Şaxta Baba Yazıçılar Birliyində – YENİ İL ZARAFATI

Şaxta Baba Yazıçılar Birliyində – <span style="color:red;">YENİ İL ZARAFATI
25 dekabr 2014
# 08:30

Kulis.az tanınmış yazıçılarla yeni il zarafatını təqdim edir.

Köhnə söhbət

Şaxta Baba uzun yalvar-yaxardan sonra Anar müəllimin qəbuluna düşə bilir. Anar müəllim:

- İşim çoxdu, nahaq israr edirsiz, mənim üçün Şaxta Baba 40-cı illərdə qalıb...

Şaxta Baba:

- Ona qalsa Anar da mənim üçün 60-cı illərdədir... Dərinə getməyək, bir-biri yola verək, getsin...

Cavanşir Yusifli və Şaxta Baba

Tənqidçi Cavanşir Yusiflinin qapısı döyülür. Qalxıb açır... Şaxta Baba... Gülümsəyir:

- Mən Sartrı orijinaldan oxumuş adamam. Üstəlik bu qədər təcrübəm var. Şaxta Babaya inanası deyiləm indən sonra...

Şaxta Baba:

- Göz muncuğuna inanırsız, Şaxta Babaya yox?

Fikrət Qocanın tövbəsi

Xalq şairi Fikrət Qoca Yeni il ərəfəsi tövbə etmək istəyir. Ona görə işə gedərkən yolüstü kilsələrin birinə dönür:

- Müqəddəs ata, açığı, günahlarım çoxdur, hamı kimi... İstəyirəm, bu yaşdan sonra tövbə edim, yeni ildən başlayaraq dünya malından çox axirətimi düşünüm. Namaz qılım, oruc tutum, Quran oxuyum.

Keşiş:

- Siz məscidə getməlisiniz... Bura kilsədir...

Fikrət Qoca:

- Düzü, ora getmək istəyirdim, tıxaca düşdüm. Vaxt da azdır, çox tələsirəm. Biz bu gün 2015-ci ilin ev, təqaüd və fəxri ad siyahısını nazirliyə təqdim eləməliyik.

Keşiş:

- Siz artıq nirvanadasınız, inanın mənə. Tövbəyə-filana ehtiyac yoxdur...

Çingiz Abdullayevin Yeni il açıqlaması

Müxbir:

- Niyə çox vaxt Yeni ildə Parisə gedirsiz?

- Bilirsiz, Yeni il bizi Şerlok Holms kimi izləyir həmişə... Şərqdən Qərbə qovalayır hamımızı... Mən ilə 365 kitab yazıram. Ona görə bəzən çatdırmıram tamamlamağı. Təyyarəyə minib yaza-yaza Qərbə tərəf uçuram ki, ən azı üç-dörd saat vaxt qazanım.

- Oooo! İlə 365! – müxbir heyrətlənir – günə bir kitab edir bu!

- Yox! Elə il var 366 gündür. Belə olanda ildə cəmi bircə dəfə iki günə bir kitab düşür – deyə Çingiz Abdullayev dəqiqləşmə aparır.

Əsəd Cahangirin Dədə Qorqudu

Əsəd Cahangir səhər işə gələndə görür ki, iş yoldaşı Məmməd Orucun yerində ağ-uzun saqqallı nurani bir kişi oturub.

- Aaaa! Şaxta Baba! – deyib həyəcanlanır Əsəd müəllim.

Nurani kişi dillənir:

- Şaxta Baba deyiləm, Dədə Qorqudam! Gəldim deyəm ki, hansı qocanı tərifləyirsən, təriflə, öz işindir. Amma kimisə tərifləmək üçün məni ayaqaltı eləmə!

İlqar Fəhmiylə söhbət

- Alo! Salam, İlqar müəllim, sizi Azərbaycan Yeniilsevrələr Birliyindən narahat edirəm. Qısa adımız QATAR-dır...

- Salam! Axı düz gəlmir.

- Nə?

- Abbreviatura.

- Məmləkətdə hər şey yolundadır da, bircə bizim adımız qalıb?

Rəşad Məcidə zəng

- Salam! Rəşad Məcidlə danışmaq olar?

- Buyurun, eşidirəm.

- Sizə Şaxta Baba lazımdır?

- Yox. Bizim katiblər Şaxta Babadan daha yaşlı, daha xeyirxah, daha humanistdirlər. Ehtiyacımız yoxdur. Həm də ki, mən gənclər üzrə katibəm, gənc və istedadlı Qar Qızlar varsa, onları göndərin.

- Biri var, amma yaxşı yaza bilmir...

- Ağıllı olsun, yetər, yazılarını Qulu Ağsəsə yazdırarıq.

Rauf Aslanovun təcrübəsi

Yeni il ərəfəsi AYB gücləndirilmiş iş rejiminə keçir, hər yerə kamera yerləşdirilir, buraxılışa yeni, cantaraq mühafizəçi qoyurlar.

Birdən AYB sədrinin müşaviri Rauf Aslanovun daxili telefonuna zəng gəlir. Mühafizəçi:

- Rauf müəllim, bayaqdan bir Şaxta Baba gəlib, yuxarı çıxmaq istəyir, buraxmıram, siz çağırmamısız ki?

Rauf müəllim cəld girişi göstərən monitora baxıb qışqırır:

- Avara! O, Abbas Abdulladı eee... Şaxta Baba deyil. Dədə Qorquda oxşayan adam görsən, onu da burax. Fikrət Sadıq olacaq.

Mühafizəçi:

- Bəs Koroğlu gəlsə necə, İslam Sadığı buraxım?

# 3489 dəfə oxunub

Oxşar xəbərlər

Ölüm ayağında Sakit okeana qaçan yazıçı - Yerli əhalinin ona verdiyi sirli ad nə idi?

Ölüm ayağında Sakit okeana qaçan yazıçı - Yerli əhalinin ona verdiyi sirli ad nə idi?

16:00 15 noyabr 2026
"Amerika modernizminin anası"nın səhrada tapdığı sirr - "Qarğalı kanyon"

"Amerika modernizminin anası"nın səhrada tapdığı sirr - "Qarğalı kanyon"

13:45 15 noyabr 2026
Bağırov onu kabinetinə çağırıb dedi ki... - Məşədi İbadı oynayan Əliağa Ağayev niyə Fəxri Xiyabanda dəfn olunmadı?

Bağırov onu kabinetinə çağırıb dedi ki... - Məşədi İbadı oynayan Əliağa Ağayev niyə Fəxri Xiyabanda dəfn olunmadı?

10:00 13 noyabr 2026
Kino tarixinin unudulmaz performansları -  Bədən dili və mimikayla rol oynayan ən yaxşı sənətkarlar

Kino tarixinin unudulmaz performansları - Bədən dili və mimikayla rol oynayan ən yaxşı sənətkarlar

15:00 12 noyabr 2026
"Keçmişimdən kimisə qucaqlamaq istəyirəm..." - Edamdan qurtulan Dostoyevski qardaşına nə söz vermişdi?

"Keçmişimdən kimisə qucaqlamaq istəyirəm..." - Edamdan qurtulan Dostoyevski qardaşına nə söz vermişdi?

12:00 11 noyabr 2026
Qəhvə taciri, silah alverçisi, kəşfiyyatçı, şair Artur Rembo - Homoseksual sevgilisi onu niyə güllələmişdi?

Qəhvə taciri, silah alverçisi, kəşfiyyatçı, şair Artur Rembo - Homoseksual sevgilisi onu niyə güllələmişdi?

14:00 10 noyabr 2026
Ana səhifə Reels Yazarlar Xəbərlər