writer1

Ömər Xəyyam

Məqalə sayı

47
clock09:28 calendar-gray 19 Noyabr 2014 view-gray1661 dəfə oxunub
view-gray1661 dəfə oxunub

Sidik analizində sevgi

Ömər:

- Motsartın fikrincə “Nə yüksək intellekt, nə təsəvvür, nə də bunlar ikisi birlikdə dahi yarada bilməz. Yalnızca sevgi, sevgi və sevgi dahinin ruhudur.” Bir qism yazıçılar, filosoflar bu hissi izah olunmaz və spontan, heç bir qanunauyğunluğa tabe olmayan hesab edir.

Xəyyam:

- “Kişi istənilən qadınla xoşbəxt ola bilər, əsas odur ki, ona aşiq olmasın” - deyirdi Oscar Vvilde. Bugünkü elm artıq sevgidən tutmuş nifrətə qədər bütün emosional halların izahını vermək qadirindədir. Elm bunu beyində baş verən biokimyəvi aktivliyin nəticəsi hesab edir. Hətta, 2007-ci ildə Bostonda açılmış tanışlıq agentliyi ora müraciət edənlərdən şəkil və şəxsi keyfiyyətlər tələb etmir. Onlar üçün sadəcə sidik və qan analizi kifayətdir. Vəd edirlər ki, mikrobioloji analizlər nəticəsində sizə elə əks cinsdən olan potensial sevgili tapa bilərlər ki, onunla 100 faiz xoşbəxt ola bilərsiniz.

Ömər:

- Bu fikirlər nə qədər inandırıcı, sistematik və təsdiqlənmiş olsa da, bu nəzəriyyədə bəzi boşluqların olduğu aydınca nəzərə çarpır. Belə ki, bu nəzəriyyə sırf qadın-kişi arasında olan intim münasibətlərin necə formalaşdığı sualını qismən cavablandırsa da, ana, ata, qardaş, dost və s. sevgisinin izahında çarəsiz qalır. İstənilən halda sadalanan sevgilər insan həyatının hər dövründə rastalanan və digər tərəfdən onun həyatının böyük bir hissəsini əhatə edən sevgilərdir. Bu sevgilər o tip sevgilərə aiddir ki, daha çox qurban tələb edir və eyni zamanda, daha çox qurban verir. Balasını xilas etmək üçün özünü qurban edən ana faktları saysızdır. Bunu analıq instinkti ilə əlaqələndirmək olar. Bəs o zaman sənin ataya və dosta, atanın və dostun sənə sevgisini necə izah etmək olar? Sizcə bu elə bir hiss deyilmi ki, təbiətin bizə yeritdiyi ən başlıca instinkt olan özünüqorumanı da sıradan çıxara biləcək qədər böyük bir emosional gücə malikdir?

Xəyyam:

- Elm sevgi prosesinin özünə məxsus izahını verir. Belə ki, əks cinsi görən fərdlərin limbik sistemi fəaliyyətə keçir və qana adrenalin ifrazını təmin edir. Bunun nəticəsində ürək döyüntüsü artır və sifət qızarmağa başlayır. Bu, digər cinsdən olan fərd üçün bir növ siqnaldır. Daha sonra testesteron ifrazı artır. Testesteron tərlə çölə çıxır və bu zaman angesterona çevrilir. Angesteron dəri səthinda olan bakteriyalar tərəfindən mənimsənir və xüsusi qaz ifraz edir. Hər insanın bakteriya fonu fərqli olduğu üçün ifraz olunan qazda özünəməxsus qoxu fərqi olur. Bu qoxu sırf əks cinsin marağını cəlb etmək üçün ifraz olunur. Əgər bu qoxu əks cinsdə xoş təəssüratlar yaradırsa, bu onun da limbik sistemini həyata keçirir. Sonrakı proseslər isə sırf nəsil artırma məqsədinə xidmət edir. Yəni, baş verən bütün proseslər sırf təkamülün tələbi ilə növbəti nəslin formalaşmasına xidmət edir. Araşdırmalar göstərir ki, hər iki cins seks istəyir deyə, bunu sevgi kimi təsvir edir. Çünki kişilərin və qadınların sevə biləcəyi tiplər sistematk olaraq məlumdur. Kişilərin əksəriyyəti bel və omba nisbəti 3:4 nisbətində olan xanımları fiziki olaraq daha cazibədar hesab edirlər. Eyni zamanda, cazibədarlıq kriteriyasına dolğun saçlar, dodaqlar, simmetrik üz quruluşu, sıx qaşlar və döşlər daxildir. Bu kişi üçün potensial olaraq daha yaxşı və sağlam nəsil yaranma imkanının olmasını göstərir. Kişilər bunu instinktiv olaraq duyurlar. Eyni şey qadınlara da aiddir. Qadınlar daha çox əzələli, enli kürəkli, böyük sinəli, möhkəm qollu və özündən arxayın kişiləri cəlbedici hesab edirlər. Bu da eyni zamanda qadın üçün instinktiv olaraq sağlam nəslin yetişmə ehtimalına işarədir.

Ömər:

- Qeyd etdin ki, sevgi üçün fizioloji göstəricilər əsasdır. Daha doğrusu, bu fizioloji göstəricilər cütlüklərin və əlaqələrin qurulmasında əsas qanunu təşkil edir. Ancaq bunun əksini göstərən faktlar var ki, bu nəzəriyyə ilə nəinki uyğunluq təşkil edir, eyni zamanda onu bir növ alt-üst edir. İstəsən araşdır dediyimi. Götürək Nik Vuyçiçi. Onun qolları və ayaqları yoxdur. Sadəcə bir ayağı rudiment kimi qalıb. Ancaq bu Kanae Miaxarenin onu sevməsi üçün əngəl deyil. Onların artıq uşaqları da var. Sonra Kenni İsterdey – ayaqları yoxdur. Bu da onun sevməsi, eyni zamanda sevilməsi üçün əngəl deyil. O da Nik kimi artıq övlad sevgisini dadır. Bu faktlar seks üçün sevgi və fizioloji olaraq daha sağlam fərdlə birlikdəlik fundamental anlayışları ilə total ziddiyyət təşkil edir.

Xəyyam:

- Elmi cəhətdən təsdiqlənib ki, sevgililərdə serotonin hormonu ifrazı artır. Bu hormonun xüsusiliyi ondandır ki, o, yalnız sevdiyi şəxsi vizual olaraq görən adamlarda formalaşır. Yəni siz sevgilinizi görürsüz və bədəniniz serotonin bolluğuna düşür. Sevgilinizi görmürsünüz və ya səsini eşitmirsiz onun ifrazı dayanır. Bədəninizdə serotonin aclığı yaranır. Yəni sevgiliniz sizin üçün bir növ doza rolunu oynayır. Yəni hər şey əvvəldə qeyd etdiyim kimi beyin səviyyəsində biokimyəvi balansın dəyişməsi ilə baş verir. Sevgi deyilən hadisə sırf limbik sistem, hipotalamus və hipofizin yaratdığı hormonal kokteyllər əsasında formalaşır. Sevginin bu cür matereallaşa bilməsi və izaha yatımlı olması sizin üçün ümumi sevgi dəyərində ucuzlaşma hissi yaratmır ki?

Ömər:

- Sevginin sırf sekslə əlaqələndirilməsi, mənim fikrimcə, düzgün deyil. Yəni sevgi sonu sekslə izah olunacaq bir proses deyil. Necə deyərlər, sevginin yataq otağı yoxdur. Bunun dünyada real nümunələri də var. Aseksuallar. Bu adamlar seksə yox deyən kəslərdir. Çox qeyri-adi səslənsə də, aseksual cütlüklər, eyni zamanda evliliklər də mövcuddur. Paul və Amanda. Onların hər ikisi aseksualdı və buna baxmayaraq evlidirlər. Hal hazırda da bir birlərini sevirlər. Jenni və Tim. Bu evlilikdə isə Jennidən fərqli olaraq Tim aseksual deyil. Sadəcə Jenniyə görə o, öz seksual tələbatlarından əl çəkib. Bu cütlükləri göstərməkdə məqsəd heç də bu orientasiyanın reklamı və bu seçimə marağın artırılması deyil. Sadəcə real sevgi hekayələrinin çatdırılmasıdır. Bu cür cütlüklərin sayı dünyada kifayət qədərdir. Eyni zamanda, nəsil artırma instinkti eynicinsli sevgilər zamanı da qeyri-realdır. Bu qeyri ənənəvi orientasiyaya əsaslanan cütlüklərdə əsas və ümumi faktor sevginin olmasıdır.

Xəyyam:

- Əlaqələrdə əsas katalizator rolunu maddiyyat təşkil edir. Bu gün puluna görə yaşlı kişilər və qadınlarla evlənənlərin sayı heç də az deyil. Eyni zamanda bütün qadınların arzusunu varlı ər, böyük villalar, zinət əşyaları, bahalı maşınlar və geyimlər bəzəyir. Bu, sırf qorunma instinktinin sevgi emosiyasını almasına görə baş verir. Sevginin dəyəri var və sevgini barter etmək olar.

Ömər:

- Oşo deyirdi ki, sevgi möcüzədir. Əgər həyatınızda real elmin belə tam izah edə bilmədiyi bir möcüzə yaşamaq istəyirsinizsə, yaşınızdan və kimliyinizdən asılı olmayaraq sevin. Sizin sevginiz növbəti sevgilərin təməli olsun.

Xəyyam:

- Hər nə qədər biokimyəvi fon dəyişikliyi olsa da hamının bu hissi yaşamaq haqqı var. Və bilmək olmaz bəlkə də bu beyin aktivliyi ya da instinktiv seçim sizi ömrünüzün sonuna qədər xoşbəxt etdi. Ona görə də, beyninizi işlətməyi və dinləməyi unutmayın.

REKLAM

Yazarın digər yazıları

Xəbər lenti

Biz tərəflər – Şərif Ağayardan hekayə
16:30 31 İyul 2021
"Memati" yeni serialda rol alacaq
15:00 31 İyul 2021
Aydın Xırdalanlı ölüm anında hansı videoya baxıb – Maraqlı Faktlar
13:30 31 İyul 2021
ADU-da Pakistan Mədəniyyət Mərkəzinin açılışı olub
12:52 31 İyul 2021
Flora Kərimova "Şərəf" ordeni ilə təltif olundu
11:48 31 İyul 2021
Ayaz Salayev: "O Ittifaqın başında bizə yaraşmayan insan dayanıb" - Müsahibə
11:33 31 İyul 2021
Tünzalə Ağayeva Türkiyəyə yardım göndərdi
10:26 31 İyul 2021
Ən başıbəlalı mahnımız: Onu Fatimeyi-Zəhraya, Şah İsmayıla və Cəfər Cabbarlıya nə bağlayır?
09:02 31 İyul 2021
Facebookda tənha insanları necə tanımaq olar?
21:00 30 İyul 2021
Ssenaristlər üçün Yay Məktəbi təşkil olunur
19:00 30 İyul 2021
Şəhidlərə həsr olunmuş kitab işıq üzü görüb
18:05 30 İyul 2021
Ürək dil acır ki, sönməmiş odum - Səməd Vurğundan şeir çələngi
17:30 30 İyul 2021
Qısa hekayə: Yanğın
16:23 30 İyul 2021
Hüquqşünas teatra rəhbər gəldi
15:30 30 İyul 2021
Xalqı efirdən partizan hərəkatına çağıran Xalq artisti - O, İlhamə Quliyeva ilə eşq yaşamışdımı?
14:26 30 İyul 2021
Türkiyə evimizdir - evimiz yanır
13:51 30 İyul 2021
Rejissorumuz beynəlxalq festivalda jüri sədri oldu
13:06 30 İyul 2021
İçimizi yanır! – Türk sənətçilərin yanğın harayı
12:20 30 İyul 2021
Yazıçımız Beynəlxalq ədəbiyyat festivalında qalib gəldi
11:41 30 İyul 2021
Ssenarimiz Ukraynada ən yüksək balı topladı
11:05 30 İyul 2021