Obama məşhur aktrisaya eşq elan edib

Dünən Ağ Evdə təntənəli mərasim zamanı Barak Obama aktrisa Meril Stripi ABŞ-ın ali vətəndaş mükafatı- Azadlıq Medalı ilə təltif edib. Bu barədə Kulis.az spletnik.ru saytına istinadən xəbər verir.

Hollivud aktrisasının boynuna medal salarkən prezident emosiyalarını saxlamadan sevgi etirafı edib və deyib:“İstedadda aktrisanın tayı-bərabəri yoxdur. Mən buradan elan edirəm ki, Meril Stripi sevirəm. Bu barədə onun əri də, mənim arvadımMişel də bilir”

Striplə yanaşı medalla müğənni və bəstəkar Stiv Uander, yazıçı İzabel Alyende və başqa 15 laureat təltif olunub.

Azadlıq Prezident Medalı ABŞın iki ali mükafatından biridir və “ABŞ-ın milli maraqlarında, təhlükəsizliyinin təminatında, ictimai və mədəni irsinə göstərdiyi xidmətlərə görə” verilir.