news-inner
clock13:08 calendar-gray 27 Noyabr 2014 view-gray1462 dəfə oxunub
view-gray1462 dəfə oxunub

İtimiz də öldü, yoxdu xəbərin...

Kulis.az istedadlı şair Şəhriyar del Geraninin “Köhnə şeirlər”ini təqdim edir

sonuncu sevgi şeiri...

sənnən mənə bircə küçə qaldı
çıxıb getməyə bu şəhərdən,
bircə dəniz qaldı unutmağa,
bircə pişiyimiz vardı darıxmağa,
sən bilmədin,
bir oğlan gələrdi hər axşamçağı
avtobus dayanacağına,
sən olmazdın,
sənsizlik yaşardı bütün dayanacaqlarda...

siqaret közərərdi barmaqlarında,
saçları pırtlaşıqdı,
çəkməsi deşikdi,
pencəyi inişilkidi...
təkcə unutmağı təzədi,
bəstəboydu, gözləri qonurdu,
sol yanağında batığı var unutmağının...

sən bilmədin,
bu şeir barışmaq üçündü,
hamıyla, tanrıyla,
yaşamınla da.
yəni, gülümsə qucaqlayıbən bütün gileyi
anamın canında dolaşan ağrıları kimi,
səhərəcən veyildənirdi Təbriz küləyi...


indi yığışıb təkadamlıq yatağıma,
nigaranlığıma toxunuram.
gecələr ağlamaq, düşünmək romantiklərin işidi
mənsə gecələr gülümsüyürəm.

uşaqlığım səadətlə keçib,
bunu özümsüzlüyümdə bilmişəm.
oyuncaqlarım olmayıb
anamın əlləriylə oynamışam.
saymaq öyrənmişəm,
əl tutmaq, əl öpmək, əl sığallamaq öyrənmişəm uşaqlığımda,
və bir də
oyuncaqsızlığımda.

səndən mənə bircə küçə qalmışdı
çıxıb getməyə bu şəhərdən,
bircə dəniz qalmışdı unutmağa,
bircə pişiyimiz vardı darıxmağa...

sən bilmədin,
bu şeir barışmaq üçünüydü,
hamıyla, tanrıyla,
yaşamınla da,
yəni gülümsə qucaqlayıbən bütün gileyi...
anamın canında dolaşan ağrıları kimi,
səhərəcən veyllənirdi Təbriz küləyi...


indi, yığışıb təkadamlıq çarpayıma,
gülümsüyürəm,
məktəb vaxtlarım da yaxşı keçib.
bunu da dünən xatırladıb böyük bacım.
yox, bufet tanımamışam,
çantamda iki dilim çörək olub həmişə.

məktəbli şəkillərində kənarda dayanmağım
bir az müharibə sonrasıydı,
bir az atamın borcuydu,
sələmçilərin döyməsiydi darvazamızı sakit qış günləri.
anam deyirdi:
onsuz da sonralar maraqsız görünür
aşağı sinif şəkilləri.
sonra boynumu qucub
yenə nəsə demək istəyirdi,
amma heç vaxt demədi...

indi boylanıb qalmışam
anamın əllərinə,
o iki dilim çörəyə,
bir də aşağı sinif şəkilllərinə...


sən bilmədin,
səndən mənə bircə küçə qaldı
çıxıb getməyə bu şəhərdən,
bircə dəniz qaldı unutmağa.
bircə pişiyimiz vardı darıxmağa…

hüznlüydü türkülər,
hüznlüydü filmlər,
istəklər də, ayrılıqlar da həminkiydi...

qayıda bilirsən qayıt,
bacarırsan gəl...
gəl unutdur şəkillərdəki səadəti,
gəl unutdur özünsüzlüyü,
dözümsüzlük yaşar otağımda, dözümsüzlük -
divara yumruq vurmaq kimi,
səhərə yaxın yatmaq,
günorta oyanmaq kimi səliqəsiz yaşantılar...
unutma,
sənə olan sevgimdə,
içib küçədə yıxılmaq da var...

sən bilmədin
bu şeir barışmaq üçünüydü,
hamıyla, tanrıyla, yaşamınla da,
yəni gülümsə qucaqlayıbən bütün gileyi,
anamın canında dolaşan ayrılıqları kimi
səhərəcən veyllənirdi Təbriz küləyi...

Təbriz 2012

Ömür dediyin...

ney qamışı çağıran tək
harayladım mən səni.
heç bilmədin uzaqların
harasında yoruldum...

namaz üstə təkrarlanan
dua kimi – adını
çəkib, döyüb dizlərimə
hücrələrdə duruldum...

buludlardan bezib yağan
bu sərsəri yağışlar,
göy üzünə qayıtmırsa
demək, olmur dediyin...

bir ömürlük darıxmaqdı
daha səndən sonrası.
pəncərədən boylanmaqdı
indi, ömür dediyin...

Yoxdu xəbərin...

başımı qatmışam gülüşlərinnən,
əcəb dolaşdırıb bu xəyal məni…
saçının küləyə gələn yerinnən,
arabir sığal çək, yada sal məni…

hələ sən gedəli qolum qurudu,
itimiz də öldü, yoxdu xəbərin…
qonşumuz Gülbacı nənə var idi,
onu da bu payız yağış apardı…

dalıyca ağlayan kimsəsi yoxdu,
təkcə, şüşəbənddə durub boylanan,
yağqabı dibçəklər yoldu gülünü.
mən də yasa batıb saqqal saxladım,
mənə hamı güldü, yoxdu xəbərin…
hələ sən gedəli qolum qurudu,
itimiz də öldü,
yoxdu xəbərin…

gəlib xatirələr ayağıyalın,
döyər gah qapını, gah pəncərəni,
gözləri üşüyən kor çəkməçiyəm,
bircə pərdəni çək… gör utan məni…
ikicə gözümnən sənə boylanan,
hansısa özünnən xəbər al məni…

hələ…
hələ sən gedəli qolum qurudu,
itimiz də öldü,
yoxdu xəbərin…

İmişli 2011

Oxşar xəbərlər

Xəbər lenti

Tanınmış yazıçı ilə görüş keçiriləcək
17:30 05 Avqust 2021
Axına qarşı üzmədən nəyəsə nail olmaq qeyri-mümkündür
17:01 05 Avqust 2021
Azərbaycanda etdiyi bu rəqsə görə Rafet El Romanı topa tutdular - Video
16:14 05 Avqust 2021
Rafiq Tağının qardaşı: “Anam qətlə yetirildiyini bilmirdi, ona qurban demişdi” – Müsahibə
15:21 05 Avqust 2021
Yaponiyada alovlanan olimpiya məşəli və Türkiyədəki meşə yanğınları
14:43 05 Avqust 2021
Nobelli şair məhkəməni uddu
14:01 05 Avqust 2021
"Çocuklar duymasın"ın Havuçu yanğınsöndürənlərə qoşuldu - Fotolar
13:12 05 Avqust 2021
Başı kəsilən Sevinci necə xilas edə bilərdik?
12:26 05 Avqust 2021
Əri evə başqa qadın gətirdi, efirə çıxarmaq üçün ona əxlaqsız təkliflər etdilər, iki uşağıyla ac-susuz qaldı – Səfil həyatı yaşayan xanəndəmiz
12:02 05 Avqust 2021
Flora Kərimovanı hədəfə alanların əsl siması – Sevda yazır...
11:01 05 Avqust 2021
Azərbaycanda yeni musiqi aləti yaradıldı - Foto
10:31 05 Avqust 2021
44 müəllifdən 44 ən yaxşı hekayə - Yeni layihə
10:01 05 Avqust 2021
Kosmik raketlərdən bəhs edən peyğəmbər hədisi – Zamin yazır...
09:00 05 Avqust 2021
Xalq artisti Rafiq Hüseynovun film kimi həyatı - Maraqlı faktlar
21:00 04 Avqust 2021
Amerikalı vokalçının “Qarabağ Azərbaycandır” klipinin təqdimatı keçirilib
18:45 04 Avqust 2021
Yanğın “Rəcəb İvedik”in evinə yaxınlaşdı – Qalmaqal düşdü
18:01 04 Avqust 2021
Onda mən də doyunca ağlaram - Güneydən hekayə
17:20 04 Avqust 2021
Könül Kərimova gileyləndi: "Nəfəsimiz kəsildi”
16:37 04 Avqust 2021
Varisin romanı Türkiyədə çap olundu
15:55 04 Avqust 2021
Valideynlərindən icazəsiz evləndi, içki ailəsini dağıtdı, intim videosu yayıldı – Anar Nağılbazdan 10 fakt
15:00 04 Avqust 2021