hansı yaraları yenidən açır?

14:00 7 noyabr 2026
Dəliliyin ən havalı halı: Təbiətin sadəliyi ilə bütövləşib yaşamaq arzusu

Dəliliyin ən havalı halı: Təbiətin sadəliyi ilə bütövləşib yaşamaq arzusu

12:25 7 noyabr 2026
“Rəng mühəndisi”nin toz-dumanlı dünyası

“Rəng mühəndisi”nin toz-dumanlı dünyası

15:00 6 noyabr 2026
Natəvan Dəmirçioğlunun “Açar” romanı: dil və üslub xüsusiyyətləri - Leyla Məmmədəliyeva

Natəvan Dəmirçioğlunun “Açar” romanı: dil və üslub xüsusiyyətləri - Leyla Məmmədəliyeva

13:35 1 noyabr 2026
Ana səhifə Reels Yazarlar Xəbərlər