Uğur qazanmaq üçün hələ yaşınızın az olduğunu düşünürsünüz, amma dünyada 28 yaşında uğur qazanmış və dünya tarixinə adını yazdırmış insanlar var.

Kulis.az 28 yaşında uğur qazanmışların siyahısını təqdim edir.

1. “Bitlz”dan ayrılan Pol MakKartinin ilk solo albomu yayımlananda 28 yaşının tamam olmasına bir həftə var idi.

2. Aristotelin ağır əşyalar yüngüllərdən daha sürətlə düşür arqumentinin yanlışlığını isbat edəndə Qalileyin 28 yaşı var idi.

3. Əslində göz həkimi olan Ludviq Zamenhof beynəlxalq dil olan Esperantonu yaradanda 28 yaşındaydı.

4. “İnsanın yaradılışı”nın müəllifi Mikelancelo heykəltəraş olmağa qərar verəndə 28 yaşı var idi.

5. Fridrix Nitsşe ilk kitabı olan “Tragediyanın doğuluşu”nu 28 yaşında tamamlamışdı.

6. Çarlz Dikkenz dördüncü romanı “Əntiq dükanı”na bu yaşda başlamışdı.

7. Bernard Reyman özünün geometriya nəzəriyyəsinə aid dərslərinə 28 yaşında başlamışdı, bu Eynşteynin nisbilik nəzəriyyəsi üçün mənbə olacaqdı.

8. Devid Boui 28 yaşında olarkən “Fame” mahnısı ilə Amerikada birinci yerə çıxmışdı.

9. Uilyam Şekspir “Yanlışlıqlar komediyası”, “Titus Andronicus” kimi əsərlərini təxminən bu yaşda yazıb.

10. Ceyms Coys “Gənc rəssamın portreti”ni yayımlayanda 28 yaşı var idi, sonra isə “Uliss”i yazmağa başlayıb.

11. Mark Zukerberq “Facebook”u yaradanda 28 yaşı var idi.

12. Tarantino ilk filmini məhz bu yaşda çəkib.

13. Orson Uelles 28 yaşında “Vətəndaş Keyn”i çəkmişdi.

14. Elizabet Teylor məhz bu yaşında ilk dəfə “Oskar” almışdı və “Kleopatra” filmi üçün müqavilə imzalayanda ən çox qazanan aktrisa olmuşdu.

15. İxtiraçı Eli Uitni 28 yaşında olarkən pambıqyığan maşını ixtira etmişdi.

16. Görkəmli yazıçımız Cəlil Məmmədquluzadə "Danabaş kəndinin əhvalatları"nı yazanda 28 yaşı vardı.

• Builki Qonkur mükafatçısı: "Romanımın bir hissəsini süni intellektlə yazmışam" - Qalmaqal
• “Görünən və görünməyən Səməd Vurğun” - Şairin ev muzeyində
• Şekspirin müəllifliyi ilə bağlı yeni araşdırma tarixə yenidən baxmağa əsas verir