writer1

Səxavət Sahil

Məqalə sayı

18
clock14:07 calendar-gray 29 Sentyabr 2014 view-gray1473 dəfə oxunub
view-gray1473 dəfə oxunub

Sosial şəbəkələrdəki xoşbəxtlik

Qədim Çin mifologiyasında belə bir əfsanə var. İmperator uzun axtarışlardan sonra, əbədi xoşbəxtliyə çatmaq üçün xoşbəxtik quşunu tapmağa nail olur və onu sevimli arvadına bağışlayır. İmperatorun xanımı isə əbədi xoşbəxtlik diləmək əvəzinə, quşun başını üzüb hamını təəccübləndirir.

Lətifəsi bizim qadınlardan uzaq olsun, amma öz aramızdı bizdə də həmən bu imperatorun qadını kimi düşünənlər var.

Əvvəla yazım ki, hər bir Adəm övladı, xüsusən də Həvva xanımın nəvə-nəticələri sayılan qadınların xoşbəxt olmağa, xoşbəxt yaşamağa haqqı var. Di gəl xoşbəxtlik elə zaddı ki, onu ən yaxşı halda bir günlük kəpənəyə bənzətmək olar. Ekspertlərin sözü olmasın, bu mənim subyektiv fikrimdi. Kiminsə bəxtinin xoş olmasına kəm baxmaq fikrindən Çin ü Maçin qədər uzağam. Xoşbəxtlik kəpənək ömürlüdür ona görə ki, bu daha çox hisslə bağlıdı və ən çox da üstündən keçəndən sonra “adama çatır”. Pis çıxmasın uşaq doğan, onu böyüdən, üstəlik də bütün gününü mətbəxdə keçirən qadın neçə xoşbəxt ola bilər? Əgər ana olmaq xoşbəxtlikdirsə, qadın həyat yoldaşına dadlı xörək bişirib onun ürəyinə yol tapmaq üçün mədəsinə “girənlik edirsə”, onda bütün qadınları xoşbəxt adlandırmaq olar. Bu əgər belədirsə qadınların xoşbəxtlik axtarışları, mübarizələri cəfəngiyatdan savayı bir şey deyil.

Bir də görürsən bir qadın sosial şəbəkədə övladının şəkilini paylaşır, altından da yazır: “Ömrümün mənası, yaşamağımın səbəbi”. İstəməyən kor olsun! “Like”lər başlayır, “Allah saxlasın!”lar quyruq-quyruğa düzülür. Hamı onun sevincinə şərik olur.

Bir neçə gündən sonra yenə bir şəkil paylaşır. Bu dəfə o N saylı şadlıq evində, ya da hansısa restoranda həyat yoldaşı ilə birgə fotosunu yayımlayır. Altından da yazır: “Mən çox xoşbəxtəm!” Buna da əhsən! Buna yalnız sevinmək olar. Yalan deyirəmsə telefonuma ömürbillah zəng çatmasın.

Bir neçə gündən sonra isə daha bir şəkil paylaşır. Təqribən “tənhayam və kədərliyəm” janrında belə bir foto: Yağış damlalarının qonduğu pəncərənin önündə oturan naməlum qız gözlərini sonsuz boşluğa dikərək qəmli-qəmli susmaqdadır.

Sonra başlayır “qanlı-qadalı statuslar” yazmağa: “Bütün kişilər etibarsızdı...”, “Tənhalar okeanında, Tənha adlı gəmidə tək-tənha üzməklə məşğulam...”, “Yalnızlıqla baş-başayam...” və s.

Oğul deyirəm indi bundan baş açsın. Ay başına dönüm, uşağının, ərinin şəklini paylaşmaq nədi? Bu pəncərə önündəki qəmli qız şəkli nədi? Bu “qanlı-qadalı statuslar” nədi? Necə başa düşəsən, hansı nəticəni çıxarasan, bilmirsən. Bu xoşbəxtdi, yoxsa bədbəxtdi? Freyd olmur, lap Sokratın özü dirilib gəlsin, yenə xeyri yoxdu.

Yeri gəlmişkən, yazım ki, qonşu qızını sevən, evlənənə qədər sevgilisinə 1500-dən artıq məktub yazan Ziqmund Freyd isə qadın psixologiyasını 30 il araşdırmasına baxmayaraq “Qadın nə istəyir?” sualına cavab tapa bilməmişdi.

Bu şəkil paylaşmaq və “qanlı-qadalı statuslar” yazmaq məsələsi elə ciddi görünməsə də, inandırım ki, onların psixoloji vəziyyətini, durumunu çox gözəl və dəqiqliklə ifadə eləyir. Bunu mən demirəm, sınaqdan çıxan təcrübələr də deyir, üstəlik elm də imzalayıb təsdiqləyir.

Adama deyərlər sənə nə lazımdı? Ərin var? Var. Uşağın var? Var. Daha nə istəyirsən? Ailə qurmağı, ana olmağı xoşbəxtlik sayırsansa, ayrı nə lazımdı?

Bundan sonra o xoşbəxtlik qələt eləyər bir də sən tərəfə ayaq basar.

Siz də məni bağışlayın, pis çıxmasın, bəlkə oynaş istəyirsən? Bəlkə sən də bəziləri kimi ərli-oynaşlı olmağı düşünürsən? Bəlkə işarələr verirsən, biz bilmirik, kodlar ötürürsən? Pullu-mallı oynaşlar gəzirsən?

Bəs onda hara getdi “mən çox xoşbəxtəm”lər? Belə xoşbəxtlik olar?

Elə dərd çəkənsənsə, saralıb-solursansa ayrıl, boşan, get xoşbəxt ol da. Həm ər istəyirsən, həm uşaq istəyisən, həm də oynaş-moynaş?

Bu yerdə məşhur ispan dramaturqu Lope de Veqaya rəhmət oxuyub onun “Nə yardan doyur, nə əldən qoyur” əsərini yada salmaq lazımdı.

Heç kim özünə götürməsin, amma həqiqətən nə istədiyini bilməyən, xoşbəxtlik adlı qatara ömürlük sərnişin olmaq istəyən qadınlar yetərincədir. Arzular sonsuz, istəklər tükənməzdir. Xoşbəxtliyi tapıb, sonra onu bədbəxtliyə çevirmək qadın üçün saatın əqrəbini bir rəqəm qabağa çəkmək qədər asandı.

Hərdən bir fikirləşirəm ki, Tolstoy kimi nəhəng yazıçını ahıl çağında evindən qaçmağa məcbur edən qadın, görəsən ondan nə istəyirdi? Görəsən qrafiniyanını nəyə ehtiyacı varıydı?

REKLAM

Yazarın digər yazıları

Xəbər lenti

Bu gün “Vətən borcu” filminin premyerası olacaq
15:51 13 İyul 2020
Tənqidin sərhədləri - Qismətin Tomas Eliotdan tərcüməsi...
15:10 13 İyul 2020
Məşhur müğənni kitab yazdı
14:25 13 İyul 2020
Bollivud ulduzu koronavirusa yoluxdu
13:37 13 İyul 2020
Elvis Preslinin nəvəsi intihar etdi
12:56 13 İyul 2020
Qanıyla torpağa “Qarabağ” yazan, son nəfəsdə şikəstə oxuyan, mina ilə tankın altına sürünən Azərbaycan əsgəri – Müharibə əhvalatları
12:15 13 İyul 2020
Ötən günün müharibə həyəcanı - Samirə Əşrəf yazır...
11:37 13 İyul 2020
Gevorkovun bacısı qızı ilə gəzən azərbaycanlı – Mahir yazır...
11:05 13 İyul 2020
Məşhur rəsm əsəri 22 milyon dollara satıldı
10:30 13 İyul 2020
Yazıçımızın hekayəsi Gürcüstan ədəbiyyat portalında
09:34 13 İyul 2020
“Mücrü” jurnalının baş redaktoru: “Ayağım nəşriyyata düşərli olmadı” – Müsahibə
09:00 13 İyul 2020
Xalq artisti koronavirusa yoluxdu
14:28 12 İyul 2020
Qızını ölən qızının həyat yoldaşına verdi, oğlu intihar etdi, nəvəsi güllələndi... – Axundov haqqında inanılmaz faktlar
12:15 12 İyul 2020
Anar özünün ən uğurlu hekayəsini seçdi – Mətn
11:44 12 İyul 2020
190 manatlıq qarpızı təpikləyən yutuber
19:41 11 İyul 2020
Əruz vəznində yazılmış ən gözəl təbiət şeiri - Mətn
17:01 11 İyul 2020
Kəramət Böyükçöl: "Məşhurluğumun arxasında dura bilmirəm" - Video
16:29 11 İyul 2020
Özgə adam - Xəyyam Rəfilinin hekayəsi
15:42 11 İyul 2020
Polşa fondu Bakıda müsabiqə elan etdi
14:51 11 İyul 2020
İcazə verək, insanlar Allahlarıyla dalaşsın
14:07 11 İyul 2020