writer1

Sevda Sultanova

Məqalə sayı

860
clock12:45 calendar-gray 29 Sentyabr 2014 view-gray3677 dəfə oxunub
view-gray3677 dəfə oxunub

Meşşan qadınlarımız

“Patrisiya:

- Sən mənə “Dior”dan don alarsan?

Mişel:

- Heç vaxt. Ən yaxşı donlar hazır geyimlərin satıldığı dükanlarda olur. Yox, “Dior”dan don almaq lazım deyil”.

Jan Lyuk Qodarın “Son nəfəsdə” filmindən

Facebookda - Çe Gevaranın rəsminin fonunda sanki hansısa firmanın məhsulunu reklam edirmiş kimi poz verən gənc qızın profilinə rastladım.

Bərabərlik, sosial ədalət, insan istismarına, kapitalizmə qarşı mübarizə aparan Çe Gevara ilə moda industriyasının təbliği ruhunda nümayişkaranə poz verən gənc qız arasında əlaqə tapmağa çalışıram.

Ən asan, məntiqli cavabın üzərinə dayanıram: qadın təbiətcə burjuadır.

Məsələn, biz Çe Gevaranın təsviri olan boyunbağı taxırıq və ya köynək geyirik, amma bu zaman onun şəxsiyyəti, mübarizəsinin motivləri bizi maraqlandırmır. Çünki onun adı hər şeydən əvvəl bizim üçün populyar markadır, brenddir. Gevara fondur və biz bu fonda mümkün qədər özümüzü qabartmağa çalışırıq. Və bu halda kapitalizm dünyasının alğı-satqı obyektinə çevirdiyi Çe Gevaranın şəxsiyyəti ikinci plana keçir.

Sosial şəbəkələrdə qadınların paylaşdığı fotolarda meşşanlıq intonasiyası güclüdür. Fotolarda qadın hamıdan yaxşı, fərqli, çəkici görünmək iddiasındadır. Qiyafətlərini, aksessuarlarını, ayaqqabılarını və bunların marka olduğunu xüsusi vurğulamaq istəyir. Aldıqları geyimləri sosial şəbəkədə paylaşmaq da məhz qadınlara məxsusdur.

Tanış bir qadın var. Yeni aldığı donu geyinən gün etiraz aksiyasına cağırılmışdı. Çox düşünüb daşındıqdan sonra getməkdən vaz keçdi. Düşündü ki, birdən orda nəsə baş verər, qarışıqlıq yaranar, arada donun cırılar, ya ləkə düşər.

Keçən il idi deyəsən. Qan Turalı, Seyfəddin Hüseynli, Qismətlə eyni məclisdəydik. Onlar hansısa ədəbi əsəri müzakirə edirdilər. Arada üzümə baxıb danışır, fikirlərinin təsdiqini tapmağa çalışırdılar. Mən də özümü guya onları dinləyirəmmiş kimi göstərirdim, yalandan başımı tərpədirdim. Əslində başqa şey düşünürdüm. Beynimdə şüur axını fırtınası baş verirdi yenə : “Nə darıxdırıcı söhbətlər edirlər, intellektual-kitab kişilər bu söhbətlərlə adamın ömrünü çürüdərlər. Görəsən, özümə necə dodaq boyası alım, birdən mağaza bağlanar, mütləq bu gün almalıyam. Hələ aptekdən də gün kremi, kokos, şaftalı, itburnu yağı almaq lazımdır. Ay Allah, başım da ağrımağa vaxt tapdı, gedən kimi lavanda vannasında dincəlmək lazımdır, yoxsa vaxtından əvvəl qocalaram”.

Qadın formaya, görüntüyə önəm verir. Onun üçün gözəl görünmək, markalardan geyinmək sosial statusdur. Özünü təsdiqdir. Natamam eqosunu tumarlamaqdır.

Təsadüfi deyil ki, reklam, moda və gözəllik sənayesinin əsas siması, qəhrəmanı qadındır.

Amerika yazıçısı, siyasi fəal, qalmaqallı feministlərdən biri Naomi Vulf “Gözəllik haqda mif” əsərində müasir dünyada norma sayılan gözəllik anlayışını yeni baxış bucağından araşdırır. Vulfa görə kişi dünyası qadını məqsədli şəkildə gözəlliyin əsiri edir.

Mövcud situasiyada kişi təklif və manipulyasiya edəndir. Qadın isə ona könüllü təslim olan, ətalətdə yaşamaq istəyəndir. Qadın alternativ təkliflər vermək istəmir. Çünki meşşanlığı mahiyyəti diktə edir.

Məqaləni yaza-yaza beynimin bir hissəsində tamam başqa şeylər dolaşır. Paralel olaraq düşünürdüm ki, sabahkı məclisə hansı qiyafətlə gedim, hava quru olsa əla olardı, burnu açıq tufli, yüngül jaket, mavi-qırmızı güllü şarfımı geyərdim və s.

Bir əlim klaviaturada qeyri-ixtiyari çönüb sabah havanın necə olacağını soruşuram. Səbəbini deyəndə, Mimehdi “Siz qadınlar busuz da. Elə ona görə də filosof çıxmayıb aranızdan. Yəqin Vircinya Vulf da roman yazanda toya nə geyinəcəyini düşünürmüş”.

REKLAM

Yazarın digər yazıları

Xəbər lenti

Ədəbiyyat tariximizə qızıl hərflərlə yazılan misralar: 5 seçmə şeir
17:20 08 May 2021
Azərbaycanlı musiqiçi vəfat etdi
16:20 08 May 2021
Gənc yazardan yeni hekayə: Şlaqbaum
15:39 08 May 2021
Aktyor kitabxananın qonağı oldu
15:01 08 May 2021
Musa Yaquba sevgi və iztirabla - Kamal Abdulla yazır...
14:20 08 May 2021
Çingiz Hüseynovun ən çox sevdiyi 10 roman - Siyahı
13:36 08 May 2021
Xalq şairi Musa Yaqub dəfn olunub - Fotolar
12:37 08 May 2021
Şeir yazmağa Stalinə görə başladı, evli ola-ola bir qadına vuruldu, arvadı sevgilisinə yazdığı şeirləri gizli oxudu – Musa Yaqubun nağıl kimi həyatı
12:30 08 May 2021
Xalq artisti koronavirusdan dünyasını dəyişdi
11:38 08 May 2021
Şuşanın Mədəniyyət paytaxtı elan olunmasının 10 tarixi dərsi
11:10 08 May 2021
Ölən adamdan şair olar? - Gənc şair Fikrət Qocaya şeir həsr etdi
10:35 08 May 2021
Qətlə yetirilmək istərdim: Gecənin qaranlığında... Bıçaqla...
10:05 08 May 2021
2021-ci ilin “Oskar” saxtakarlığı – Sevda Sultanovadan sərt tənqid
09:00 08 May 2021
Jurnalist Fulya haqqında film çəkiləcək
18:56 07 May 2021
Sabir Rüstəmxanlıdan təsirli sözlər: “Əlvida, əziz qardaş!”
18:08 07 May 2021
Nizami Gəncəvi və Yunus Əmrəyə həsr edilən səhnə əsəri nümayiş olunub
17:46 07 May 2021
“Buynuzdan yazanda kəndi işğal olunan şairlərdən utanırdım” - Musa Yaqubun son müsahibəsi
17:15 07 May 2021
Musa Yaqubun dəfn olunacağı yer bəlli oldu
16:39 07 May 2021
Azərbaycanlı şairin ingiliscə kitabı çıxdı
16:12 07 May 2021
Musa Yaqub vəfat etdi
15:35 07 May 2021